Jesaja 65:19 - O Debleskro Lab 2024 (Sinte-Manouche)

¹⁹ Me ninna, vau barhtelo pral Yerusalem, oun miro dji givell pral mire menshende. Ropen vell kote bouder gar shounlo, vitar gar dell yek gole i daryatar.

O Debleskro Drom 2021 (Sinte)

¹⁹ Me ninna, wau bachtelo pral Jerusalem, un miro dji giwell pral mire menshende. Ropen well kote buder gar shunlo, witar gar dell jek gole i darjatar.

Jesaja 65:19 Referans Kwoze

Debleskro tsiro 21:4

Oun yob khossella hake sva ap lengre yaka tele. Oun o merepen dell gar bouder, vitar kek bibarht, kek ropen oun kek douka. Kova hoy his, dell gar bouder.

Debleskro tsiro 7:17

O terno bakro, hoy mashkral o Debleskro beshepaskro hi, kova dell yak ap lende, har i bakrengro ray ap peskre bakre yak della, oun anell len pash o pani, hoy o djipen della. Oun o Devel khossell hake sva ap lengre yaka tele.

Jeremia 32:41

Miro dji sala, te nay krau lenge lačepen. Oun me moukau len zoreles an kava them vell, oun yon hounte moukenn les bouder gar. Čačepah, kova krau miro tselo djiyeha oun miri tseli zoryah.

Jesaja 35:10

Kolen, kay yob dran o pandepen vin las, venn pale khere, oun venn o gipah pash i berga Sion. Lengri barht lell kek lendar. Lengre djia givenn oun bashrenn i barhtyatar. Oun douk oun ropen dell gar bouder.

Jesaja 25:8

O merepen lell lo krik hako tsireske. O baro Devel, maro ray, khossell palle hakeneske i sva tele. Oun koy ladj, hoy ap peskre menshende čiddo hi an hake themma, lell lo lendar krik. Kova penas o baro Devel.

Zefanja 3:17

T'maro baro Devel hi pash t'mende, yob hi zorelo oun hi ap t'mari rig. Leskro dji givell pral t'mende, oun yob hi t'menge lačo. T'mari doosh lell lo t'mendar krik an peskro baro kamlepen, oun yob dell gole i barhtyatar pral t'mende,

Jesaja 60:20

Tiro kham djal gar bouder tele, oun tiro čon ačell diklo. o baro Devel vell touke i momeli hako tsireske. Oun kol phare divessa, an kolende tou roval, hi palle trouyel.

Jesaja 51:11

Kolen o baro Devel dran o pandepen vin las, venn pale khere, oun venn o gipah pash i berga Sion. Lengri barht lell kek lendar. Lengre djia givenn oun bashrenn i barhtyatar. Oun douk oun ropen dell gar bouder.

Jeremia 31:12

Yon venna pral ap i berga Sion, oun denn gole i barhtyatar, oun venn barhteles pral kova, hoy o baro Devel len dell: djob, mool, djet oun terne bakre oun groumya. Lengre djia venn zorelo har i garta, kolat hako tsiro doha pani hi. Oun lenge hi bouder gar ropaske.

Jesaja 51:3

O baro Devel khossell i sva i menshendar an o foro Sion, oun čivell o tele phagedo foro pale pre. Yob krell, te vell o moulo tato them har i baar Eden, oun o divyo trouk them har o baro Debleskri baar. Kote sanenn oun stenn le, parkrenn pen pash o Debleste oun givenn leske.

Kamlepaskri gili 3:11

T'mer ča dran o foro Yerusalem, avenn vin! T'mer ča dran Sion dikenn o baro rayes, o Salomes! Dikenn leskri rayeskri stadi, hoy leskri day leske ap o shero čivas, ap ko dives, kay lo romedineras, oun leskro dji i barhtyatar bashras.

Louka 15:5

Oun te hatsell lo koles, lell lo les ap i phik, oun hi barhtelo.

Louka 15:3

Koy penas o Yezous lenge laba, kay i khatedo čačepen dren hi, oun penas:

Jesaja 30:19

T'mer menshe an o foro Yerusalem, kay djivenn ap i berga Sion, t'mer hounte rovenn bouder gar. Te denn t'mer ap leste gole, hi lo lačes ap t'mende. Yaake sik har shounell lo t'mari gole, rakrell lo ap t'mende pale.

Zakarie 2:10

“Nashenn! Nashenn! Nashenn dran o them Babilonia!” dell o baro Devel gole, “t'mer, kolen tradom ap hake rigya.

Debleskri gili 144:14

Mare groumya te nashrenn kek pengre ternendar, hoy gar boldo hi. Kek ropaskri gole te vell shounlo ap mare dromma!

Ezekiel 36:15

Me krau, te shouness bouder gar o praasepen kolendar dran vavar themma, oun hounte ladjess tout bouder gar glan lende. Tou kreh bouder gar, te hi t'mare menshen bouder kek čave. Kava penell o baro Devel, maro ray.

Zefanja 3:15

O baro Devel las t'mari phagi t'mendar krik, oun tradas kolen krik, kay rikran t'men tele. O baro Devel hi o baro ray pral Israel, oun hi pash t'mende. T'mer hounte trashenn bouder kek bibarht.