Johanni 14:20 - O Debleskro Lab 2024 (Sinte-Manouche)

²⁰ Ko dives vella, kay t'mer djinenna, kay me an miro dadeste hom, oun t'mer an mande han, oun me an t'mende hom.

O Debleskro Drom 2021 (Sinte)

²⁰ Ko diwes wella, kai tumer djinenna, kai me an miro dadeste hom, un tumer an mande han, un me an tumende hom.

Johanni 14:20 Referans Kwoze

Johanni 17:26

Me sikrom lende, koon tou hal. Kova krau me doureder, te vell tiro kamlepen, hoy hi tout mange, ninna an lende. Yaake djivau me an lende.”

Galatarja 2:20

Kova hom gar me, kay djivau kanna. Hi o Yezous Kristo, kay djivell an mande. Oun ko djipen, hoy kanna djivau, djivau me an o patsepen ap o Debleskro čaveste. Yob kamas te djivap, oun das peskro djipen mange an o merepen.

1. Johanni 4:12

Kek mensho dikas o Debles. Te hi men i dji i vavar patslenge, ačell o Devel mentsa. Oun leskro tselo kamlepen hi an mende.

Johanni 14:10

Patseh tou gar, kay me an o dadeste hom oun o dad an mande hi? Hoy me t'menge penau, kova vell gar mandar. Na-a! O dad, kay an mande hi, krell kova halauter.

Remarja 8:1

Yaake djal kek nashedo, kay djivell o Yezous Kristeha khetne.

Johanni 10:38

Te krau me, hoy o dad mange penas, patsenn ap kova, hoy me krau! Yaake dikenn oun prindjrenn t'mer, kay o dad an mande hi oun me an leste.”

2. Korintarja 13:5

Dikenn ap t'mende, har t'mer an o patsepen tardo han! Hi t'maro patsepen čačo? Djivell o Yezous Kristo mank t'mende? Te hayvenn t'mer gar, te hi lo mank t'mende, palle hi t'maro patsepen či moldo.

Kolossarja 1:27

Kolen sikras o Devel, har baro oun shoukar ko drom hi, hoy anell ninna kol menshen pash leste, kay kek bibolde hi. Oun ko drom hi o Yezous Kristo, kay djivell an t'mende. Doleske djinenn nay, te djivenn t'mer leha khetne an o bolepen.

Johanni 16:26

Ap ko dives mangenn t'mer o dades an miro lab. Me penau gar, kay me mangau miro dades t'menge.

Kolossarja 2:9

O Yezous Kristo hi o ray pral i tsele rayende oun lauterende, kay hi len penepaske mashkral o bolepen oun i phoub. Les hi o tselo Debleskro djipen an peste. Oun ko djipen dell lo kolende, kay leskro hi.

Kolossarja 1:19

O Debles his an peskro dji, te djivell lo an peskro čaveste, te vell o čavo yaake har o dad.

Johanni 6:56

Koon rhala miro mass, oun piyell miro rat, kova ačella an mande, oun me ačau an leste.

2. Korintarja 5:17

Kanna djinah: Koon o Yezous Kristeha djivella, kova hi i nevo mensho, oun djivell bouder gar peskro phouro djipen. I nevo koova vas an leskro djipen.

Johanni 17:11

An i tikno tsiro hom bouder gar ap kay phoub. Me vau pash toute. Yon hi ap kay phoub. Miro dad, tou hal o baro Devel, rike len an tire vasta, te ačenn yon pash toute, te venn yon yek, yaake har mer ham!

Johanni 16:23

Ap ko dives, poučenn t'mer mandar či. Čačepah, me penau t'menge: Te mangenn t'mer miro dadestar čomone an miro lab, kova dell yob t'men.

Efesarja 2:10

Kova, hoy mer kanna ham, kras o Devel dran mende. Har vam patslo ap o Yezous Kristeste, das lo men o nevo djipen, te kras mer ko lačo koova, hoy yob menge vin rodas oun an mare vasta das.

1. Korintarja 1:30

O Devel kras, te van t'mer ap o Yezous Kristeskro drom. Kanna djinah, hoy čačepah gosvepen hi. O Yezous Kristo kras men čačo glan o Debleste. Yob rodas men vin, te vas leske koy, oun las mari doosh mendar krik.

Johanni 17:7

Yon djinenna kanna, kay halauter, hoy tou man dal, čačepah toutar vell.

2. Korintarja 12:2

Me prindjrau i menshes, kay djivell o Yezous Kristeha. Kova vas glan deesh-te-star bersha an o triinto bolepen dren anlo. His lo čačepah koy pral? Me djinau les gar. Dikas lo kova an i souni? Me djinau les gar. Kova djinell o Devel kokres.

2. Korintarja 5:19

O Devel his an peskro čaveste, o Yezous Kristeste, oun kras, te nay venn i menshe leha khetne. Lengri doosh las lo lendar krik. Yaake vas kova krik lino, hoy his mank lende oun o Debleste tardo. Mende das lo kay boudi, te penas kal lače laba i menshenge.

Remarja 16:7

Penenn ninna lače laba mandar ap o Androniko oun i Yunia! Kolla hi ninna bibolde har me oun his mantsa an o stilepen. Yon hi an-diklo mank kolende, kolen o Yezous Kristo vin bičras, te penenn le leskro lab. Kol douy van glan mande ap leste patslo.

Johanni 14:11

Patsenn man, kay me an o dadeste hom, oun kay o dad an mande hi. Te patsenn t'mer kova gar, palle patsenn ap kova, hoy me krau!