Johanni 4:22 - O Debleskro Lab 2024 (Sinte-Manouche)

²² T'mer djinenn gar, kones t'mer an-mangenna. Mer djinah, kones mer an-mangah. I biboldendar vella kova, kay lell i menshen dran o čilačepen oun o merepen vin.

O Debleskro Drom 2021 (Sinte)

²² Tumer djinenn gar, kones tumer an-mangenna. Mer djinah, kones mer an-mangah. I biboldendar wella kowa, kai lell i menshen dran o tchilatchepen un o merepen win.

Johanni 4:22 Referans Kwoze

Bičepangre 17:23

Me djom an t'maro foro trouyel, oun dikom ko koova, hoy t'menge moulno hi, oun hoy t'mer an-mangenna. Oun me hatsom i bar, kay anenn le rhapen i debleske. Ap ko bar hi činlo: Ko debleske, kay prindjrah gar. Oun me penau t'menge: Ko Devel, kones t'mer an-mangenna, ninna te prindjrenn les gar, pral koleste rakrau me kanna.

Jesaja 2:3

oun penenn: “Avenn, te djas pre ap i berga o baro Deblestar, pash o kheer o Yakobeskro Deblestar, te sikrell lo men peskre dromma, te djinas, hoy lo mendar kamell.” O baro Debleskre laba djan vin dran Sion. Dran o foro Yerusalem rakrell lo i menshentsa.

Louka 24:47

Oun an peskro lab hounte vell i menshenge an hake themma penlo, te moukenn le pengro čilačo drom, oun djan ap o Debleskro drom, yaake kay lell o Devel lengri doosh lendar krik. Penenn kova i menshenge an o foro Yerusalem, oun palle an i vavar themma!

Bičepangre 17:30

An o phouro tsiro djinan i menshe gar, kay kova, hoy yon kran, i doosh his. Oun o Devel das len kek phagi. Kanna penell o Devel, te moukenn i menshe pengro čilačo drom, oun djan ap leskro drom.

Debleskri gili 147:19

O Yakobeskre menshen moukell lo peskro lab te shounell; oun ap i Israelitarya penell lo, hoy lo lendar kamell, oun dell len peskre čačepaskre laba.

Zakarie 9:9

Ab barhtelo, tou foro Sion! Denn gole i barhtyatar, t'mer menshe an Yerusalem! Dikenn, t'maro baro ray vella pash t'mende! Yob anell o čačepen, oun vell ap t'mari rig. Yob krell pes gar bares, oun klissell ap i bourika, ava, ap i terni bourika.

Debleskri gili 68:20

Sharedo vell o Devel, maro ray, hako dives! Yob hidjrell menge o pharo koova, oun vell menge ap i rig.

Jesaja 46:13

Me anau t'menge miro čačepen. Kova hi gar dour t'mendar krik. Sik lau t'men dran i bibarht vin. An o foro Sion krau i menshen barhteles. oun i Israelende sikrau miro raylepen.

Jesaja 12:2

O Devel lell man dran i bibarht vin. Me rikrau ap leste, oun darau gar. Peskri zoryah vas o baro Devel ap miri rig. Miri gilyah sharau les dran o dji. Yob las man vin.

1. Mose 49:10

Hako tsiro vell o baro ray dran o kheer Youda, oun yek leskre menshendar rikrell o rayeskro kasht an o vast yaake rah, bis te vell kova, kay čačepah o baro ray hi. Ap koleste shounenn i natsyone ap i phoub.

Esra 4:2

Koy djan le pash o Zorobabel oun pash i familyengre pralstunende oun penan: “Mer kamah t'mentsa o Debleske i kheer te krell. Mer mangah ninna t'maro Debles an, oun maram leske firhen, yaake rah har o baro ray pral o them Assour, o Asarhaddon, men halauter kate an kava them moukas te anell.”

Jesaja 12:6

Givenn oun denn gole i barhtyatar, t'mer, kay djivenn an o foro Sion. O Israeleskro Devel hi bares mashkral t'mende.

Bičepangre 3:26

Doleske bičras o Devel peskro boudepaskres, o Yezouses, glanstounes pash t'mende, te anell yob t'menge o Debleskri barht, te djal hakeno t'mendar peskro čilačo dromestar tele.”

Remarja 11:18

Dran kova penau t'menge: Ma sharenn t'men pral kol kashta, hoy tele činlo van. T'mer hidjrenn gar o djeteskro rouk. Na-a. O djeteskro rouk hidjrell t'men.