Jesaja 65:20 - O Debleskro Lab 2024 (Sinte-Manouche)

²⁰ Oun kote dell bouder kek ternepen, kay gar boud divessa phouro vell, oun kek phouro, kay merell glan peskro tsiro. O terneder lendar vell sheel bersh phouro. Oun kova, kay merell oun his kek sheel bersh phouro, kolestar penenn le, te vas pral leste i bibarht vin rakedo.

O Debleskro Drom 2021 (Sinte)

²⁰ Un kote dell buder kek ternepen, kai gar bud diwessa phuro well, un kek phuro, kai merell glan peskro tsiro. O terneder lendar well sheel bersh phuro. Un kowa, kai merell un his kek sheel bersh phuro, kolestar penenn le, te was pral leste i bibacht win rakedo.

Jesaja 65:20 Referans Kwoze

Hiob 5:26

Oun tou mereh an o lačo phourepen, yaake har o djob dren anlo vell, te vas leskro tsiro.

5. Mose 4:40

Denn yak ap kova, hoy yob t'mendar kamella, oun djivenn pal leskre laba, hoy t'menge kava dives penau. Palle djal mishto t'menge oun t'mare čavenge pal t'mende, oun t'mer djivenn i rah tsiro an kava them, hoy t'maro baro Devel t'menge della, te ačell les t'menge hako tsireske.

Debleskri gili 34:12

Avenn, t'mer čave oun shounenn, hoy me penau! Me kamau t'men te sikrell, har djivenn t'mer o baro Debleha.

Jesaja 3:11

Ap i čilačende vell bibarht. Lenge djal gar mishto. Ap lengro shero vell ko čilačepen pale, hoy le kran.

Jesaja 22:14

Ap mande penas o baro Devel, ko ray pral o bolepen oun i phoub: “Kaya doosh vell lendar gar krik lino yaake rah har djivenn le.”

Zakarie 8:4

O baro Devel, ko ray pral o bolepen oun i phoub, penell: “I tsiro vella, kay beshenn pale phoure menshe ap i platse an o foro. Yon hi yaake phouro, te djan le i kashteha.