Johanni 20:30 - O Debleskro Lab 2024 (Sinte-Manouche)

³⁰ Boud vavar baro koova kras o Yezous an o Debleskri zoor glan peskre malende, kay gar an kava liil činlo hi.

O Debleskro Drom 2021 (Sinte)

³⁰ Bud wawar baro koowa kras o Jesus an o Debleskri soor glan peskre malende, kai gar an kau liil tchinlo hi.

Johanni 20:30 Referans Kwoze

Johanni 21:25

Hi ninna boud vavar koova, hoy o Yezous kras. Te vals kova lauter an i lila činlo, yek pal o vavar, vals i phoub gar baro doha kol tsele pesse lilenge, patsau me.

1. Johanni 5:13

Me činom t'menge, te djinenn t'mer, kay t'men ko djipen hi, hoy gar pre-herella. Ko djipen hi kolenge, kay ap o Debleskro čaveste patsenna.

1. Korintarja 10:11

Kova lauter, hoy ap lende vas, sikrell men, hoy nay vella. Oun mer, kay djivah kava dives oun djinah, te ačell kava tsiro bouder gar rah, menge vas kova činlo an i lila, te das mer yak ap mende.

Remarja 15:4

Lauter kova, hoy an o phouro tsiro an o Debleskro lab činlo vas, vas činlo, te las mer nevi zoor dran o Debleskro lab, oun das maro patsepen gar pre, oun dikas ap ko lačepen, hoy o Devel men della, an ko tsiro hoy vella.

Johanni 2:11

Kova his o ersto kopo, kay kras o Yezous i baro koova an o Debleskri zoor. Kova kras lo an o gab Kana an o them Galilea. Kote sikras yob peskro raylepen oun peskri zoor. Oun leskre mala patsan ap leste.

Johanni 6:2

Boud boud menshe djan leske palla. Yon dikan, havo baro koova yob an o Debleskri zoor kras ap i nasslende.