Jesaja 8:14 - O Debleskro Lab 2024 (Sinte-Manouche)

¹⁴ Pash leste nay khatrenn t'men. Kol vavarenge an Israel oun Youda hi lo har i bar, pral koleste yon perenn, ava, har i baro zorelo bar, pral koleste yon pen rhoyrenn. Oun i menshenge an Yerusalem hi lo har khatede pandle dorya, an kolende yon perenn oun pen taprenn.

O Debleskro Drom 2021 (Sinte)

¹⁴ Pash leste nai khatrenn tumen. Kol wawarenge an Israel un Juda hi lo har i bar, pral koleste jon perenn, awa, har i baro sorelo bar, pral koleste jon pen choirenn. Un i menshenge an Jerusalem hi lo har khatede pandle dorja, an kolende jon perenn un pen taprenn.

Jesaja 8:14 Referans Kwoze

Jesaja 28:16

Doleske penell o baro Devel, maro ray: Ap i berga Sion čivau i zorelo bar, ap koleste miro kheer tardo vell. Zorelo oun kouč hi ko bar oun rikrell lauter vin. Ap leste hi tardo: Koon ap mande patsell, nashell peske gar.

Louka 2:34

Oun o Simeon rakras o Debleskri barht pral lende vin oun penas ap i Mariate: “Pral kava čaveste rhoyrenn pen boud menshe an o them Israel. Ap leste sikrell pes, koon djal ap o Debleskro drom, oun koon perell o Debleskro dromestar tele.

Ezekiel 11:16

Doleske pen: Kava penell o baro Devel, maro ray: Ava, me tradom len dour krik an vavar themma, oun mank vavar menshende. Ninna te djivenn le kate te kote an boud themma, oun hi bouder gar khetne, hom me pash lende, te nay mangenn le man an, an kol themma, kay le anlo van.

Gosewe laba 18:10

O baro Devel hi har i baro zorelo kheer. Kova, kay an o čačepen tardo hi, nashell pash leste oun khatrell pes pash leste.

Debleskri gili 69:22

Yon dan man i shoutlo rhapen, oun har his man troush, dan le man shout te piyell.

Debleskri gili 11:6

Mou dell lo i čilačen i phagi: Yag oun yagakri khand moukell lo pral lende te perell, oun i tato dourho phourdell ap lende.

Mateo 13:57

Oun yon van rhoyedo ap leste, oun kaman gar te patsell, kay o Devel les bičras. Koy penas o Yezous ap lende: “Kek Debleskro rakepaskro vell kote sharedo, kay yob khere hi. An i vavar forya oun gaba vell lo sharedo.”

Jesaja 26:20

T'mer, mire menshe, djan an t'mare khera! Pandenn i voudya pal t'mende! Khatrenn t'men i tikno tsiro, bis te i rholi trouyel hi.

Remarja 11:35

Koon das les čomone, hoy yob hounte dell pale? Kek.

Louka 21:35

Djinenn! Ko dives vell pral lauterende, kay djivenna ap i phoub.

Jesaja 4:6

har i kheer, kay djan le dren, te rhačrell o kham tella, oun kay nay khatrenn le pen, te dell brishin oun phourdell i zorelo dourho.

Mateo 21:44

Koon ap kava bar perella, kova merella. Ap koneste kava bar perella, koles dell ko bar khetne.”

Debleskri gili 140:5

Baro Devel, de ap mande yak, te taprenn man i čilače gar! Khate man glan i marepangre, glan kolende, kay kamenn te perap!

Jesaja 7:16

Glan te vas ko tsiro, kay djinell lo kova, vell ko them mouklo čiddo, glan koleskre douy bare rayende tout savi bari daar hi.

Jesaja 25:4

Čačepah, tou val o čorveleske har i zorelo kheer, kay yob pes nay khatrell. Te krenn le leske o djipen phares, nay vell lo pash toute. Tou hal har i kheer, kay nay khatrell yek pes, te dell baro brishin, oun te rhačell o kham tele. Kol pralstoune, kay zoryah ap mende djan, hi har i baro phourdepen, hoy phourdell an o vend,

Jesaja 59:10

Har korele taprah pal i vanta, har save, kay dikenn gar, kay le djan. Mashkral o dives perah har te vals rati. Mank i saste ham yaake har te vams moule.

Jeremia 6:21

Doleske penell o baro Devel: Me kamau kal menshenge boud barra an o drom te čivell, te perenn i morsha oun lengre čave koy pral. Oun ninna kolla, kay djivenn pash lende, oun lengre mala venn maredo.

Ezekiel 3:20

Te djal i lačo mensho peskro lačo dromestar tele, oun krell o čilačepen, oun tou deh les gar trad, krau, te perell lo. Peskri doshake hounte merell lo. Oun ko lačepen, hoy kras lo glan kova, vell bistedo. Ap toute penau me palle: Tout hi doosh ap leskro merepen.

Josua 10:7

Kote djas o Yosua dran o foro Gilgal vin. Oun leskre tsele lourde, ninna i tsele čače kourepangre djan leha.