Johanni 2:4 - O Debleskro Lab 2024 (Sinte-Manouche)

⁴ “Romniya,” penas o Yezous, “hoy me hounte krap, hi miro koova oun gar tiro koova. O tsiro hi mange kanna gar koy.”

O Debleskro Drom 2021 (Sinte)

⁴ “Romnija,” penas o Jesus, “hoi me hunte krap, hi miro koowa un gar tiro koowa. O tsiro hi mange kanna gar koi.”

Johanni 2:4 Referans Kwoze

Johanni 7:6

Koy penas o Yezous ap lende: “O tsiro hi mange kanna gar kay, te djap kote. T'mer nay djan hako tsiro koy.

Johanni 13:1

His o dives glan kol bare divessa, kay kharenna Passa. O Yezous djinas, kay leskro tsiro vas, te moukell lo i phoub, te djal lo pale pash peskro dadeste. O tselo tsiro kamas lo kolen o djiyestar, kay leskre his. Oun yob moukas gar tele, te kamell lo len.

Johanni 8:20

Har yob kava penas, his yob an o Debleskro baro kheer, kote, kay i pirya tardo his, kay i menshe love o Debleske dren čivan. Kote penas yob i menshenge o Debleskro lab. Oun kek tapras les. I tsiro his leske kanna gar koy.

Johanni 7:30

Koy kaman yon les te taprell. Oun kek nay hadas o vast ap leste. O tsiro his leske kanna gar koy, kay vell yob tapedo.

Johanni 12:23

O Yezous penas ap lende: “Ko tsiro hi kanna kay, kay o Devel sikrell o Menshengro Čaveskro raylepen.

Sikepaskro 3:1

Halauter, hoy djal ap i phoub, koles hi peskro tsiro. Halauter, hoy krah, djal an o čačo tsiro:

Mateo 8:29

Oun yon dan gole: “Hoy kameh tou mendar, Debleskro čavo? Val tou pash mende, te doukress men tou glan o tsiro, kay rakrell o Devel i phagi pral mende vin?”

2. Samuel 19:22

O Abishay, koleskri day i Serouya his, penas: “O Shimi hounte merell. Yob praasas koles, kay vas o baro Deblestar vi-rodedo, te vell lo baro ray.”

2. Samuel 16:10

“Abishay”, penas o baro ray, “kova hi gar t'maro koova, t'mer čave foun i Serouya. Te penas o baro Devel leske, te praasell lo man, koon nay penell kanna: Hoske kreh tou kova?”

Johanni 20:15

Koy penas o Yezous ap late: “Romniya, hoske roveh tou? Kones rodeh tou?” I Maria patsas: Yob hi kova, kay boudrell an i baar. Doleske penas li: “Romeha, te anal tou les krik, pen mange, kay tou les čival, te djap koy, oun lap les pale!”

Johanni 20:13

“Hoske roveh tou, romniya?” poučan kol bolepangre i Mariatar. “Yon lan miro rayes krik,” penas li, “oun me djinau gar, kay yon les čivan.”

Louka 2:49

Koy penas lo ap lende: “Hoske rodan t'mer man? Djinenn t'mer gar, te krap me kova, hoy miro dad mandar kamella?”

Mateo 15:28

Penas lo: “Romniya, tiro patsepen ap mande hi bares. O Devel krell touke kova, hoy tou kameh.” Oun ap kava tsiro vas lakri čay sasto.

5. Mose 33:9

Yon rikran boudeder ap toute har ap pengre dadende oun dayende, pengre phralende oun čavende. Oun dan yak ap tiro lab, oun rikran pen ap koy sovel, hoy tou lentsa dren djal.

2. Korintarja 5:16

Doleske dikah kanna bouder gar yaake ap i mensheste har an o tsiro, har hams gomme gar patslo. Ninna prindjrah mer o Yezous Kristes kanna vavarčandes har an ko tsiro, har djivas lo ap i phoub.

1. Rajengro liil 17:18

Kote penas yoy ap o Eliya: “Hoske kral tou kova mantsa, Debleskro morsh? Tou val pash mande, te vas miri doosh an o Debleskro shero. Doleske hounte meras miro čavo.”

Johanni 2:3

Har len kek mool bouder his, penas o Yezouseskri day ap peskro čaveste: “Len hi bouder kek mool.”

Johanni 7:8

Djan t'mer ap o festo! Me djau gar peha. O tsiro hi mange kanna gar kay.”