Jesaja 60:12 - O Debleskro Lab 2024 (Sinte-Manouche)

¹² Kol themma, kolengre menshe kamenn gar touke te boudrell, venn paash stakedo, oun lengre menshe maredo, te ačell či lendar pral.

O Debleskro Drom 2021 (Sinte)

¹² Kol themma, kolengre menshe kamenn gar tuke te budrell, wenn paash stakedo, un lengre menshe maredo, te atchell tchi lendar pral.

Jesaja 60:12 Referans Kwoze

Jesaja 54:15

Dik, ninna te djan le ap toute pre, vell kova gar mandar. Koon kourell pes touha, kova vell dino oun perell.

Daniel 2:35

Koy djas i tseli figura paash. Oun o saster, i phoubyakri čik, o lolo saster, o roup oun o sonakay peran khetne an tikne kotya. Oun i dourho phourdas len krik har phouss. Oun kek nay hatsas len bouder. Oun ko bar, hoy koy figura khetne das, vas i bari berga, oun las i tseli phoub dren.

Jesaja 41:11

Dik, ladj vell ap lauterende, kay hi rhoyedo touha, oun yon venn sapaske i vavarenge. Oun kolla, kay kourenn pen touha, hi sik bouder gar koy. Či ačell lendar.

Jesaja 14:2

Oun menshe dran vavar themma anenn i Israelitaryen an ko them pale, hoy o baro Devel len das. Oun kol vi-themarya, morsha oun djouvya, venn lengre boudepangre. Oun kolla, kay i Israelitaryen pandles krik lan, kolen lenn yon pandles, oun venn i raya pral kolende, kay rikran len tele.

Debleskri gili 2:12

Čoumrenn o čaves, te vell lo gar rhoyedo ap t'mende, oun t'mer ap o drom merenna. Leskri rholi nay rhačella sik. Barhtele hi kolla lauter, kay khatrenn pen pash leste.

Louka 19:27

Oun yob penas doureder: Anenn kolen glan mande, kay hi rhoyedo ap mande, oun kay kaman gar, te vap baro ray pral lende, oun denn len glan mire yaka temerl!”

Mateo 21:44

Koon ap kava bar perella, kova merella. Ap koneste kava bar perella, koles dell ko bar khetne.”

1. Mose 27:29

Menshe dran vavar themma hounte boudrenn touke oun vitsrenn pen tele glan toute. Vess ray pral tire phralende. Oun tiri dakre čave hounte vitsrenn pen tele glan toute. Kolla kay penenna, te vell tout bibarht, ap kolende vell bibarht. Oun kolla, kay penenna, te vell tout barht, ap kolende vell barht.

Debleskri gili 108:13

Ab tou ap mari rig oun le men vin dran i čilače vasta! Te hi menshe ap mari rig, hi kova čičeske oun či moldo.

Jeremia 12:17

Te hi yek natsyona koy, hoy kamell gar ap mande te shounell, lau lake lakro them hako tsireske krik, oun kay natsyona djal tel. Kova penell o baro Devel.

Daniel 2:34

Oun har dikal ap koy figura, koy peras i bar tele, koles kek mensho vitsras. Oun ko bar peras ap kol pire dran saster oun phoubyakri čik, oun das len paash.

Daniel 7:18

Oun pal lende lenn i vi-rodede menshe o pralstouno Deblestar i rayeskri zoor pral i tsele menshende oun lengre themma. Oun koy zoor ačell lenge hako tsireske, oun vell lendar gar krik lino.”

Daniel 7:27

Oun kol tsele themma ap i phoub venn kol menshende o pralstouno Deblestar dino. Oun yon venn i raya pral lende, oun len vell i zoor oun penepaske pral lende. Oun o pralstouno Devel ačell o baro ray hako tsireske. Oun kolla lauter, kay pralstoune hi ap kay phoub, hounte mangenn les an oun hounte shounenn ap leste.”

Zakarie 9:10

O baro Devel penell: Me lau i kourepangre vourdya krik dran o them Israel, oun i kourepangre graya dran Yerusalem. Oun i kourepangre boge venn phagedo. T'maro baro ray lell o čingepen krik mank i natsyone. Yob hi o ray foun yek baro panyestar bis ap o vavar, foun o panyestar Eufrat bis an i doureder themma ap i tseli phoub.