Jesaja 6:3 - O Debleskro Lab 2024 (Sinte-Manouche)

³ Oun yek das ap o vavareste gole oun penas: Lačo - oun čačo - har kek vavar - hi o baro Devel, ko ray pral o bolepen oun i phoub. I tseli phoub hi pherdo leskro raylepen!

O Debleskro Drom 2021 (Sinte)

³ Un jek das ap o wawareste gole un penas: Latcho - un tchatcho - har kek wawar - hi o baro Dewel, ko rai pral o bolepen un i phub. I tseli phub hi pherdo leskro railepen!

Jesaja 6:3 Referans Kwoze

Debleskri gili 72:19

Sharas leskro baro raylo lab hako tsiro! Leskro raylepen mou vell diklo an i tsele themma! Amen, yaake te vell kova!

Esra 3:11

Oun yon givan, sharan oun parkran pen pash o baro Debleste: “Yob hi lačo oun leskro kamlepen hi an hako tsiro pral Israel.” Oun i tsele menshe dan gole i barhtyatar, har parkran le pen pash o baro Debleste doleske, kay i telstoune barra leskro khereske čiddo his.

4. Mose 14:21

Yek koova hi yaake čačo har me djivau, oun i tseli phoub pherdo miro raylepen vell:

2. Mose 15:11

Kek hi yaake har tou, o baro Devel. Kek hi yaake har tou mank lauterende, kay kharenn pen Devel! Tou hal o čačo Devel, oun kek vavar hi yaake zorelo har tou! Tou kral dareno koova, hoy kek vavar nay krella.

Zakarie 14:9

Palle hi o baro Devel o ray pral i tsele themma ap i phoub. An ko tsiro hi yob kokres o Devel. Les kokres mangenn le an.

Jesaja 40:5

O baro Debleskro raylepen vell diklo. Oun i tsele menshe dikenn les. Kova penas o baro Devel.”

Jesaja 24:16

Dran themma, kay dour mendar krik hi, shounah o gipen: “Sharedo vell o Devel, kay o čačepaskro hi.” Me penom mange: Mange hi ropaske! Mange hi ropaske! Har djoungelo djal mange? Phoukepangre phoukrenn, ava, phoukepangre phoukrenn, oun moukenn gar tele pengro phoukepah.

Debleskri gili 57:11

Tiro lačepen hi yaake baro har o bolepen. Oun tiro čačepen djal bis pash i volke.

Efesarja 1:18

Me mangau lestar, te krell lo t'mare djia pre, te dikenn t'mare djiyeskre yakentsa, har baro oun shoukar kova hi, hoy yob i patslende della ap ko tsiro, kay venn le pash leste an o bolepen khetne. Yob das t'men gole, te lenn kova lauter.

Habakuk 2:14

Yaake har o baro pani pherdo pani hi, vell i tseli phoub pherde menshe, kay djinenn, har raylo o baro Devel hi.

Debleskri gili 90:16

Mer tire boudepangre kamah te dikas o baro koova, hoy tou kreh. Mouk mare čaven tiro raylepen te dikell!

Debleskri gili 97:6

O bolepen sikrell leskro čačepen, oun leskro raylepen dikenn i tsele menshe.

Debleskri gili 99:3

Mou hadenn le lauter tiro baro oun raylo lab! Tou kokres hal o čačo Devel.

Jesaja 54:5

Kova, kay tout kras, hi kanna tiro rom. Baro Devel, ray pral o bolepen oun i phoub hi leskro lab. Yob ginas tout vin dran o pandepen, oun hi o Israeleskro čačo Devel. Yob vell kharedo: O Devel pral i tseli phoub.

Ezekiel 43:2

Oun kote dikom, har vas o raylepen o Israeleskro Deblestar foun kotar, kay o kham pre djal. Khetne ko raylepen vas i gole, har i gole, hoy bare panya denn. Oun dran o raylepen vas i momeli ap o tselo them.

Ezekiel 44:4

Oun o morsh anas man pash o voudar, hoy ap i nordetikri rig hi, oun djas kote mantsa dren ap koy tikni glanstouni platsa glan o baro Debleskro kheer. Koy dikom, kava kheer his pherdo o baro Debleskro raylepen. Oun me moukom man ap i phoub te perell glan leste.

Debleskri gili 8:2

Baro Devel, maro ray, har raylo hi tiro lab ap i tseli phoub! Tiro raylepen hi bareder har o bolepen.

Debleskri gili 66:2

Givenn leske, te vell leskro lab hadedo! Rakrenn vin, har raylo yob hi!

Debleskri gili 99:9

Hadenn maro baro Debles! Mangenn les an ap leskri berga, kay yob djivella. Maro baro Devel kokres hi o čačo Devel.