Joel 1:9 - O Debleskro Lab 2024 (Sinte-Manouche)

⁹ Djob oun mool hi bouder gar koy, hoy nay vals dino o baro Debleste an leskro kheer. I rashayenge hi ropaske. Len hi bouder či, te anenn le o baro Debleske.

O Debleskro Drom 2021 (Sinte)

⁹ Djob un mool hi buder gar koi, hoi nai wals dino o baro Debleste an leskro kheer. I rashajenge hi ropaske. Len hi buder tchi, te anenn le o baro Debleske.

Joel 1:9 Referans Kwoze

Joel 2:17

Penenn i rashayenge, kay boudrenn o baro Debleske, te rovenn le ap i platsa mank o Debleskro kheer oun leskri rhačepaskri, oun penenn: Baro Devel, kre tiro dji pre tire menshenge! Ma mouk i menshen dran vavar themma men te praasell oun sanell pral mende. Hoske te penenn le: Kay hi lengro Devel?

Joel 2:14

Koon djinell, te rikrell lo ninna kava kopo i phagi pale, oun moukell djob oun drake bares te vell, te nay anenn t'mer yarro oun mool o baro Debleske, kay hi t'maro Devel.

Joel 1:13

T'mer rashaya, kay han tardo pash o Debleskri rhačepaskri, rivenn t'men an gone, oun denn gole i bibarhtyatar! Ninna ratsyake rivenn ko gono gar vin, t'mer, kay boudrenn miro Debleske! Hi kek djob koy oun kek mool, hoy nay anans t'maro Debleske an leskro kheer.

Hosea 9:4

Kote nay anenn le kek mool o baro Debleske. Oun ap kol firhe, hoy le leske marenn, dikell lo gar lačes. O rhapen, hoy le kote rhan, hi pale-čiddo, oun krell hakenes pale-čiddo, hoy kova rhal – yaake har ko maro, hoy an i kheer hi, kay yek meras. Lengro maro nay rhan le pash pende kokres, oun nay anenn či an o baro Debleskro kheer.

Jesaja 61:6

T'mer venn rashaya o baro Deblestar, oun venn kharedo maro Debleskre boudepangre. Oun ko bravlepen dran vavar themma, koleha moukenn les t'mer t'menge mishto te djal, oun koleha sharenn t'men.

Joel 1:16

Mare yakentsa dikam, har maro rhapen krik lino vas, oun gipen oun khelepen dran maro Debleskro kheer.

Ropaskre gilja 1:16

Doleske rovau, oun mire yaka hi pherde sva. Man hi kek, kay penell mange lače laba, te lell miro dji pale nevi zoor. Mire čave hi kokres koy tardo, Kolla, kay dan men khetne, van i zorleder.

Ropaskre gilja 1:4

I dromma pash i berga Sion hi mouklo. Kek vell an o foro an kol bare divessa. I tsele foreskre voudya hi pre, i rashayenge hi ropaske, i terne ča rovenna. Har pharo hi kova lauter o foreske!

2. Familjakro liil 13:10

Mer djinah, o baro Devel hi maro Devel; les moukam mer gar; mare rashaya, kay leske boudrenn, venn o rashayestar o Aronestar, oun i Levitarya venn lenge ap i rig.

2. Mose 28:1

Mouk tiro phrales, o Arones, oun leskre morsh čaven glan toute te anell. Kolen rodom vin dran i vavar Israelitarya, te venn le mange rashaya: o Nadab, o Abihu, o Elazar oun o Itamar.