Jesaja 59:12 - O Debleskro Lab 2024 (Sinte-Manouche)

¹² Baro Devel, boud kope peram toutar tele. Mari doosh, hoy mer ap mende lam, sikrell har čilačo ham. Ko čilačepen, hoy kram, hi glan mare yaka, oun mer djinah, havo djounglepen ap toute kram:

O Debleskro Drom 2021 (Sinte)

¹² Baro Dewel, bud kope peram tutar tele. Mari doosh, hoi mer ap mende lam, sikrell har tchilatcho ham. Ko tchilatchepen, hoi kram, hi glan mare jaka, un mer djinah, hawo djunglepen ap tute kram:

Jesaja 59:12 Referans Kwoze

Esra 9:6

oun penom: “Miro Devel, me ladjau oun trashau man, te hadap mire yaka pral pash toute, miro Devel; mari doosh vas pral maro shero, oun maro čilačepen hi baro bis pral an o bolepen.

Hosea 5:5

Lengre pre-phourde djia sikrenn, har boud doosh ap lende hi. Dran lengri doosh perenn i Israelitarya an i bibarht. Ninna i menshe dran o them Youda perenn lentsa khetne.

Hosea 4:2

Kova, hoy pash t'mende hatslo vell hi koshepen, rhorhepen, čorepen, menshe venn moulo dino, oun boud morsha rhorhenn pengre romyen, oun boud djouvya pengre romen. Oun yon marenn yekes pal o vavares.

Ezekiel 5:6

I menshe an Yerusalem moukan pen či mandar te penell, oun shounan gar ap mande. Yon van čilačeder har kol themma, kay troul lende hi. Mire čačepaskre laba vitsran le pal pende, oun djivan gar yaake har lendar kamom.

Jeremia 14:7

Baro Devel, mari doosh hi glan mare yaka tardo. Boud kope djam toutar krik, oun shounam gar ap toute. Ab pale ap mari rig, te dikell hakeno, har kamlo hal!

Jesaja 1:4

T'menge djal djoungelo, t'mer čilače menshe, kay anan yaake boud doosh ap t'mende! T'mer han bede, čave, kay molenn či! T'mer moukan o baro Debles, kamenn či bouder te djinell o Israeleskro Deblestar, kay kokres o Devel hi, oun sikran leske t'maro doumo.

Hosea 7:10

I Israelengre pre-phourde djia sikrenn, har boud doosh ap lende hi. Ninna te hi kova yaake, venn le gar pale pash mande, lengro baro Debleste, oun rodenn man gar.

Ezekiel 7:23

Kre i shello! O tselo them hi pherdo kolendar, kay lan rateskri doosh ap pende. Oun o foro hi pherdo kolentsa, kay rikran i vavaren i zoryah tele.

Jeremia 3:2

Ap havi berga hals tou gomme gar i morsheha čiddo? Ap o drom hal tou beshdo, oun loureh ap lende, har i Arabari an o moulo tato them. Oun tou kreh ko them pale-čiddo tiro vi-ladjedo oun djoungelo koveha.

Jesaja 3:9

O čilačepen dikell dran lende vin. Oun yon anenn doosh ap pende oun kolah sharenn le pen ninna gomme, yaake har kol menshe an o foro Sodom ninna kran. I bibarht vell ap lende, koya anenn yon kokres pengro djoungelo djipah pral pende!

Nehemia 9:33

Tou hal an o čačepen tardo, har anal kova lauter pral mende. Kova, hoy tou kral, his mishto, ninna te djivam mer yaake, har te vals men kek Devel.

Esra 9:13

Oun har ko tselo čilačo koova kram oun yaake boud doosh ap mende anam, vas kay bari bibarht ap mende. Ah, maro Devel, tou rikral tout pale oun dal men gar koy phagi, hoy hounte lams. Oun moukal mendar save djides, kay van dran o pandepen pale vin, oun van pale kate an o them Israel.

4. Mose 32:23

Te kamenn t'mer kova gar te krell, palle lenn i doosh ap t'mende glan o baro Debleste. Oun kova dikenn t'mer, te vell koy phagi ap t'mende.

Debleskri gili 51:3

Miro Devel, tou hal yaake lačo, oun tiro kamlepen hi baro! Dik lačes ap mande! Oun le ko čilačo koova, hoy krom, mandar krik!

Jesaja 58:1

De bari gole! Rike tout gar pale! Hade tiri gole, te vell li yaake zorelo har i phourdepaskri! Oun pen mire menshenge, havo čilačo koova yon kran! Ava, pen o khereske Yakob, havi doosh yob ap peste las!

Habakuk 1:4

O čačepen nashrell peskri zoor, oun vell bouder gar vin rakedo. Kova hoy i čačepangre morsha penenn, dell i čilačenge čačo oun gar i lačenge. Yaake vell dran o čačepen rhorhepen.

Jesaja 64:4

Tou val pash kolende, kay kran o čačepen i barhtelo djiyeha, oun djan ap tire dromma oun kran, hoy lendar kamal. Tou rhoyral tout, har shounam bouder gar ap toute. Te djah ap tire dromma, leh tou men vin dran o čilačepen.

Ezekiel 7:16

Oun kolla, kay nay nashenn penge, djivenn ap i berge har darene taube mank i bare barra, oun rovenn pral pengri doosh.