Johanni 14:1 - O Debleskro Lab 2024 (Sinte-Manouche)

¹ “T'maro dji hounte trashell gar. Patsenn ap o Debleste oun patsenn ap mande!

O Debleskro Drom 2021 (Sinte)

¹ “Tumaro dji hunte trashell gar. Patsenn ap o Debleste un patsenn ap mande!

Johanni 14:1 Referans Kwoze

Jesaja 26:3

Baro Devel, tou rikreh tire vasta pral kolende, kay moukenn pen gar toutar krik te tserdell, oun deh len shoukapen an o dji. Ap toute rikrenn le pen.

Johanni 12:44

Oun o Yezous das zoreles gole: “Koon ap mande patsella, kova patsell gar ap mande kokres. Kova patsell ninna ap koleste, kay bičras man.

Johanni 6:40

Kova kamell miro dad: Hakeno, koon o čaves dikella, oun ap leste patsella, lell o djipen, hoy gar pre-herella. Oun me krau les i moulendar djido ap o palstouno dives.”

Debleskri gili 43:5

Hoske rovell miro dji oun hi yaake pharo an mande? Ap miro Debleste kamau te dikell. Me djinau, te vell i tsiro, kay parkrau man pash leste, miro Debleste, te vas lo ap miri rig.

1. Petro 1:21

Yob anas t'men ap o Debleskro drom. O Devel kras les i moulendar djido, oun das les peskro raylepen. Doleske čivenn t'maro tselo patsepen ap leste!

Johanni 13:19

Me penau t'menge kova kanna, te patsenn t'mer, te vella kova. Ap ko tsiro djinenn t'mer, kay me hom kova, koon me hom.

Efesarja 1:15

Me shounom, har baro hi t'maro patsepen ap maro rayeste, o Yezouseste. Ninna kamenn t'mer i tsele patslen o djiyestar.

Johanni 12:27

Man hi daar an miro dji. Hoy nay penap me? Tata, le mandar kova krik, hoy ap mande vella? Na-a, me vom ap kay phoub, te lap kova ap mande, hoy kanna vella.

2. Tessalonikarja 2:2

Mer mangah t'men: Ma moukenn t'men dinelo oun dareno te krell, te penenn i menshe t'menge: “Ko dives hi kanna kay.” Ma patsenn lenge ninna, te penenn le, te sikras len o Devel kova, vitar gar, te penenn le, te lans le i liil mendar, kay mer kova činams!

2. Korintarja 2:7

Kanna hounte bistrenn ko koova, hoy yob kras. Rakrenn lačes leha, te vell leske gar bouder ropaske.

Johanni 11:33

Har o Yezous dikas, kay yoy rovella oun kol bibolde ninna, kay lah van, djas kova leske phares an o dji. Oun leskro dji rovas.

Johanni 5:23

te sharenn le halauter o čaves, yaake har sharenn le o dades. Koon o čaves gar sharella, kova sharella vitar gar o dades, kay bičras o čaves.

Jeremia 8:18

Miro dji phagell. Man hi ropaske. Hoy nay krell man pale zorelo?

Johanni 16:3

Yon prindjrenn o dades gar oun man vitar gar. Doleske krenn yon kova.

Debleskri gili 77:10

Krell o Devel bouder gar peskro dji menge pre? Hi lo yaake rhoyedo, te pandas lo peskro dji menge?

Johanni 16:6

Kova, hoy t'menge penom, doukell t'men an o dji.

Johanni 16:24

Bis kanna mangan t'mer či an miro lab. Mangenn oun yob dell t'men, te vell t'mari barht yaake bari, bareder djal gar!