Johanni 15:20 - O Debleskro Lab 2024 (Sinte-Manouche)

²⁰ Rikrenn an t'maro shero, hoy me t'menge penom: I boudepaskro hi gar bareder har leskro ray. Lan man yon palla, lenn yon t'men ninna palla. Te shounan yon ap kova, hoy me lenge penom, shounenn yon ninna, hoy t'mer lenge penenna.

O Debleskro Drom 2021 (Sinte)

²⁰ Rikrenn an tumaro shero, hoi me tumenge penom: I budepaskro hi gar bareder har leskro rai. Lan man jon palla, lenn jon tumen ninna palla. Te shunan jon ap kowa, hoi me lenge penom, shunenn jon ninna, hoi tumer lenge penenna.

Johanni 15:20 Referans Kwoze

2. Timoteo 3:12

Djiness, lauter kolla, kay patsenn ap o Yezous Kristeste oun kamenn te krenn, hoy yob kamella, venn palla lino.

Johanni 13:16

Čačepah, me penau t'menge: I boudepaskro hi gar bareder har leskro ray. Oun yek, kay vas bičedo, hi gar bareder har kova, kay les bičras.

Mateo 10:24

Yek, kay djal an o sikepaskro kheer, djinell gar boudeder har o sikepaskro. Oun i boudepaskro hayvell gar boudeder har peskro ray.

Ezekiel 3:7

Kolla dran o kheer Israel kamenn gar ap mande te shounell. Doleske shounenn le vitar gar ap toute. Yon lauter djan pal pengro shero. Oun lengre djia hi har dran bar.

2. Korintarja 4:9

Ninna te lenn le men palla, hi o Devel pash mende. Ninna te vitsrenn le men tele, stah pale pre.

1. Korintarja 4:12

Mer marah men tele mare vastentsa, te vell men čomone te rhal. Yon praasenn men, oun mer rakrah o Debleskri barht pral lende vin. Yon te lenn men palla, rikrah mer vin.

Johanni 8:51

Čačepah, me penau t'menge: Te hi yek koy, kay krella, hoy me penom, kova merell bouder gar.”

Louka 6:40

Yek, kay djal an o sikepaskro kheer, djinell gar boudeder har o sikepaskro. Yob te djinell boud, palle hi lo yaake gosevo har peskro sikepaskro.

1. Tessalonikarja 2:15

I bibolde maran o Yezous Kristes. Glan leste maran le o Debleskre rakepangren. Men lan le ninna palla. Yon rhoyrenn o Debles. Oun ap i tsele menshende hi yon čilačo.

Johanni 10:31

Koy hadan kol bibolde pale barra pre, te denn le les kol barrentsa moulo.

Johanni 11:57

Kol bare rashaya oun kol Farisarya penan, te djinell yek, kay yob hi, hounte penell yob les, te taprenn yon les nay.

Johanni 8:59

Koy hadan yon barra pre, te vitsrenn le kolla ap leste. Oun yob khatras pes, oun djas dran o Debleskro baro kheer vin.

Johanni 7:32

I Farisarya shounan, hoy kol menshe pral o Yezouseste rakran. Oun i Farisarya oun i bare rashaya bičran klisten, te taprenn le o Yezouses.

Johanni 5:16

Pal kova lan i bibolde o Yezouses palla. Yon his rhoyedo, te kras yob i nasseles ap o Debleskro dives sasto.

Louka 2:34

Oun o Simeon rakras o Debleskri barht pral lende vin oun penas ap i Mariate: “Pral kava čaveste rhoyrenn pen boud menshe an o them Israel. Ap leste sikrell pes, koon djal ap o Debleskro drom, oun koon perell o Debleskro dromestar tele.

1. Samuel 8:7

Oun o baro Devel penas ap o Samuel: “Shoun ap i Israelitarya, an lauter, hoy yon ap toute penan. Yon čivan gar tout ap i rig, na-a man čivan le ap i rig, te vap me bouder gar o baro ray pral lende.

Johanni 8:52

Koy penan yon: “Kanna djinah mer, kay hi an toute i beng. O Abraham meras, oun o Debleskre rakepangre meran ninna. Oun tou peneh: Te krell yek, hoy me kamau, kova merell bouder gar.

Bičepangre 14:22

djan pash i patslende oun dan len zoor an o dji, oun rakran lenge an o dji, te ačenn yon an o patsepen. Oun yon penan ap kol patslende: “Ap maro drom pash o Debleste an o bolepen krenn menge i menshe o djipen phares.”

Markus 10:39

Penan le: “Ava, kova nay krah mer.” Penas o Yezous ap lende: “T'mer hounte lenna boud douka ap t'mende, yaake har me hounte lap len ap mande. Oun t'mer hounte djan an o merepen, yaake har me hounte djap.