Johanni 14:24 - O Debleskro Lab 2024 (Sinte-Manouche)

²⁴ Koon man gar kamella, kova krell vitar gar, hoy me penau. Oun hoy me penau, vell gar mandar. Kova vell miro dadestar, kay bičras man.

O Debleskro Drom 2021 (Sinte)

²⁴ Koon man gar kamella, kowa krell witar gar, hoi me penau. Un hoi me penau, well gar mandar. Kowa well miro dadestar, kai bitchras man.

Johanni 14:24 Referans Kwoze

Johanni 7:16

Penas o Yezous lenge: “Hoy me t'menge penau vell gar mandar. Kova vell kolestar, kay bičras man.

Johanni 14:10

Patseh tou gar, kay me an o dadeste hom oun o dad an mande hi? Hoy me t'menge penau, kova vell gar mandar. Na-a! O dad, kay an mande hi, krell kova halauter.

Johanni 8:42

“Te vals o Devel t'maro dad”, penas o Yezous, “kamans man t'mer. Lestar vom me. Me vom gar mandar. Hi o Devel, kay bičras man.

Johanni 5:19

O Yezous penas ap lende: “Čačepah, me penau t'menge: O čavo nay krell či pestar. Yob dikell, hoy o dad krella. Oun kova, hoy krell o dad, kova krell ninna o čavo.

Johanni 3:34

Koles, kay o Devel pash mende bičras, kova rakrell o Debleskre laba. O Devel dell an leste peskro tselo Debleskro Dourho, oun rikrell či pale.

Johanni 14:15

“Te kamenn t'mer man o djiyestar, krenn t'mer, hoy me t'menge penom.

Johanni 5:38

T'mer patsenn gar an t'mare djia, hoy yob penas. Doleske patsenn t'mer gar, kay me kova hom, kones o Devel bičras.

Johanni 8:38

Me penau t'menge kova, hoy pash miro dadeste dikom. T'mer krenna, hoy shounan t'maro dadestar.”

Johanni 8:26

Me nay penoms t'menge boud koova, kay dikom o čilačepen ap t'mende. Me krau kova gar. Me penau i menshenge, hoy shounom kolestar, kay bičras man. Oun hoy yob penella, hi čačo.”

Johanni 8:28

Koy penas o Yezous ap lende: “Te hadan t'mer o Menshengro Čaves pral, palle djinenn t'mer, koon me hom, oun kay me či mandar kokres kraua. Hoy o dad mange penas, kova penau me doureder.

Johanni 7:28

O Yezous, kay an o Debleskro baro kheer i menshenge o Debleskro lab penas, shounas kova, oun das gole: “Har nay prindjrenn t'mer man, oun djinenna, kay vom? Me vom gar mandar kokres! Čačepah, koles, kay bičras man, prindjrenn t'mer gar!

Mateo 19:21

Penas o Yezous ap leste: “Te kameh tou o tselo Debleskro kamlepen te krell, palle bike lauter, hoy tout hi! Oun de kol love i čorvelende! Palle hi tout i bravlepen an o bolepen. Oun am oun dja mantsa!”

Johanni 3:11

Čačepah, me penau touke: Mer rakrah pral kova, hoy prindjrah. Hoy mer dikam, kova penah mer nay ninna. T'mer patsenn gar, hoy mer t'menge penah.

Johanni 14:25

Kava koova penom me t'menge, yaake rah har me pash t'mende homs.