Johanni 18:28 - O Debleskro Lab 2024 (Sinte-Manouche)

²⁸ Kanna anan le o Yezouses dran o Kayafeskro kheer vin, oun anan les an o baro kheer o themeskro rayestar, kay i Remari his. His taysarlake. I bibolde djan gar leha an ko baro kheer dren, te venn le gar pale-čiddo. Yon kaman te nay rhan le ko rhapen ap ko baro dives, kay kharella Passa.

O Debleskro Drom 2021 (Sinte)

²⁸ Kanna anan le o Jesuses dran o Kajafeskro kheer win, un anan les an o baro kheer o themeskro rajestar, kai i Remari his. His taissarlake. I bibolde djan gar leha an ko baro kheer dren, te wenn le gar pale-tchiddo. Jon kaman te nai chan le ko chapen ap ko baro diwes, kai kharella Passa.

Johanni 18:28 Referans Kwoze

Johanni 19:9

Yob djas pale an peskro kheer oun poučas o Yezousestar: “Kay veh tou?” O Yezous penas či koy pre.

Johanni 18:33

O Pilato djas pale an peskro kheer, oun moukas o Yezouses dren te anell, oun poučas lestar: “Hal tou o baro ray pral i biboldende?”

Johanni 19:14

His yaake deesh-te-douyenge, yek dives glan kol bare divessa, kay kharenna Passa. Oun o Pilato penas ap kol biboldende: “Dikenn, kova hi t'maro baro ray!”

Mateo 27:27

Palle anan o Pilateskre lourde o Yezouses an o baro kheer o themeskro rayestar. Oun yon dan i tsele lourden gole, te venn le kote khetne.

Bičepangre 3:13

Na-a! O Devel o Abrahamestar, oun o Isaakestar oun o Yakobestar, ko Devel mare dadendar sikras t'mende kate, havi bari zoor oun raylepen yob peskro boudepaskres, o Yezouses, das. Koles dan t'mer an o Pilateskre vasta, oun dan les bourhoste, har o Pilato kamas les te djal moukell.

Johanni 11:55

His i tikno tsiro glan kol bare biboldengre divessa, kay kharenna Passa. Dran ko tselo them van i menshe an o foro Yerusalem, te thovenn pen le an o pani glan o Passa, yaake har i biboldengro koova hi.

Bičepangre 11:3

Oun yon penan ap leste: “Tou djal pash kolende, kay hi gar bibolde, oun rhal lentsa.”

Bičepangre 10:28

Oun o Petro penas ap lende: “T'mer djinenna, te hi kova i biboldeske pale-čiddo, te djal lo an o kheer dren, hoy gar i biboldeskro hi. Oun kek vi-themari vell pash i biboldeste an o kheer dren. Mande sikras o Devel, te rikrap kekes pale-čiddo.

Johanni 18:39

Shounenn, pash t'mende vell hako bersh ap kol bare divessa, kay kharenna Passa, i stildo dran o stilepen mouklo. Kamenn t'mer, te moukap o baro rayes pral i biboldende te djal?”

Micha 2:1

Havi bibarht vell pral kolende, kay hi čiddo ap pengro čiben, oun an lengro shero djal čilačo koova trouyel, hoy kamenn le te krell. Yaake sik har o kham pre djal, krenn le, hoy le pen glan lan. Len hi i zoor, te krenn le, hoy le kamenn.

5. Mose 16:2

Djan ap koy platsa, hoy t'maro baro Devel peske vin rodell, te vell yob kote an-mangedo. Oun kote marenn leske i firho, nay vell i bakro, i bouzni oder i groumni, hoy rhan pash o rhapen, hoy vell Passa kharedo.

Louka 22:66

Oun har o dives vas, moukan i biboldengre phoureder, i bare rashaya oun i čačepangre o Yezouses pash pende te anell.

Markus 15:16

Kol lourde anan les an o baro kheer o themeskro rayestar, oun dan i tsele lourden khetne gole.

Ezekiel 45:21

An o glanstouno čon ap o 14. (deesh-te-starto) dives an ko čon, rikrenn kol bare divessa dren, hoy kharenn Passa, oun hoy djan 7 (efta) divessa. An kava tsiro hounte rhan kek maro dran shoutlo yarro.

Gosewe laba 4:16

Kol menshe nay sovenn gar yaake rah bis te kran le čomone čilačo. Lenge vell o sopen randedo, te anan le gar yekes an i bibarht.

Gosewe laba 1:16

Yon denn an i herya, te krenn le čilačepen. Sik nashenn le, te marenn le menshen.

Debleskri gili 35:16

Khetne kol čilačentsa praasan le man oun sikran mange pengre danda.

Johanni 18:13

Oun anan les pash o Hannas. Kova his o dad o Kayafeskri romyatar. O Kayafas his an kava bersh baro rashay.

Johanni 18:15

O Petro oun i vavar o Yezouseskre malendar djan o Yezouseske palla, har yob an o kheer o baro rashayestar anlo vas. O baro rashay prindjras ko vavar males. Doleske djas nay yob o Yezouseha an ko kheer.

Johanni 19:11

Penas o Yezous: “Tout vals kek zoor pral mande, te dals tout o Devel koya gar. Doleske hi koles, kay das man an tire vasta, bareder doosh har tout.”

Bičepangre 4:27

Čačepah, yon van lauter an kava foro khetne: O Pilato, o Herodes, i Remarya, oun i tsele bibolde dran boud themma. Yon hi rhoyemen ap tiro boudepaskro Yezous, kay toutar vas. Koles rodal tou vin, maro Devel, te vell lo baro ray.

Bičepangre 10:32

Kanna biče morshen an o foro Yoppe, te anenn le o Petres pash toute. Kova hi an o kheer, kay ko Simon djivella, kay boudrell i firhengri mortsi. Leskro kheer hi pash o baro pani čiddo.