Johanni 17:21 - O Debleskro Lab 2024 (Sinte-Manouche)

²¹ Me mangau toutar, te venn le halauter yek, yaake har tou, tata, an mande hal, oun me an toute hom. Yaake te venn yon yek an mende, te patsenn i menshe, kay tou man bičral.

O Debleskro Drom 2021 (Sinte)

²¹ Me mangau tutar, te wenn le halauter jek, jaake har tu, tata, an mande hal, un me an tute hom. Jaake te wenn jon jek an mende, te patsenn i menshe, kai tu man bitchral.

Johanni 17:21 Referans Kwoze

1. Korintarja 12:12

O mensho hi dran boudeder kotya, har moussya, herya, oun vavar. Ninna te hi lo dran boud kotya, hi lo yek mensho. Yaake hi ninna o Yezous Kristeha oun kolentsa, kay ap leste patsenna.

Johanni 17:11

An i tikno tsiro hom bouder gar ap kay phoub. Me vau pash toute. Yon hi ap kay phoub. Miro dad, tou hal o baro Devel, rike len an tire vasta, te ačenn yon pash toute, te venn yon yek, yaake har mer ham!

Filiparja 1:27

Kanna, krenn lauter, te djan yaake ap o Yezouseskro drom, har kova t'mende siklo vas! Krenn kova ninna, te hom gar pash t'mende! Te dikau t'men gar, kamaus te shounap, te rikrenn t'mer lauter khetne an o patsepen, oun te krenn i tseli zoryah lauter, te vell o patsepen ap o Yezous Kristeste zorelo pash t'mende.

Johanni 13:35

Ap kova dikell hakeno, kay t'mer mire mala han, te kamell yek o vavares o djiyestar.”

Bičepangre 4:32

Kol tsele patslen his yek dji oun yek djipen. Kek lendar penas: Ko bravlepen, hoy man hi, hi mange kokres. Na-a, kova his lauterenge koy!

Zakarie 14:9

Palle hi o baro Devel o ray pral i tsele themma ap i phoub. An ko tsiro hi yob kokres o Devel. Les kokres mangenn le an.

Johanni 17:8

Hoy tou mange penal, penom me lenge doureder. Oun yon lan mire laba pre oun hayvan, kay me čačepah toutar vom. Oun yon patsan, kay tou man bičral.

Johanni 10:38

Te krau me, hoy o dad mange penas, patsenn ap kova, hoy me krau! Yaake dikenn oun prindjrenn t'mer, kay o dad an mande hi oun me an leste.”

Johanni 10:30

Me oun o dad ham yek.”

Galatarja 3:28

Yaake djivah lauter o Yezouseha khetne. Kanna hi yek, koon t'mer han: bibolde oun kolla, kay kek bibolde hi, boudepangre oun raya, morsha oun djouvya. An o Yezous Kristeste hi yek har o vavar.

1. Korintarja 1:10

Mire phrala, me shounom, kay hi čingepen mashkral t'mende. Kova penan mange kolla dran i familya koy djouvyatar Kloe. Kanna mangau t'men an o lab maro rayestar, o Yezous Kristestar: Ma čingrenn t'men bouder! Ačenn khetne oun rikrenn khetne an kova, hoy t'mer krenna oun patsenna!

Remarja 12:5

Yaake ham mer boud patsle oun djah khetne ap o Yezouseskro drom, oun yaake hi yek o vavareske koy.

Jeremia 32:39

Me krau, te vell len yek dji oun yek djipen, te kamenn le ap mande te shounell pengro tselo djipen. Palle djal lenge mishto, ninna lengre čavenge pal lende.

1. Johanni 5:7

Kolla hi triin, kay sikrenn mende, kay o Yezous o Debleskro čavo hi:

Bičepangre 2:46

Hako dives van le khetne an o Debleskro baro kheer. Yon rhan o maro khetne an i khera. Oun yon his barhtelo, te dan yon nay i phralen ninna te rhal. Kova kran le o djiyestar.

Johanni 17:25

Tata, tou hal an o čačepen tardo! I menshe ap kay phoub prindjrenn tout gar. Me prindjrau tout. Oun kalla hayvan, kay tou man bičral.

Johanni 10:16

Man hi ninna vavar bakre. Kolla hi kate gar khere. Kolen anap halauter kate. Yon shounenn ap miro rakepen, oun me anau len khetne i vavarentsa. Oun len hi yek bakrengro.

Zefanja 3:9

Pal kova dau i menshen an i vavar themma djoudje mouya, te kharenn le halauter o baro Debleskro lab an, oun mangenn les khetne an.

Johanni 17:3

Kova hi ko djipen, hoy gar pre-herella: Te prindjrenn yon tout, kay tou hal o čačo Devel, oun te prindjrenn yon o Yezous Kristes, koles tou bičral ap kay phoub.

Johanni 5:23

te sharenn le halauter o čaves, yaake har sharenn le o dades. Koon o čaves gar sharella, kova sharella vitar gar o dades, kay bičras o čaves.

Johanni 3:17

O Devel bičras peskro čaves gar ap i phoub, te anell yob o Debleskri rholi pral i menshende. Yob vas, te lell lo len dran o čilačepen oun o merepen vin.

Johanni 17:18

Me bičrau len pash i menshende, yaake har tou man pash i menshende bičral.

Johanni 11:42

Me djinau, kay tou man hako tsiro shouneh. Me penau kava kol boud menshenge, kay hi kay tardo, te dikenn le oun te patsenn le, kay tou man bičral.”

Johanni 17:20

Me mangau gar lenge kokres. Me mangau ninna kol menshenge, kay shounenna, hoy yon mandar penenna, oun dran kova ap mande patsenna.

1. Korintarja 6:17

Ko mensho, kay djal o Yezouseha, maro rayeha, koles hi yek dourho leha.

1. Johanni 1:3

Kova, hoy mer dikam oun shounam, penah mer t'menge, te nay vas mer t'mentsa khetne an o čačepen. Oun čačepah, mer ham khetne o Debleha, kay hi maro dad an o bolepen, oun leskro čaveha, o Yezous Kristeha.

Markus 3:24

Te kourenn pen i bare raya an yek them, palle djal ko them paash.

Johanni 13:32

Te vas o Debleskro raylepen oun leskri zoor ap leste diklo, dell o Devel leste peskro raylepen. Oun ko tsiro hi kanna kay.