Joel 2:22 - O Debleskro Lab 2024 (Sinte-Manouche)

²² T'mer divye firhe, ma darenn! I phoub vell zenelo, oun i rouka hidjrenn pengre roukengre. Dell boud fayge oun drake.

O Debleskro Drom 2021 (Sinte)

²² Tumer diwje vieche, ma darenn! I phub well senelo, un i ruka hidjrenn pengre rukengre. Dell bud faige un drake.

Joel 2:22 Referans Kwoze

Zakarie 8:12

Na-a, kanna nay vitsrenn le djob an i phoub kek daryah. I drakengre rouka hidjrenn drake, i phoub anell zenlepen vin, oun o bolepen dell brishin. Oun kolenge, kay pral ačan kal menshendar, dau kova lauter, te ačell kova lenge.

Debleskri gili 65:12

Tou deh boud lačo koova oun kreh, te vell o bersh i lačo bersh. Kote kay tou brishin dal, vell yaake boud lačo koova vin, te hi boudeder har doha koy.

Jesaja 51:3

O baro Devel khossell i sva i menshendar an o foro Sion, oun čivell o tele phagedo foro pale pre. Yob krell, te vell o moulo tato them har i baar Eden, oun o divyo trouk them har o baro Debleskri baar. Kote sanenn oun stenn le, parkrenn pen pash o Debleste oun givenn leske.

Debleskri gili 67:6

Maro Devel, mou parkrenn pen pash toute i menshe dran hake themma, mou sharenn le tout halauter!

1. Korintarja 3:7

Kova, kay o djob an i phoub vitsrella, hi gar bareder har kova, kay o pani pre čorella. O Devel hi bareder, kay moukell o djob bares te vell.

Haggai 2:16

Te vas yek t'mendar kote, kay i djob čiddo hi, oun kamas douy-sheel kilogramme te lell, hatsas yob gar boudeder har yek sheel kilogramme. Te vas yek t'mendar kote, kay i mool garedo vell, oun kamas sheel litarya te lell, hatsas lo gar boudeder har star-deesh litarya.

Jona 4:11

Oun man te khaytenn gar kol tsele menshe an o foro Ninive? Kate djivenn boudeder har 120.000 (sheel-te-biish-zerya) menshe, kay gar djinenna, hoy lačo oun čilačo hi, oun koy pashel boud firhe!”

Ezekiel 36:35

Palle penenn le: Kava them his mouklo oun divyo. Kanna hi lo har i baar Eden. Oun kal forya his paash-dino, tele-phagedo oun vi-meredo. Kanna hi le zoreles koy tardo, oun menshe djivenn pale dren.

Ezekiel 36:30

Me krau, te anenn i rouka boud roukengre. Oun kova hoy ap i phoub pre djal, vell boud oun boudeder. I menshe dran vavar themma nay san bouder gar pral t'mende, doleske, kay hi t'men či te rhal.

Ezekiel 36:8

T'mer berge Israel, ap t'mende venn pale rouka baro oun zenelo, oun hidjrenn roukengre mire menshenge Israel. Sik vell ko tsiro, kay venn le pale khere.

Debleskri gili 36:6

Baro Devel, tiro lačepen hi yaake baro har o bolepen. Oun tiro kamlepen ap tire menshende djal bis pash i volke.

1. Mose 4:12

Te kreh tiri boudi ap i harhetikri phoub, vell kote či touke baro. Tou hounte djas trouyel ap i phoub. Tout vella kek them, kay khere hal.”

Debleskri gili 65:13

Kote, kay i bakre djan, hi lauter pherdo zenlepen, oun ap i berge shounah khelepen oun bashepen.