Johanni 15:18 - O Debleskro Lab 2024 (Sinte-Manouche)

¹⁸ Te kamenn t'men i menshe ap kay phoub gar, ma bistrenn, kay yon kaman man vitar gar.

O Debleskro Drom 2021 (Sinte)

¹⁸ Te kamenn tumen i menshe ap kai phub gar, ma bistrenn, kai jon kaman man witar gar.

Johanni 15:18 Referans Kwoze

1. Johanni 3:13

Mire phrala, krenn kek bare yaka, te hi i menshe ap kay phoub rhoyedo ap t'mende!

Johanni 7:7

I menshe hi gar čilačo ap t'mende. Ap mande hi le čilačo. Me penom lenge, kay kova, hoy yon krenna, čilačo hi.

Johanni 3:20

Kolla, kay o čilačo koova krenna, kamenna gar koy momeli. Yon ačenn penge an o tamlepen, yaake kay dikenn i vavar gar, havo čilačo koova yon krenna.

Markus 13:13

T'mer patsenn ap mande. Doleske venn i tsele menshe rhoyedo ap t'mende. Kova, kay ačell zoreles tardo an o patsepen, yaake rah, har yob djivella, kova lell o Debleskro djipen.

Louka 6:22

Barhtele han t'mer, te venn i menshe rhoyedo ap t'mende, oun čivenn t'men pale, oun praasenn t'men, oun rakrenn čilačes pral t'mende, oun kova lauter krenn le doleske, te patsenn t'mer ap o Menshengro Čaveste!

Mateo 10:22

T'mer patsenn ap mande. Doleske venn i menshe rhoyedo ap t'mende. Kova, kay ačell zoreles tardo an o patsepen, yaake rah, har yob djivella, kova lell o Debleskro djipen.

1. Johanni 3:1

Dikenn, har baro o Debleskro kamlepen menge hi. O Devel, maro dad, penell ap mende: “Mire čave.” Oun čačepah, kolla ham mer. Dran kova hayvenn men kol menshe gar, kay o Debles gar prindjrenna. Yon hayvenn gar, koon yob hi.

Mateo 5:11

T'mer patsenn ap mande. Doleske praasenn le t'men, lenn t'men palla, oun rakrenn rhorhene čilače laba pral t'mende. Te krenn le kova, avenn barhtele!

Jakobo 4:4

T'mer rhorhran oun moukan o Debles! Djinenn t'mer gar, kay kolla, kay čivenn pengre djia ap i phoubyakro koova, kolla hi gar o Debleskre mala? Koon kamell ko drom te djal, hoy i menshe ap kay phoub djana, kova kamell o Debles gar.

Hebrearja 12:2

Te dikas ap o Yezous Kristeste! Kova anas men ap o Debleskro drom, oun djal glan mende, bis te vah pash leste. O Yezous Kristo meras ap o troushel. Ninna te his kova i ladj leske, las lo kava merepen ap peste. Yob djinas, pal kova vell i bari barht ap leste. Oun kanna hi lo beshdo ap o Debleskri čači rig.

1. Rajengro liil 22:8

O baro ray pral Israel penas ap o Yosafat: “Kate hi gomme yek morsh, o Mika, koleskro dad o Yimla hi, kova nay poučell menge o baro Deblestar. Man hi i rholi ap leste. Hako kopo, kay penas lo mange čomone glan-vi, his les kek lačo lab mange, kokres djoungele laba his les mange.” O Yosafat penas pale pale: “Tou, o baro ray, hounte rakress gar yaake!”

1. Johanni 3:3

Oun hakeno, kay kova patsella, rikrell peskro dji djoudjo, te vell kek doosh ap leste, yaake har ap o Yezous Kristeste kek doosh hi.

Jesaja 53:3

I menshe dikan tele ap leste, oun čivan les ap i rig. I morsh pherde douka oun nasslepen his lo. I grerho his lo lenge, glan koleste yon pengro shero krik rissran. Oun menge his lo či-moldo.

Mateo 24:9

Palle taprenn le t'men, denn t'men dava, oun marenn t'men. Oun i menshe an i tsele themma venna rhoyedo ap t'mende doleske, kay patsenn t'mer ap mande.

Jesaja 49:7

O baro Devel, kova, kay o Israel dran o čilačepen vin lell, oun kokres leskro Devel hi, yob penell koleske, kay i menshe tele dikenn ap leste, oun koles i menshe dran boud themma gar kamenna, oun lengre raya lestar pengro boudepaskro krenn, ap koleste penell o baro Devel: Bare raya dikenn tout, oun stenn pre glan toute. Oun pralstoune dikenn tout oun vitsrenn pen ap i phoub glan toute, Yon dikan, kay rikrau pash toute, me, o Israeleskro Devel, kay tout vin rodom.

Zakarie 11:8

Oun an yek čon krom me, te hounte djan penge kol triin vavar bakrengre. Me nay dikom len bouder gar glan i yaka. Oun yon his rhoyedo ap mande.

Gosewe laba 29:27

Rhoyedo pral kolende, kay čilačo koova krenn, hi kolla, kay o čačepen krenn. Oun rhoyedo pral koleste, kay o čačepen krell, hi kolla, kay čilačo koova krenn.

Jesaja 66:5

Shounenn, hoy o baro Devel penell, t'mer, kay glan leskro lab darenna. T'mer rikrenn pash mande, doleske rhoyrenn pen t'mare phrala pral t'mende, oun čivenn t'men pale, oun praasenn t'men oun penenn: Mou sikrell o baro Devel peskro barepen oun peskri zoor, te dikas mer, har yob t'men barhteles krell! Kolla hounte ladjenn pen palle.

Johanni 16:1

“Kova halauter penom me ap t'mende, te denn t'mer gar t'maro patsepen ap mande pre.

Johanni 16:33

Kova lauter penom t'menge, te vell t'men i bari barht an o dji pral kova, kay han mire. Kate ap kay phoub hi t'men daar. Ma darenn! Me hom zorleder har halauter ap kay phoub.”

Bičepangre 14:22

djan pash i patslende oun dan len zoor an o dji, oun rakran lenge an o dji, te ačenn yon an o patsepen. Oun yon penan ap kol patslende: “Ap maro drom pash o Debleste an o bolepen krenn menge i menshe o djipen phares.”