Johanni 18:20 - O Debleskro Lab 2024 (Sinte-Manouche)

²⁰ O Yezous penas ap leste: “Me rakrom glan i tsele menshende yaake, kay hakeno kova nay shounas. Hako tsiro rakrom an i biboldengri kangri oun an o Debleskro baro kheer, kay i tsele bibolde khetne van. Me penom či čorrhanes.

O Debleskro Drom 2021 (Sinte)

²⁰ O Jesus penas ap leste: “Me rakrom glan i tsele menshende jaake, kai hakeno kowa nai shunas. Hako tsiro rakrom an i biboldengri kangri un an o Debleskro baro kheer, kai i tsele bibolde khetne wan. Me penom tchi tchorchanes.

Johanni 18:20 Referans Kwoze

Johanni 7:26

Kanna rakrell lo glan hakeneste. Oun kek dell les trad. Dikan mare pralstoune kanna dren, kay yob ko baro ray hi, kolestar o Devel penas, te vell yob?

Mateo 4:23

Oun yob djas an o tselo them Galilea trouyel, oun rakras an i biboldengre kangria, oun penas i menshenge ko lačo lab, kay o Devel kamell len dran o čilačepen te lell, oun kamell lengro ray te vell. Oun yob kras lauteren sasto, kay mank lende nasselo hi.

Jesaja 48:16

Stakrenn glan mande, oun shounenn kava! Glan i rah tsiro penom t'menge, hoy vella. Kova penom gar an i khatepen. Har kova vas, homs koy. Oun kanna bičras man o baro Devel, maro ray, oun das man peskro dourho.

Louka 21:37

Hako dives rakras o Yezous an o Debleskro baro kheer. I rati djas yob pash koy berga, hoy kharella djeteskri berga, oun ačas koy.

Johanni 7:4

Kek mensho khatrell pes, te kamell lo i menshen te sikrell, hoy yob nay krella. Te kreh tou savo baro koova, palle mouk kova i tsele menshen te dikell!”

Louka 4:15

Oun yob djas an i biboldengre kangria oun sikras i menshende o Debleskro drom. Oun hakeno sharas les.

Mateo 26:55

Oun koy pre penas lo ap kol tsele morshende, kay troul leste tardo hi: “T'mer van i rharentsa oun i kashtentsa pash mande, har te voms i marepaskro. Hako dives homs an o Debleskro baro kheer oun sikrom i menshende o Debleskro drom. Oun t'mer tapran man gar.

Mateo 9:35

Oun o Yezous djas an i forya oun gaba trouyel, oun rakras an i biboldengre kangria, oun penas i menshenge ko lačo lab, kay o Devel kamell len dran o čilačepen te lell, oun kamell lengro ray te vell. Oun yob kras lauteren sasto, kay nasselo hi.

Jesaja 45:19

Me rakrom gar čorrhanes an i khatepen, kay kek shounell, oun penom gar ap o Yakobeskre čavende: Rodenn man čičeske! Me, o baro Devel, rakrau o čačepen, oun penau t'menge, hoy čačo hi.

Johanni 8:26

Me nay penoms t'menge boud koova, kay dikom o čilačepen ap t'mende. Me krau kova gar. Me penau i menshenge, hoy shounom kolestar, kay bičras man. Oun hoy yob penella, hi čačo.”

Johanni 8:2

O vavar dives taysarlake vas yob pale an o Debleskro baro kheer. Oun i tsele menshe van pash leste. Oun yob beshas pes tele, oun penas lenge o Debleskro lab.

Johanni 7:28

O Yezous, kay an o Debleskro baro kheer i menshenge o Debleskro lab penas, shounas kova, oun das gole: “Har nay prindjrenn t'mer man, oun djinenna, kay vom? Me vom gar mandar kokres! Čačepah, koles, kay bičras man, prindjrenn t'mer gar!

Johanni 7:14

Har ko festo paash trouyel his, djas o Yezous an o Debleskro baro kheer, oun penas i menshenge o Debleskro lab.

Mateo 26:65

Koy kras o baro rashay peskro ripen paash, te sikrell lo peskri rholi, oun penas ap i vavar pralstunende: “Yob krell pes har o Devel. T'mer shounan les. Kek hounte penell menge boudeder.

Bičepangre 26:26

O baro ray Agrippa djinell kova lauter. Man hi kek traash, te rakrap leha pral halauter. Me djinau, yob shounas kova lauter. Kova, hoy koy djas, ačas gar khatedo.

Mateo 24:26

Yon te penenn t'menge: O baro ray, kolestar o Devel penas, te vell yob, kova hi an o moulo them! ma djan kote vin! Oun yon te penenn: Yob hi an ko kheer! ma patsenn len!

Debleskri gili 40:9

“Miro Devel, me kamau te krap o djiyestar, hoy tou kameh. Oun tiro lab hi an miro dji.”

Debleskri gili 22:22

Tserde man vin dran o leveskro mouy! Oun le man krik glan i shinga divye gourmendar! Tou shounal man.

Markus 8:32

Oun kova lauter penas lo lenge, oun rikras či pale. Koy las les o Petro ap i rig, oun čingras ap leste.

Johanni 6:59

Kova penas yob an i biboldengri kangri, har yob an ko foro Kapernaum lenge o Debleskro lab penas.

Johanni 18:21

Hoske poučeh tou mandar? Pouč kolendar, kay shounan man. Yon djinenna, hoy me penom!”