Johanni 5:40 - O Debleskro Lab 2024 (Sinte-Manouche)

⁴⁰ Pash mande kamenn t'mer gar te vell, te lenn ko djipen, hoy gar pre-herella.

O Debleskro Drom 2021 (Sinte)

⁴⁰ Pash mande kamenn tumer gar te well, te lenn ko djipen, hoi gar pre-herella.

Johanni 5:40 Referans Kwoze

Johanni 3:19

O Debleskri bari momeli vas ap kay phoub. Oun kol menshe, kay krenn o čilačepen, kaman o tamlepen boudeder har koy momeli. Doleske hi i phagi pral lende vi-rakedo.

Johanni 1:11

Yob vas an peskro them, oun leskre menshe lan les gar pre.

Johanni 6:37

Halauter kolla, kay dell man o dad, venn pash mande. Oun halauter kolla, kay venn pash mande, kolen vitsrau me gar vin.

Mateo 23:37

T'mer menshe an o foro Yerusalem! T'mer maran o Debleskre rakepangren, oun dan kolen i barrentsa moulo, kay o Devel pash t'mende bičras. Boud kope kamom t'men pash mande te lell, te dap garda ap t'mende, har i karhni ap peskre terne garda della, oun lell len tel peskre phora. Oun t'mer kaman gar.

Debleskro tsiro 22:17

O Debleskro Dourho oun o terno bakreskri pirni penenna: “Ab!” Oun koon kova shounell, penella: “Ab!” Oun kones troush hi, kova vella! Koon kamell, kova lell čičeske o pani, hoy o djipen dell.

Remarja 6:23

Kova, kay krell o čilačepen, lell peskri phagi. Koy phagi hi o merepen. Kova, kay patsell ap o Yezous Kristeste, maro rayeste, koles dell o Devel čičeske o djipen, hoy gar pre-herella.

Johanni 6:40

Kova kamell miro dad: Hakeno, koon o čaves dikella, oun ap leste patsella, lell o djipen, hoy gar pre-herella. Oun me krau les i moulendar djido ap o palstouno dives.”

Johanni 6:27

Ma djivenn o rhapaske, hoy paash djala! Djivenn yaake, te lenn ko djipen, hoy gar pre-herella! O Mensheskro Čavo kokres nay dell t'men kova. Yaake sikras o Devel, kay kova leskro čavo hi.”

Jesaja 50:2

Hoske vom me, oun kek mensho his koy, dom gole, oun kek das pes glan? Hi miri moussi gar lengsto doha, te nay lap t'men gar dran o pandepen vin? Hi an mande kek zoor, te nay lap gar yekes vin dran o vavareskro vast? Dikenn, te čingrau me ap o baro pani, palle vell lo trouk i daryatar, oun lengste panya venn har o moulo them. I mačen an lende hi bouder gar doha pani, oun merenn i troushatar oun khandenn palle.

Jesaja 49:7

O baro Devel, kova, kay o Israel dran o čilačepen vin lell, oun kokres leskro Devel hi, yob penell koleske, kay i menshe tele dikenn ap leste, oun koles i menshe dran boud themma gar kamenna, oun lengre raya lestar pengro boudepaskro krenn, ap koleste penell o baro Devel: Bare raya dikenn tout, oun stenn pre glan toute. Oun pralstoune dikenn tout oun vitsrenn pen ap i phoub glan toute, Yon dikan, kay rikrau pash toute, me, o Israeleskro Devel, kay tout vin rodom.

Debleskri gili 81:11

Me hom tiro baro Devel, kay tout dran o them Egiptia vin anas. Kre tiro mouy dour pre, oun me dau tout boud rhapen.

Johanni 5:44

Har nay patsenn t'mer mange? T'mer rodenna, te vell yek i vavarestar sharedo. Te venn t'mer o Deblestar sharedo, kova hi t'menge či moldo.

Mateo 22:3

Ap ko tsiro, kay i biyab his, bičras lo peskre boudepangren pash i menshende, te denn le len pash i biyab gole. Oun yon kaman gar te vell.

Johanni 5:39

T'mer rodenn o djipen an o Debleskro lab oun patsenn, kay hatsenn kote ko djipen, hoy gar pre-herella. Oun čačepah, o Debleskro lab rakrell mandar.

Johanni 5:41

Hi mange či moldo, te vap sharedo i menshendar.

Johanni 10:10

Ko čorepaskro vella, te čorell lo kol bakren, te marell lo len, oun te rhal lo len. Me vom, te dap len o djipen, boudeder har doha.