Jesaja 54:2 - O Debleskro Lab 2024 (Sinte-Manouche)

² Kre tiro plarhteno kheer bourhlo! Tserde kol plarhte ap i rigya doureder! Ab gar čindo! Kre i shelle lengsto, oun de kol saster, hoy rikrenn len, zoreles an i phoub dren!

O Debleskro Drom 2021 (Sinte)

² Kre tiro plachteno kheer buchlo! Tserde kol plachte ap i rigja dureder! Ab gar tchindo! Kre i shelle lengsto, un de kol saster, hoi rikrenn len, soreles an i phub dren!

Jesaja 54:2 Referans Kwoze

Jesaja 33:20

Dik ap ko foro Sion, kay mer khetne vah ap i bare divessa. Dik, har i Yerusalem i foro hi, kay djivenn i menshe kek daryah. Ko foro hi har i plarhteno kheer, hoy bouder gar tele phagedo vell. Kol saster, hoy les rikrenn, venn gar bouder vin tserdedo, oun lengre shelle djan gar bouder paash.

2. Mose 39:40

kolla layntikre kotya oun pesse kashta ap herya, hoy troul i glanstouni platsa hi; oun koy plarhta o voudareske ap i glanstouni platsa; kol tikne sasterne kotya, hoy denn le an i phoub, te rikrenn le o plarhteno kheer zoreles, oun kol shelle, hoy hi kote an-pandlo; ninna kol tsele koola, hoy kolen hounte vell, kay boudrenn an o Debleskro plarhteno kheer.

Jeremia 10:20

Miro plarhteno kheer vas paash dino, oun mire shelle hi an kotya činlo. Mire čave djan mandar krik, oun hi gar bouder koy. Kek čivell miro kheer pale pre, kek čivell i plarhta koy pral.

2. Mose 35:18

kol tikne sasterne kotya, hoy denn le an i phoub, te rikrenn le i plarhte zoreles, kolla plarhte hoy hi ap o kheer, ninna kolla, hoy hi troul i glanstouni platsa, oun kol shelle, hoy hi kote an-pandlo;

1. Mose 26:22

Oun yob djas doureder oun kras i vavar brounna. Pral koya čingran pen le gar. Koy das lo lat ko lab Rehobot, oun penas: “Kanna das men o baro Devel i bourhlo them. Mer nay vah an kava them boud menshe oun boud firhe.”

Jesaja 26:15

Baro Devel, tou moukal tire menshen boud te vell, mer vam i bari natsyona. Oun maro them kral bareder oun bourhleder. Yaake sikral tiro barepen oun tiri zoor.

Micha 7:11

T'mer an o foro Yerusalem, ko dives vella, kote vell t'maro foro pale pre-čiddo, oun t'maro them vell bareder har hi lo kanna.