Johanni 20:1 - O Debleskro Lab 2024 (Sinte-Manouche)

¹ Sik taysarlake, pal o Debleskro dives, har gomme rati his, vas i Maria Magdalena pash ko moulengro kheer, oun dikas, kay ko bar bouder gar glan o voudar hi.

O Debleskro Drom 2021 (Sinte)

¹ Sik taissarlake, pal o Debleskro diwes, har gomme rati his, was i Maria Magdalena pash ko mulengro kheer, un dikas, kai ko bar buder gar glan o wudar hi.

Johanni 20:1 Referans Kwoze

Markus 16:9

Har o Yezous i moulendar pre stas, sik taysarlake pal o Debleskro dives, his i Maria dran Magdala koy ersti, kolatar moukas lo pes te dikell. Yoy hi koya, kolatar yob glan i tsiro efta bengen vin tradas.

Mateo 27:60

oun čivas les an peskro nevo moulengro kheer, hoy yob das peske an i baro bar. Palle čivas yob i baro bar glan o voudar an ko moulengro kheer, oun djas peske.

Markus 15:46

O Yosef ginas i plarhta, las o Yezouses o troushelestar tele, čivas les an koy plarhta, oun paskras les an i moulengro kheer, hoy his dren dino an i baro bar. Kote glan čivas lo i baro bar.

Johanni 20:26

Oun pal orhta divessa his o Yezouseskre mala pale khetne an ko kheer. Oun o voudar his klidedo. Kava kopo his o Thomas pash lende. Ap yek kopo his o Yezous mashkral lende tardo, oun penas: “O Debleskri barht t'mentsa!”

Johanni 19:25

Tel ko troushel, kay o Yezous pre dino his, his leskri day oun kolakri pheen tardo. Ninna i Maria, kolakro rom o Kleopas hi, oun i Maria Magdalena his koy tardo.

Debleskro tsiro 1:10

Ap o Debleskro dives vas o Debleskro Dourho zoreles pral mande. Oun me shounom pal mande i zorelo rakepen. Kova his har i gole, hoy dell i phourdepaskri.

Mateo 27:64

Dran kova pen tire lourdenge, te denn le kol triin divessa ap ko moulengro kheer yak! Yaake te nay čorenn leskre mala les gar, oun te penenn le i menshenge gar: Yob stas i moulendar pre. Kova vals i bareder rhorhepen har lauter kova, hoy yob penas.”

1. Korintarja 16:2

Hako kourko čivell hakeno t'mendar yaake boud love ap i rig, har leske djala. Yaake hounte čivenn kol love gar khetne ap ko dives, kay vau pash t'mende.

Bičepangre 20:7

Ap o kourko vam mer khetne, te phagas o maro. Oun o Paulo penas o Debleskro lab i menshenge. Oun o vavar dives kamas yob ap o shiffo doureder te oulerell. Doleske rakras yob yaake rah bis deesh-te-douyenge an i rati.

Mateo 27:56

Mashkral lende his i Maria Magdalena, oun koy Maria, kay hi o Yakobeskri oun o Yosefeskri day. Oun o Zebedeskri romni, lakre čave his o Yakobo oun o Yohanni, yoy his ninna kote pash lende.

Mateo 27:66

Oun yon djan pash o moulengro kheer, oun kran i sikepen ap ko bar, te dikenn le, te las yek o bar krik. Oun kol lourde dan yak ap ko moulengro kheer.

Mateo 28:1

O Debleskro dives djas trouyel. O vavar dives, taysarlake, har o kham pre djala, djas i Maria Magdalena, oun koy vavar Maria pash o moulengro kheer.

Mateo 28:2

Ap yek kopo vas i phoub zoreles trisslemen. Oun o Debleskro bolepaskro vas dran o bolepen, čivas ko baro bar glan o moulengro kheer ap i rig, oun beshas pes koy pre.

Johanni 11:38

Kova djas o Yezouseske pale phares an o dji. Oun yob vas pash ko moulengro kheer, kay o Lazaro paskedo his. Glan ko moulengro kheer his i bar čiddo.

Johanni 11:41

Koy čivan le ko bar ap i rig. Oun o Yezous dikas pre, oun penas: “Tata, me parkrau man, kay shounal man.