Johanni 10:9 - O Debleskro Lab 2024 (Sinte-Manouche)

⁹ Me hom ko voudar. Te djal yek an kava voudar dren, kova djal gar nashedo. Yob djal dren oun vin, oun yob hatsell shoukar zenlepen rhapaske.

O Debleskro Drom 2021 (Sinte)

⁹ Me hom ko wudar. Te djal jek an kau wudar dren, kowa djal gar nashedo. Job djal dren un win, un job hatsell shukar senlepen chapaske.

Johanni 10:9 Referans Kwoze

Johanni 14:6

“Me hom o drom, oun o čačepen oun o djipen,” penas o Yezous. “Dell kek vavar drom pash o dadeste, har man.

Efesarja 2:18

Mende halauterende das yob o Debleskro Dourho. Oun kova krell, te nay vah mer lauter glan o Debleste, maro dadeste.

Johanni 10:7

Doleske penas o Yezous pale ap lende: “Čačepah, me penau t'menge: Me hom o voudar i bakrenge.

Johanni 10:1

“Čačepah, me penau t'menge: Koon gar an o voudar dren djala, te vell lo pash i bakrende, oun vell vavarčandes dren, kova hi i čorepaskro oun i dre-phagepaskro.

Debleskri gili 95:7

Yob hi maro Devel, oun mer ham leskre menshe. Yob dell yak ap mende har i bakrengro dell yak ap peskre bakre, oun anell len kote, kay hi len doha te rhal. Kava dives rakrell yob ap t'mende. Shounenn ap leskre laba:

Jesaja 40:11

Yob dell yak ap lende har i bakrengro dell yak ap peskre bakre oun dell len te rhal, oun lell i terne bakren an peskre moussya, oun hidjrell len an peskri baya. Oun kolla, kay len terne hi, lenge djal lo lačes trouyel.

Zakarie 10:12

Me, o baro Devel, krau mire menshen zoreles. Oun yon mangenn man an oun shounenn ap mande. Kova penell o baro Devel.

Ezekiel 36:38

An kol forya, kolendar kanna či har barra koy hi, djivenn palle yaake boud menshe, har his bakre an o foro Yerusalem an kol bare divessa, har kol bakre o baro Debleske maredo oun rhačedo van. Oun yon dikenn oun hayvenn palle, te hom me o baro Devel.

Johanni 10:3

Leske krell kova o voudar pre, kay dell garda glan o voudar. Oun leskre bakre shounenn leskro rakepen. Oun yob dell peskre bakren gole lengre labentsa, oun anell len vin.