Jesaja 60:11 - O Debleskro Lab 2024 (Sinte-Manouche)

¹¹ Oun tire bare voudya ačenn hako dives pre. Pral o dives har an i rat venn le gar pandlo, te nay anenn kol menshe dran vavar themma pengro bravlepen pash toute, oun te nay venn lengre raya glan toute.

O Debleskro Drom 2021 (Sinte)

¹¹ Un tire bare wudja atchenn hako diwes pre. Pral o diwes har an i rat wenn le gar pandlo, te nai anenn kol menshe dran wawar themma pengro brawlepen pash tute, un te nai wenn lengre raja glan tute.

Jesaja 60:11 Referans Kwoze

Jesaja 60:5

Palle dikeh tou kova, oun bari barhtyatar rhačell tiro mouy har i momeli, oun tiro dji trissella oun djal dour pre. Boud bravlepen dran vavar themma vell anlo pash toute, foun vergel o baro pani vell lo pash toute.

Jesaja 60:18

I kourepaskri gole vell gar bouder shounlo an tiro them. Paash-dine forya oun kourepen dell gar bouder koy. Na-a, mank tire massourya krell kek touke čilačepen, oun tou shareh man koleske.

Jesaja 62:10

Morshale an o foro Yerusalem, djan vin dran o foreskre voudya! Djan vin! Krenn i drom i menshenge, kay khere venn! Krenn o drom čačo! Lenn kol barra krik! Krenn ko drom djoudjo! Hadenn i sikepen pre i menshenge dran vavar themma!

Debleskri gili 149:8

Lengre bare rayen pandenn le an shelle, lengre pralstunen an sasterne shelle,

Nehemia 13:19

Oun me penom, te venn o foreskre voudya pandlo glan te vas o Debleskro dives, an ko tsiro har o kham tele djas, oun te venn le gar pale pre kerdo glan ko tsiro, kay hi o Debleskro dives trouyel. Oun me bičrom morshen an o foreskre voudya, te denn le yak, te vell kek koova an o foro Yerusalem dren hadedo.

Jesaja 24:21

Oun ap ko dives dell o baro Devel i bolepangre lourden lengri phagi, oun ninna i bare rayen ap i phoub.

Jesaja 26:2

Krenn o foreskre bare voudya pre, te djan kolla dren, kay an o čačepen tardo hi, oun rikrenn ap pengro Debleste.

Jesaja 56:7

kolen anau pash miri berga, kay me djivau, oun krau len barhteles an miro kheer, kay mangenn man i menshe an. Yon nay anenn mange firhen: save, hoy venn mange rhačedo ap miri rhačepaskri, ninna save, hoy rhan le glan mande. Oun me dikau lačes ap kova. Miro kheer vell kharedo: Kheer, kay i menshe dran hake themma o Debles an-mangenn.

Jesaja 61:6

T'mer venn rashaya o baro Deblestar, oun venn kharedo maro Debleskre boudepangre. Oun ko bravlepen dran vavar themma, koleha moukenn les t'mer t'menge mishto te djal, oun koleha sharenn t'men.

Jesaja 49:23

Oun bare raya venn touke koy oun lengre romya denn yak ap tire tikne čavende. Oun bare raya vitsrenn pen glan toute ap i phoub, oun čoumrenn i čik tire pirendar. Kote hayveh tou palle, te hom me o baro Devel. Oun kolla, kay dikenn ap mande, te vap ap lengri rig, dikenn gar čičeske ap mande.