Johanni 2:10 - O Debleskro Lab 2024 (Sinte-Manouche)

¹⁰ oun penas ap leste: “Hakeno dell i lači mool glan i vavar mool. Oun te hi le mato, dell lo len koy mool, kay gar yaake lačo hi. Tou rikral koy lači mool pale.”

O Debleskro Drom 2021 (Sinte)

¹⁰ un penas ap leste: “Hakeno dell i latchi mool glan i wawar mool. Un te hi le mato, dell lo len koi mool, kai gar jaake latcho hi. Tu rikral koi latchi mool pale.”

Johanni 2:10 Referans Kwoze

Louka 16:25

Koy penas o Abraham: Čava, touke djas hako tsiro an tiro djipen mishto. O Lazares his kek shoukar djipen. Kanna hi yob barhtelo oun leske djal mishto. Oun tout hi kanna bare douka.

1. Mose 43:34

O Yosef moukas leskro rhapastar peskre phralenge te anell. Oun ko rhapen, hoy moukas yob o Benyamineske te anell, his panč kope yaake boud, har o rhapen leskre vavar phralenge. Oun yon rhan oun piyan oun van barhtelo leha.

Kamlepaskri gili 5:1

Me vau an miri baar, heyo, miri pirni. Oun lau mire soungepaskre roukengre, kashta oun patria. Oun rhau miro goudlo gvin, oun piyau miri mool oun miro thoud. Rhan, mala, oun piyenn! Oun venn mate an t'maro kamlepen!

Debleskri gili 104:15

i mool, hoy o mensheskro dji barhteles krella, o djet, hoy leskro mouy shoukar krella, oun o maro, hoy o menshes zoreles krella.

Mateo 24:49

oun yob dell kol vavar boudepangren dava, oun rhal oun piyell pes mato kolla matentsa,

Louka 12:45

“Ko boudepaskro, te penell lo ap peste: Miro ray vell gar yaake sik pale, oun yob dell kol vavar boudepangren dava, oun rhal oun piyell pes mato,

Bičepangre 2:15

Kol morsha hi gar mato, har t'mer penenna. Hi enyenge taysarlake.

1. Korintarja 11:21

Hakeno rhal peskro rhapen kokres, hoy yob peha las, oun dell kek vavares čomone. Doleske hi mashkral t'mende phrala oun phenya, kay hi len bok oun troush. Oun vavaren hi yaake boud te piyell, te venn le mato.

Efesarja 5:18

Ma piyenn yaake boud mool, te venn mato! Te han mato, palle krenn t'mer hako dinelo koova. Moukenn o Debleskro Dourho o ray an t'mende te vell, oun venn pherdo lestar!

1. Tessalonikarja 5:7

Koon sovella, sovell an i rat. Oun koon kamell pes mato te piyell, krell kova ninna an i rati.

Debleskro tsiro 17:2

I bare raya ap kay phoub čivan pen lah khetne. Ko vi-ladjedo koova, hoy koy djouvel kras, hi har i mool, hoy piyan kolla, kay ap i phoub djivenna, oun latar mato van.”

Debleskro tsiro 17:6

Oun me dikom, kay koy djouvel mato his o ratestar, hoy nashas, har o Debleskre menshe maredo van, kolla, kay patsan ap o Yezouseste oun dan pengro patsepen gar pre. Oun me nashte patsom gar, hoy dikom.