Johanni 12:35 - O Debleskro Lab 2024 (Sinte-Manouche)

³⁵ Penas o Yezous ap lende: “Koy momeli hi gar bouder rah pash t'mende. Djan t'maro drom yaake rah, har koy momeli pash t'mende hi, te vell gar i rati pral t'mende! Koon an i rati djala, djinell gar, kay yob djala.

O Debleskro Drom 2021 (Sinte)

³⁵ Penas o Jesus ap lende: “Koi momeli hi gar buder rah pash tumende. Djan tumaro drom jaake rah, har koi momeli pash tumende hi, te well gar i rati pral tumende! Koon an i rati djala, djinell gar, kai job djala.

Johanni 12:35 Referans Kwoze

Johanni 12:46

Me hom koy bari momeli, hoy vas ap kay phoub. Hakeno, koon ap mande patsella, ačell gar an i rati.

Johanni 16:16

Pal i tikno tsiro dikenn man bouder gar. Oun pale pal i tikno tsiro dikenn man t'mer pale.”

Efesarja 5:8

Glan ko tsiro, har t'mer patslo van, djan t'mer ap o čilačo drom. Kova his har te djans an i rati. Kanna hi kova vavarčandes. Maro ray Yezous djivell an t'mare djia, oun anas t'men ap peskro drom. Yob hi i bari momeli t'menge. Djan kanna ap leskro drom, kay hi bouder kek tamlepen!

Johanni 8:12

Pale rakras o Yezous i menshentsa oun penas: “Me hom koy momeli i menshenge. Koon mange palla djala, djal gar an o tamlepen. Me hom koy momeli, kay o djipen della.”

Johanni 11:10

An i rat rhačell o kham gar. Koon an i rat ap o drom hi, kova perella.”

Johanni 12:36

Patsenn ap koy momeli, yaake rah har t'men koy momeli hi! Palle venn t'mer menshe, kolen hi i momeli ap pengro drom oun djivenn gar an o tamlepen.” Har o Yezous kova ap lende penas, djas lo peske, oun khatras pes lendar.

Johanni 7:33

Koy penas o Yezous: “Me hom bouder gar rah pash t'mende. Me djau pash koleste, kay bičras man.

Jesaja 2:5

T'mer menshe, kay venn pal o Yakob, avenn, te djas o drom, kay o baro Debleskri momeli men sikrell, har te djivas.

2. Korintarja 3:14

Kolengre djia van har bar. Ninna kava dives hayvenn i bibolde gar, hoy an o Moseskre lila činlo hi pral o phouro drom, te shounenn le kol laba an i biboldengre kangria. Kova hi yaake, har te vell i diklo ap lengre yaka čiddo, te dikenn le gar. O Yezous Kristo kokres nay lell ko diklo lengre yakendar tele.

Gosewe laba 4:19

O drom kolendar, kay o čilačepen krenn, hi har i kali rat; yon nay dikenn gar, pral hoy yon perenn.

Jeremia 23:12

Doleske vell ko drom, kay le djan har i sapeno drom an o tamlepen, kay venn le tradedo oun perenn. Me moukau bibarht pral lende te vell an ko tsiro, kay dau len i phagi. Kova penell o baro Devel.

Johanni 11:9

O Yezous penas: “An o dives hi deesh-te-douy tsirya. Koon ap o dives trouyel nashella, kova perell gar. Ap o dives rhačell o kham.

Galatarja 6:10

Doleske kras lačo koova yaake boud, har krah nay, hake menshenge, boudeder kol patslenge.

Louka 18:37

Koy penan le: “O Yezous dran Nazaret djal kote.”