Johanni 13:9 - O Debleskro Lab 2024 (Sinte-Manouche)

⁹ “Ray,” penas o Simon Petro, “thob mange gar i pire kokres! Thob mange ninna i vasta oun o shero!”

O Debleskro Drom 2021 (Sinte)

⁹ “Rai,” penas o Simon Petro, “thob mange gar i pire kokres! Thob mange ninna i wasta un o shero!”

Johanni 13:9 Referans Kwoze

Debleskri gili 51:7

Doosh hi ap mande, yaake rah har hom ap kay phoub, ninna har boldo vom, his o čilačepen ap mande.

Debleskri gili 51:2

har o Debleskro rakepaskro Natan pash leste vas, pal kova o David i vavareskri romyat, i Batsheba, las.

1. Petro 3:21

Yaake har van kol orhta menshe vin lino dran o merepen, yaake djas t'menge kanna ninna, har van t'mer taufedo. Kote vas gar koy čik t'mendar tele thodo. Na-a! Koon moukell pes te taufrell, kova mangell o Debles, te dell lo les i djoudjo dji. Kova nay dell o Devel leste doleske, kay stas o Yezous Kristo i moulendar pre oun djas an o bolepen. Kanna hi lo beshdo ap i čači rig o Deblestar, oun hi o ray pral i tsele bolepangre, oun pral i tsele pralstoune oun zorele an o bolepen.

Hebrearja 10:22

Leskro rat thovas mari doosh mendar, oun kras mare djia djoudjo. Oun mer vam an o djoudjo pani tele thodo. Doleske djas kanna o lačo oun čačo djiyeha glan o Debleste an i zorelo patsepen!

Debleskri gili 26:6

Me thovau mire vasta, te sikrap, kay hi kek doosh ap mande, oun djau kote, kay venn firhe touke rhačedo,

Mateo 27:24

Har o Pilato dikas, te nay krell lo či, oun te venn le divyeder, las lo pani, thovas peskre vasta glan i tsele menshende, oun penas: “Me anau kek doosh ap mande, te vell lo maredo. Koy doosh vell ap t'mende.”

Jeremia 4:14

Yerusalem, te kameh vin lino te vell, palle thob tiro čilačepen tiro djiyestar tele! Har rah kameh tou ko čilačepen an tiro shero te rikrell?

Johanni 13:8

Penas o Petro ap leste: “An kek tsiro kamau me, te thovess mire pire!” “Te thovau tout gar,” penas o Yezous, “hal tou gar miro.”

Johanni 13:10

Penas o Yezous ap leste: “Koon tseles thodo hi, hounte vell bouder gar thodo. Yob hi djoudjo. Leskre pire kokres hounte thovell lo. T'mer han djoudjo. Yek kokres hi gar djoudjo.”