Johanni 14:18 - O Debleskro Lab 2024 (Sinte-Manouche)

¹⁸ Me moukau t'men gar kokres, har te vell t'men kek dad. Me vau pash t'mende.

O Debleskro Drom 2021 (Sinte)

¹⁸ Me mukau tumen gar kokres, har te well tumen kek dad. Me wau pash tumende.

Johanni 14:18 Referans Kwoze

Johanni 14:3

Oun te krom halauter yaake, te nay tserdenn dren, vau me pale, oun lau t'men pash mande, te venn t'mer kote, kay me hom.

Debleskri gili 23:4

Ninna te nashau me mashkral i tamli tala, darau me glan kek bibarht. Tou hal pash mande. Tiro kashteha aneh tou man pale, oun rikreh i divye firhen mandar krik, yaake hounte trashap gar.

Mateo 18:20

Oun kote, kay douy, triin menshe khetne venna an miro lab, kote hom me mashkral lende.

Johanni 14:16

Oun me mangau o dadestar, te bičrell yob t'menge i rakepaskres, kay vell ap t'mari rig. Yob djal bouder gar krik t'mendar.

Mateo 28:20

Penenn lenge, te rikrenn le ap lauter, hoy me t'menge penom! Čačepah, me hom pash t'mende hako dives yaake rah, har i phoub koy hi.”

Johanni 16:33

Kova lauter penom t'menge, te vell t'men i bari barht an o dji pral kova, kay han mire. Kate ap kay phoub hi t'men daar. Ma darenn! Me hom zorleder har halauter ap kay phoub.”

Hebrearja 2:18

O Yezous hayvella, hoy douka hi. Oun yob djinella, har kova hi, te kamell o beng yekes o Debleskro dromestar tele te anell. Doleske nay vell lo kanna ninna ap i rig kolendar, kay kamell len o beng o Debleskro dromestar tele te anell.

Hosea 6:3

Mer te das yak koy pre o tselo djiyestar, te prindjras o baro Debles! Yob vella! Kova hi yaake čačo, har o kham hako dives pre djala. Yob vella, har i brishin pash mende vella, ava, har i brishin pal o vend i phoub sapenes krella.

Jesaja 43:1

Kanna penell o baro Devel, kova, kay t'menge, o Yakobeskre čavenge, o djipen das, oun toutar, Israel, i natsyona kras: Ma dare! Me ginom tout vin! Me dom tout pash tiro lab gole, te vess mange.

Debleskri gili 101:2

Me dau yak, te djap o čačo drom. Kamau te vess pash mande. I djoudjo djiyeha djivau khetne lauterentsa an miro kheer.

2. Tessalonikarja 2:16

O Devel hi maro dad oun kamell men o djiyestar. Yob hi menge lačo, oun penell menge an o dji, te kras lo lauter menge mishto, oun te lell lo men pash peste hako tsireske. Lestar mangah oun maro rayestar, o Yezous Kristestar,

Hosea 14:3

Lenn kal laba t'mentsa, oun avenn pale pash o baro Debleste, oun penenn leske: Le mari tseli doosh mendar krik, oun shoun maro mangepen! Palle kamah tout te sharell mare čipyentsa.

Jesaja 51:12

Me hom kova, kay lačes t'mentsa rakrella. Oun koon hal tou, te dareh i menshendar, kay merenna, ava, kay tele merenn har o khass?

Ropaskre gilja 5:3

Mouklo ham, mare dada hi bouder gar koy. Mare daya hi har djouvya, kolengro rom meras.

Johanni 16:16

Pal i tikno tsiro dikenn man bouder gar. Oun pale pal i tikno tsiro dikenn man t'mer pale.”