Jesaja 55:10 - O Debleskro Lab 2024 (Sinte-Manouche)

¹⁰ O brishin oun o gib perenn tele dran o bolepen, oun djan gar bouder kote pale. Yon krenn i phoub sapeno, te djal latar zenlepen oun djob vin, yaake te vell i menshen maro te rhal, oun djob, hoy nay vitsrenn le an i phoub o vavar bersh.

O Debleskro Drom 2021 (Sinte)

¹⁰ O brishin un o gib perenn tele dran o bolepen, un djan gar buder kote pale. Jon krenn i phub sapeno, te djal latar senlepen un djob win, jaake te well i menshen maro te chal, un djob, hoi nai witsrenn le an i phub o wawar bersh.

Jesaja 55:10 Referans Kwoze

5. Mose 32:2

Kova hoy me t'men sikrau, hi har o brishin ap o zenlepen. oun miro rakepen har i sapeno dourho ap o khass.

Jesaja 30:23

Palle dell o baro Devel brishin ap o djob, hoy tou ap tiro kotar phoub vin vitsral. Oun tiri phoub anell yaake boud djob vin, te vell tout boudeder har doha maro. Oun tire firhen vell doha zenlepen te rhal ap i bourhlo zenelo them.

Ezekiel 34:26

Oun me čivau miri barht ap lende oun ap o tselo them, hoy troul miri berga hi. Oun dau brishin an o čačo tsiro. Kava lačo brishin krell,

Hosea 10:12

Djivenn an o čačepen, te vell lačepen dran t'maro djipen! Krenn t'maro dji neves pre o baro Debleske, yaake har i harho i nevo kotar phoub pre krell o djobeske. Kanna hi o tsiro, te rodenn man, o baro Debles. Palle vau oun čorau o lačepen pral t'mende vin har i brishin.

Jesaja 61:11

Yaake har moukell i phoub o zenlepen pre te djal, oun bares te vell, yaake moukell o baro Devel, maro ray, o čačepen pre te djal, oun maro sharepen bares te vell pash i menshende an i tsele themma.

Debleskro tsiro 11:6

Len hi i zoor, te rikrenn le o brishin pale, yaake te dell kek brishin ap ko tsiro, kay yon o Debleskro lab penenna. Oun len hi i zoor pral o pani, te nay krenn le dran kol tsele panya rat. Ninna hi len i zoor, te nay anenn le haki bibarht pral i phoub, yaake boud kope, har yon kamenna.

Jesaja 5:6

Oun me moukau ko them čiddo, har lo hi. I rouka venn gar pale činlo, oun i phoub gar trouyel vitsedo. Palle venna soubyengre bourra oun soubyengro zenlepen bares koy pre. Oun me penau o brishineske, te perell lo gar koy tele.

1. Samuel 23:4

Kote poučas o David gomme i douyto kopo o baro Debles, oun o baro Devel penas: “Ste pre oun dja an Kehila! Me kamau t'men i Filistaryen an t'maro vast te dell!”

Hosea 2:21

Israel, tou veh miri romni hako tsireske. Me djau touha trouyel, har mishto oun čačo hi. Me hom lačes ap toute, oun krau miro dji pre touke.

Debleskri gili 104:15

i mool, hoy o mensheskro dji barhteles krella, o djet, hoy leskro mouy shoukar krella, oun o maro, hoy o menshes zoreles krella.