Johanni 21:17 - O Debleskro Lab 2024 (Sinte-Manouche)

¹⁷ O Yezous poučas lestar o triinto kopo: “Simon, tou, o Yohanneskro čavo, kameh tou man o djiyestar?” Koy vas o Petreske ropaske pral kova, kay yob triin kope poučas: Kameh tou man o djiyestar? Oun yob penas: “Ray, tou djineh halauter. Tou djineh, kay me tout kamau o djiyestar.” Penas o Yezous: “De mire bakren te rhal!

O Debleskro Drom 2021 (Sinte)

¹⁷ O Jesus putchas lestar o triinto kopo: “Simon, tu, o Johanneskro tchawo, kameh tu man o djijestar?” Koi was o Petreske ropaske pral kowa, kai job triin kope putchas: Kameh tu man o djijestar? Un job penas: “Rai, tu djineh halauter. Tu djineh, kai me tut kamau o djijestar.” Penas o Jesus: “De mire bakren te chal!

Johanni 21:17 Referans Kwoze

Johanni 13:38

“Tou kameh mange te merell?” poučas o Yezous lestar. “Čačepah, me penau touke: O bashno dell gar gole yaake rah, har tou man gar triin kope bourhoste dal.”

Markus 14:72

Oun sik koy pre das o bashno o douyto kopo gole. Oun o Petreske van o Yezouseskre laba an o shero, hoy yob leske penas: “O bashno dell gar o douyto kopo gole yaake rah, har tou gar triin kope penal, te prindjreh man gar.” Kova djas an leskro dji, oun yob rovas.

Johanni 16:30

Kanna djinah mer, kay tou halauter djineh. Tou djineh glan-vi, hoy i menshe kamenn toutar te poučell. Doleske patsah mer, kay tou o Deblestar veh.”

Debleskro tsiro 2:23

Oun kolakre čaven dau moulo. Palle hayvenn i tsele patsle, te hom me kova, kay halauter prindjrella, hoy i menshen an o shero oun an o dji hi. Oun hakeno, kay čilačo koova kras, kova lell mandar koy phagi pal kova, hoy yob kras.

Efesarja 4:30

Te krenn t'mer i čilačo koova, palle doukrenn o Debleskro Dourho an t'mare djia. O Devel das les t'mende, te sikrell lo, kay leskro han ap ko dives, kay lell lo t'men dran o tselo čilačepen vin.

Bičepangre 15:8

O Devel, kay prindjrell i menshengre djia, sikras mende, kay das yob ninna kolen o Debleskro Dourho, kay kek bibolde hi.

Johanni 15:10

Te krenn t'mer kova, hoy me t'menge penom, ačenn t'mer an miro kamlepen yaake, har me kova krau, hoy miro dad mange penas. Oun me ačau an leskro kamlepen.

Johanni 14:15

“Te kamenn t'mer man o djiyestar, krenn t'mer, hoy me t'menge penom.

Debleskri gili 17:3

Tou djineh, hoy mange an o shero djal. Ninna an i rati dikal palla, har an miro dji vi-dikella, oun hatsal či an mande, hoy gar mishto hi. Ninna kek čilačo lab vas dran miro mouy vin.

2. Petro 3:1

Lače phrala oun phenya, kava hi o douyto liil, hoy me t'menge činau. Kalla lila činau, te venn t'mer gar khino an t'maro patsepen. Ma bistrenn,

1. Petro 1:6

Doleske avenn barhtelo, ninna te hounte djan i tikno tsiro ap i drom, kay vell boud pharo koova ap t'mende.

2. Korintarja 1:12

Maro dji penell menge, mer djivam maro djipen čačes oun djoudjes, yaake har o Devel kamella. Doleske nay sharah men. Mer rakram pral o Debleskro lačepen oun penam či, hoy vella dran maro menshengro gosvepen. T'mer djinenna, yaake djivam gar kokres mank i vavar menshende, na-a, ninna pash t'mende.

Bičepangre 1:24

Palle mangan yon o Debles oun penan: “Ray, tou prindjreh i tsele menshengre djia. Sike mende, kones tou kol douyendar vin rodal,

Johanni 18:27

Pale das o Petro bourhoste, oun penas: “Me homs gar pash leste.” Kanna das o bashno gole.

Johanni 18:4

O Yezous djinas halauter, hoy ap leste vella oun djas vin pash lende oun poučas lendar: “Kones rodenn t'mer?”

Johanni 12:8

I čorvele hi hako tsiro pash t'mende. Me hom bouder gar rah pash t'mende.”

Mateo 25:40

Oun o baro ray penell lenge: Čačepah, me penau t'menge: Ko lačepen, hoy t'mer yekeske mire čorvele phralendar kran, ko lačepen kran t'mer mange.

Ropaskre gilja 3:33

Yob hi gar barhtelo, te dell lo i menshes peskri phagi, oun anell o ropen pral leste.

Jeremia 17:10

Me, o baro Devel prindjrau o mensheskro dji, oun dikau dour dren an kova, hoy an leste hi, oun dau hakeneste pal kova, hoy yob kras.

1. Familjakro liil 29:17

Miro Devel, djinau, te dikeh an o dji. Oun touke hi mishto, te hi i menshes i čačo dji. Doleske dom tout kava lauter mandar dran i čačo dji, oun hom barhtelo te dikau, kay tire menshe, kay kate glan touke tardo hi, toute ninna lauter pendar vin dan.

1. Rajengro liil 17:18

Kote penas yoy ap o Eliya: “Hoske kral tou kova mantsa, Debleskro morsh? Tou val pash mande, te vas miri doosh an o Debleskro shero. Doleske hounte meras miro čavo.”

Josua 22:22

“O baro Devel hi bareder har i tsele vavar debla! O baro Devel hi bareder har i tsele vavar debla. Yob djinell oun t'mer hounte djinenn kova ninna: Mer moukam les gar oun hadam men gar pral leste. Te hi kava gar o čačepen, nay denn men moulo.

Debleskro tsiro 3:19

Lauteren, kay kamau o djiyestar, kolende sikrau lengri doosh, oun penau lenge daventsa, te shounenn le ap mande. Moukenn kanna t'maro čilačo drom, oun avenn pale ap miro drom!

2. Samuel 7:20

Oun hoy nay rakrau me, tiro boudepaskro, gomme boudeder? Tou baro Devel, miro ray, djineh, hoy an miro dji hi.

Johanni 21:18

Čačepah, me penau touke: Har tou terno hals, pandal tou tiri dori kokres troul tiro ripen, oun djal kote, kay tou kamal. Te val tou phouro, rikreh tou tire vasta glan toute, oun i vavar pandell tire vasta khetne, oun anell tout kote, kay tou gar kameh te djal.”

1. Familjakro liil 17:18

Tou kral man, tiro boudepaskres, yaake raylo! – Hoy nay rakrau me gomme boudeder? Tou djineh, hoy an miro dji hi.

Johanni 4:16

“Dja khere!” penas o Yezous, “de tiro romes gole, oun am leha pale kay!”

Bičepangre 11:10

Kova djas triin kope. Oun halauter djas pale an o bolepen.