Jesaja 56:4 - O Debleskro Lab 2024 (Sinte-Manouche)

⁴ Leske penell o baro Devel: Te rikreh tou o Debleskro dives dren, oun kameh kova te krell, hoy mange mishto hi, oun rikreh tout ap kol laba, hoy mire menshendar vin krom,

O Debleskro Drom 2021 (Sinte)

⁴ Leske penell o baro Dewel: Te rikreh tu o Debleskro diwes dren, un kameh kowa te krell, hoi mange mishto hi, un rikreh tut ap kol laba, hoi mire menshendar win krom,

Jesaja 56:4 Referans Kwoze

Louka 10:42

Dell yek koova, hoy boud moldo hi, oun i Maria hatsas les. Kova vell latar gar krik lino.”

Jesaja 27:5

Yaake djal lauterenge, kay gar pash mande venn, te rikrap mire vasta pral lende. Mou venn le pash mande, te las kova krik, hoy mank mende tardo hi. Ava, mou venn le, te vas mer mala.

Debleskri gili 119:111

Tire laba, hoy menge sikrenn, har te djivas, hi mange kouč oun ačenna mange hako tsiro. Ava, yon hi kolla, hoy miro dji barhteles krenn.

Jesaja 56:6

Oun kol vi-themarya, kay djan ap o baro Debleskro drom, oun hi leske koy, oun kamenn les pengro tselo djiyeha, oun kamenn leskre boudepangre te vell, hakeno, kay rikrell o Debleskro dives dren oun boudrell gar ap leste, oun rikrell pes ap kol laba, hoy mire menshentsa vin krom,

2. Samuel 23:5

O Devel das man peskro lab hako tsireske, oun hoy lo penas hi mishto oun ačell tardo. Yaake hi miro kheer zoreles glan leste tardo. Lauter, hoy mange mishto hi oun hoy kamau o djiyestar, moukell lo mishto te djal.

Josua 24:15

Hi t'menge gar mishto an t'mare yaka, te mangenn o baro Debles an, palle rodenn kava dives kate vin, kones t'mer kamenn an-te-mangell: Kol deblen, kolen t'mare phoure an-mangan, har yon gomme ap i vavar rig o lengsto panyestar his, oder kol rhorhene deblen, kolen i Amorarya an-mangenn, an kolengro them t'mer kanna djivenn. Me oun miro kheer, mer kamah o baro Debles an-te-mangell.”

Hebrearja 6:17

Har das o Devel peskre menshen peskro lab, das lo ninna peskro vast koy pre. Yaake sikras lo len, te dell lo len čačepah kova, hoy yob lenge penas.

Jeremia 50:5

Yon poučenn pal o drom ap i berga Sion, kote kamenn le te djal: “Avenn, te kras men ap o drom pash o baro Debleste! Mer kamah pale leskre menshe te vell, oun yob te vell maro Devel! Kova te ačell yaake hako tsiro, mer kamah les gar te bistrell.”

Jesaja 56:2

Mishto djal ko mensheske, kay djivell yaake, oun rikrell pes zoreles ap mire laba: kova, kay rikrell o Debleskro dives dren oun boudrell gar ap leste; oun kova, kay rikrell peskro vast pale, te krell lo čilačo koova.

Jesaja 55:3

Shounenn mishto, hoy penau, oun avenn pash mande! Shounenn ap mande, te ačenn djido! Oun me kamau t'mentsa vin te krell, te ačas mer mala hako tsireske. Ko lačo koova, hoy o Davideske penom, vell ap t'mende.

Jesaja 58:13

Te rikreh tire herya pale, te djas gar ap i boudi ap o Debleskro dives, oun djah gar i lovenge palla ap ko dives, hoy mange hi, oun peneh: Kova hi miro shoukeder dives, kay sharau o baro Debles oun mangau les an, te shareh les tou yaake, te djas gar ap i boudi oun kek lovenge palla, oun kreh kek bare laba,

Debleskri gili 25:10

I tsele dromma hi lačo oun čačo, kay o baro Devel kolen anell, kay rikrenn pen ap leskre laba oun krenn, hoy yob lenge penell.