Johanni 18:1 - O Debleskro Lab 2024 (Sinte-Manouche)

¹ Har o Yezous kova penas, djas yob peskre malentsa vin. Oun yon djan vergel ko pani, hoy kharella Kidron. Koy his i baar. Koy dren djas o Yezous peskre malentsa.

O Debleskro Drom 2021 (Sinte)

¹ Har o Jesus kowa penas, djas job peskre malentsa win. Un jon djan wergel ko pani, hoi kharella Kidron. Koi his i baar. Koi dren djas o Jesus peskre malentsa.

Johanni 18:1 Referans Kwoze

Markus 14:32

Oun yon van an i baar, koy kharas Getsemani. Oun o Yezous penas ap peskre malende: “Beshenn t'men kate yaake rah, har rakrau o Debleha.”

Mateo 26:36

Oun palle djas o Yezous peskre malentsa an i baar, hoy kharella Getsemani. Oun yob penas ap lende: “Beshenn t'men kate! Me djau kote, te rakrap o Debleha.”

2. Samuel 15:23

Oun lauter, kay pale ačan, rovan zoreles, har kol tsele lourde glan leste vergel djan. Oun o baro ray djas vergel ko tikno pani Kidron. Oun khetne leha djan kol tsele lourde doureder ap ko drom, kay djal an ko moulo them.

Johanni 18:26

“Dikom me tout gar an i baar pash leste?” penas yek klisto, kay boudrell ko baro rashayeske. Kava klisto his yek koleskre menshendar, koleske o Petro o kand tele das.

Johanni 14:31

Me krau, hoy miro dad mange penas, te dikenn i menshe ap kay phoub, kay kamau les o djiyestar. Stenn pre, te djas menge!”

Jeremia 31:40

Oun koy tseli tala, kay i moule paskedo hi, oun i yagakri čik vin čoredo vas, tele bis pash o pani Kidron, pral bis pash o grayengro voudar, hoy ap koy rig hi, kay o kham pre djal, koy tseli tala hi o baro Debleske. Oun ko foro vell bouder gar tele phagedo oun paash kerdo – an kek tsiro.

2. Familjakro liil 30:14

Oun yon kran pen ap i boudi, te lenn le kol tsele rhačepangre krik dran Yerusalem, kay i moule debla an-mangedo van. Ninna kol boba, kay lenge soungepaskro koova rhačedo vas, lan le krik oun vitsran halauter pash o pani, hoy kharell Kidron.

2. Familjakro liil 15:16

Oun ninna kras o baro ray Asa, te his leskri day, i Maaka, bouder gar i rani. Kova kras lo doleske, kay moukas li i djoungeli figura te krell, hoy i debletsa Ashera sikras. Oun o Asa das lakri djoungeli figura an kotya oun rhačras lat pash o pani Kidron.

2. Rajengro liil 23:12

Oun yob kras kol rhačepangre paash, hoy pral ap o kheer koy tardo his, kay o Ahases leskri isema his. Kol rhačepangren moukan i bare raya pral o them Youda te krell. Ninna kolla, kay o Manasse kras, phagas lo tele. Kolla his tardo ap kol douy platse glan o baro Debleskro kheer. Oun o Yosia djas koy oun vitsras lengri čik an ko tikno pani, hoy kharell Kidron.

2. Rajengro liil 23:6

Oun o Yosia moukas koy kashteni debletsa Ashera dran o baro Debleskro kheer te anell glan o foro Yerusalem pash ko tikno pani, kay kharell Kidron. Oun kote moukas lo lat te rhačrell. Oun hoy latar pral ačas, moukas lo tiknes te krell har phoubyakri čik, oun čivas kova khetne koy yagakri čik ap o handako, kay i čorvele paskedo van.

1. Rajengro liil 15:13

Oun ninna kras lo, te his leskri day, i Maaka, bouder gar i rani. Kova kras lo doleske, kay moukas li i djoungeli figura te krell, hoy i debletsa Ashera sikras. Oun o Asa das lakri djoungeli figura an kotya oun rhačras lat pash o pani Kidron.

1. Mose 3:23

Oun o baro Devel, maro ray, bičras les vin dran i baar Eden, te boudrell yob ap i harhetikri phoub. Dran i čik i phoubyatar vas o mensho kerdo. Oun kanna hounte boudrell yob koy pre.

Markus 14:26

Palle givan le o Debleske i gili, oun djan vin pash o djeteskri berga.

Mateo 26:30

Oun palle givan le o Debleske i gili, oun djan vin pash o djeteskri berga.

1. Mose 2:15

Oun o baro Devel, maro ray, las o romes oun čivas les an i baar Eden, te boudrell yob kote, ninna te dell yob yak ap i baar.

1. Rajengro liil 2:37

Djin, an ko dives, kay tou djah vin oun nasheh pral o pani Kidron, hounte meress. An ko dives vell tiro rat pral toute.”

2. Rajengro liil 23:4

Oun o baro ray penas o pralstouno rashayeske Hilkiya oun vavar bare rashayenge, oun kolenge, kay denn garda ap o voudar, te vitsrenn le dran o baro Debleskro kheer kol tsele koola vin, hoy kol deblenge Baal oun Ashera oun kol tsele bolepangre momelenge kerdo van. Oun yob moukas halauter te rhačrell an i yag, vin glan o foro Yerusalem an o telstouno them, hoy kharell Kidron. Oun i yagakri čik moukas lo an o foro Betel te anell.

2. Familjakro liil 29:16

Oun i rashaya djan an o baro Debleskro kheer dren, te krenn le les djoudjo, oun anan ko tselo koova, hoy pale-čiddo his, vin ap i glanstouni platsa. Oun kote lan i Levitarya kova oun anan les vin pash o pani Kidron.

Nehemia 2:15

klissom i kotar doureder an o telstouno panyeskro them, oun dikom mange mishto ko massouri kote an. Palle rissrom man oun vom pale pash o Telstouno Voudar, kay glan i tsiro dren djom.

Bičepangre 21:11

Oun yob vas pash mende, las koy dori, hoy o Paules troul peskro ripen his, oun pandas peskre pire oun vasta, oun penas: “Kova penas mange o Debleskro Dourho: Ko morsh, koneske kay dori hi, koles pandenn i bibolde an o foro Yerusalem, oun denn les an i vasta kolendar, kay kek bibolde hi.”

3. Mose 2:6

Tou phagess koy merkli an kotya oun čoress djet pral. Yaake hounte vell i rhapen dran djob anlo glan o Debleste.

Markus 14:42

Stenn pre! Djas menge! Dikenn, ko phoukepaskro vella.”