Johanni 17:17 - O Debleskro Lab 2024 (Sinte-Manouche)

¹⁷ Mouk len tiro čačepen te dikell, te djivenn le pengro tselo djipen touke kokres! Tiro lab hi o čačepen.

O Debleskro Drom 2021 (Sinte)

¹⁷ Muk len tiro tchatchepen te dikell, te djiwenn le pengro tselo djipen tuke kokres! Tiro lab hi o tchatchepen.

Johanni 17:17 Referans Kwoze

Johanni 15:3

T'mer han djoudjo. Mire laba, hoy penom t'menge, kran t'men djoudjo.

Debleskri gili 119:160

Tiro tselo lab hi o čačepen. Oun tire tsele čačepaskre laba ačenna hako tsireske.

Efesarja 5:26

te venn le erligo oun djoudjo glan leste. Yob thovas lengri doosh lendar tele, har patsan le leskro lab, oun van leske an o pani thodo.

Johanni 17:19

Me dau tout miro tselo djipen. Kova krau lenge, te venn yon ninna tire an o čačepen.

Johanni 8:32

Oun t'mer prindjrenna o čačepen. Oun o čačepen krella, te han bouder gar pandlo.”

Jakobo 1:21

Doleske moukenn hako djounglepen oun čilačepen! Oun patsenn ko lab, hoy o Devel an t'mende čivas! Krenn kova i lačo djiyeha! An o Debleskro lab hi koy zoor, te lell lo t'men dran o čilačepen oun o merepen vin.

2. Tessalonikarja 2:13

Mire phrala, mer hounte parkras men t'menge pash o Debleste hako tsiro. Maro ray Yezous kamell t'men o djiyestar. Glan i rah tsiro, har o Devel kras o bolepen oun i phoub, rodas lo t'men vin, te djivenn leha khetne an leskro raylepen. Har patsan t'mer leskro čačo lab, das lo peskro Dourho an t'mende. Oun kova krell, te djivenn t'mer i djoudjo djipen glan leste.

Debleskri gili 119:11

Me rikrau tiro lab an miro dji, te anap kek doosh ap mande.

Efesarja 4:21

T'mer shounan lestar, oun djinenna, har yob djivas. Ko drom, hoy yob sikras men, hi o čačo drom.

Debleskri gili 119:9

Har nay djal i terno morsh peskro drom yaake, te ačell peskro djipen djoudjo? Kova nay krell lo, te rikrell lo pes ap tiro lab.

Debleskri gili 119:104

Tiro lab krell man gosevo. Doleske nay dikau gar rhorhene dromma glan i yaka.

Debleskri gili 12:6

“Kanna”, penell o baro Devel, “stau me pre. Ap i čorvelende djan le zoryah. Me shounom lengro ropen. Kanna rikrau mire vasta pral hakeneste, kay peskro tselo djiyeha kamell, te vap ap leskri rig.”

Louka 8:15

Koy lači phoub hi har o dji kol menshendar, kay o Debleskro lab shounenna, oun djivenn koy pal. An lengre djia vell ko lab zorelo. Oun yon ačenn zoreles an o patsepen tardo.”

2. Samuel 7:28

Baro Devel, miro ray, tou hal o čačo Devel. Oun tire laba hi o čačepen. Oun kanna dal tou man tiro lab, te dess ko tselo lačo koova mande, kay hom tiro boudepaskro.

2. Korintarja 3:18

Mer lauter, kay patslo ham, dikah o Debleskro raylepen yaake mishto, har te dikah an i dikepaskri. Kek diklo hi ap mare yaka čiddo. Oun har mer dikah ap leste, vah mer boud oun boudeder yaake, har yob hi. Kova krell o Debleskro Dourho an mende.

Bičepangre 15:9

Leske hi yon gar vavarčandes har mer, i bibolde. Yon te patsenn ap leste, palle krell lo lengro dji djoudjo.

Louka 8:11

Kanna penau t'menge kova yaake, te hayvenn t'mer kova: O djob hi o Debleskro lab.

Johanni 8:40

Kanna, kay me t'menge ko čačepen penom, kay shounom o Deblestar, kamenn t'mer man te marell. Kova kras o Abraham gar.

Debleskri gili 119:144

Tire laba, hoy menge sikrenn, har te djivas, ačenna hako tsiro čačo. Sike mande, har te hayvap len! Palle djivau.