Johanni 16:3 - O Debleskro Lab 2024 (Sinte-Manouche)

³ Yon prindjrenn o dades gar oun man vitar gar. Doleske krenn yon kova.

O Debleskro Drom 2021 (Sinte)

³ Jon prindjrenn o dades gar un man witar gar. Doleske krenn jon kowa.

Johanni 16:3 Referans Kwoze

Johanni 15:21

T'mer han miro. Doleske hi yon čilačo ap t'mende. Yon prindjrenn koles gar, kay bičras man.

Johanni 17:25

Tata, tou hal an o čačepen tardo! I menshe ap kay phoub prindjrenn tout gar. Me prindjrau tout. Oun kalla hayvan, kay tou man bičral.

2. Tessalonikarja 1:8

oun i yag hi troul lende. Palle vell o Debleskri rholi pral kolende, kay kaman lestar či te djinell, kolla kay shounan gar ap o lačo lab maro rayestar, o Yezousestar, oun kaman gar ap leskro drom te djal.

Johanni 8:55

T'mer prindjrenn les gar. Me prindjrau les. Te penaus me, kay prindjrau les gar, voms i rhorheno har t'mer. Me prindjrau les oun krau, hoy yob penella.

Johanni 8:19

Poučan yon lestar: “Kay hi tiro dad?” Penas o Yezous: “T'mer prindjrenn man gar, vitar gar miro dades. Te prindjrans t'mer man, yaake prindjrans ninna miro dades.”

1. Johanni 4:8

O Devel hi pherdo djiyeskro kamlepen. Kones kek dji o vavareske hi, kova prindjrell o Debles gar.

1. Johanni 3:1

Dikenn, har baro o Debleskro kamlepen menge hi. O Devel, maro dad, penell ap mende: “Mire čave.” Oun čačepah, kolla ham mer. Dran kova hayvenn men kol menshe gar, kay o Debles gar prindjrenna. Yon hayvenn gar, koon yob hi.

Johanni 17:3

Kova hi ko djipen, hoy gar pre-herella: Te prindjrenn yon tout, kay tou hal o čačo Devel, oun te prindjrenn yon o Yezous Kristes, koles tou bičral ap kay phoub.

1. Johanni 5:20

Mer djinah, kay o Debleskro čavo ap kay phoub vas, te krell lo mare yaka pre, te prindjras o čačo Debles. Oun yaake har mer ham khetne o Debleskro Čaveha, o Yezous Kristeha, yaake ham khetne o čačo Debleha. O Yezous Kristo hi o čačo Devel. Oun yob dell ko djipen, hoy gar pre-herella.

1. Korintarja 2:8

Kova prindjran i raya ap kay phoub gar. Te nay dikans le an o Debleskro dji, dans le o Yezouses, ko rayes pral i tsele rayende, gar ap o troushel.

Johanni 15:23

Koon man gar kamella, kova kamell vitar gar miro dades.

Louka 10:22

Lauter das miro dad an mire vasta. Oun kek djinella, koon o čavo hi, har kokres o dad. Oun kokres o čavo djinella, koon o dad hi. Oun o čavo sikrell o dades kolende, kay yob vin rodas.”

1. Timoteo 1:13

His i tsiro, kay rakrom djoungeles pral leste, oun lom i patslen palla, te marap len. An ko tsiro prindjrom les gar, oun djinom gar, hoy me krom. Yob kras mange peskro dji pre, oun las man dran o čilačepen vin.

Bičepangre 3:17

Me djinau, mire phrala, kay t'mer djinan gar, hoy t'mer koy kran o Yezouseha. Oun t'mare pralstoune djinan kova vitar gar.

1. Johanni 2:23

Hakeno, kay o Debleskro čaves bourhoste della, prindjrell vitar gar o Debles, kay leskro dad hi. Koon ap o Yezouseste patsella, oun i menshenge penella, te hi o Yezous o Debleskro čavo, kova prindjrella ninna o Debles, leskro dades.