Johanni 5:20 - O Debleskro Lab 2024 (Sinte-Manouche)

²⁰ O dad kamell o čaves oun sikrell leste halauter, hoy yob krella. Ninna vavar bareder koova sikrell lo leste, yaake kay krenn t'mer bare yaka.

O Debleskro Drom 2021 (Sinte)

²⁰ O dad kamell o tchawes un sikrell leste halauter, hoi job krella. Ninna wawar bareder koowa sikrell lo leste, jaake kai krenn tumer bare jaka.

Johanni 5:20 Referans Kwoze

Johanni 3:35

O dad kamell o čaves, oun das halauter an leskro vast.

Mateo 3:17

Oun i rakepen dran o bolepen penas: “Kava hi miro čavo, koles me kamau. Pral leste hom me barhtelo.”

2. Petro 1:17

O Devel, leskro dad, das les peskro baro raylepen oun sharas les, har yob dran o bolepen ap leste penas: “Kava hi miro čavo, koles me o djiyestar kamau. Yob krell man barhtelo.”

Johanni 17:26

Me sikrom lende, koon tou hal. Kova krau me doureder, te vell tiro kamlepen, hoy hi tout mange, ninna an lende. Yaake djivau me an lende.”

Johanni 15:15

T'mer han mange bouder gar boudepangre. I boudepaskro djinell gar, hoy leskro ray krella. T'menge penom halauter, hoy shounom miro dadestar. Doleske han t'mer kanna mire mala.

Johanni 14:12

Čačepah, me penau t'menge: Koon ap mande patsella, krell ninna kova, hoy me krau. Oun yob krell bareder koova har me, kanna, kay djau me pash o dadeste.

Johanni 10:32

O Yezous penas lenge: “Me krom boud lačo koova. Miro dad penas mange, te krap kova. Hoy hi ko lačo koova, koleske kamenn man moulo te dell?”

Johanni 5:29

Oun yon venn dran i moulengre khera vin. Kolla, kay lačo koova kran, venn djides kerdo, te lenn le ko djipen, hoy gar pre-herella. Oun kolla, kay čilačo koova kran, venn djido kerdo, te lenn le i phagi.

Johanni 5:25

Čačepah, me penau t'menge: Ko tsiro vella oun hi kanna kay, kay i moule shounenn i gole o Debleskro čavestar. Oun kolla, kay shounenn, kay dell yob gole, kolla djivenna.

Johanni 5:21

Har o dad i moulen pre djangrella, oun dell len o nevo djipen, yaake nay dell ninna o čavo o nevo djipen, kones yob kamella.

Johanni 1:18

Kek mensho dikas o Debles. O Debleskro čavo kokres sikras men, koon o Devel hi. Yob hi yek o Debleha.

Louka 10:22

Lauter das miro dad an mire vasta. Oun kek djinella, koon o čavo hi, har kokres o dad. Oun kokres o čavo djinella, koon o dad hi. Oun o čavo sikrell o dades kolende, kay yob vin rodas.”

Mateo 17:5

Oun har yob yaake rakras, vas i parni folka pral lende tele. Oun dran koy folka vas o rakepen, hoy penas: “Kava hi miro čavo! Koles kamau o djiyestar. Yob krell man barhtelo. Shounenn ap leste!”

Mateo 11:27

Lauter das miro dad an mire vasta. Kek djinella, koon o čavo hi, har kokres o dad. Oun kokres o čavo djinella, koon o dad hi. Oun o čavo sikrell kolen, kay patsenn ap leste, koon o dad hi.

Mateo 4:8

Pal kova anas les o beng ap i bari berga pre, oun sikras les i tsele themma ap i phoub oun lengro bravlepen,