Jesaja 52:7 - O Debleskro Lab 2024 (Sinte-Manouche)

⁷ Har shoukar hi, te vell kova pral i berge, kay penell menge lačo nevo koova, oun penell: Hi bouder kek kourepen. I lačo tsiro vas. T'mer han bouder gar pandlo. Oun ap mende an Sion penell lo: Tiro Devel hi o baro ray!

O Debleskro Drom 2021 (Sinte)

⁷ Har shukar hi, te well kowa pral i berge, kai penell menge latcho newo koowa, un penell: Hi buder kek kurepen. I latcho tsiro was. Tumer han buder gar pandlo. Un ap mende an Zion penell lo: Tiro Dewel hi o baro rai!

Jesaja 52:7 Referans Kwoze

Markus 16:15

Oun yob penas ap lende: “Djan pash i tsele menshende ap i phoub oun sikrenn hakeneste miro drom!”

Efesarja 6:15

Djan pash i menshende, oun penenn lenge o lačo lab, te kras o Yezous Kristo i drom, kay o Devel oun i menshe mala venna! Kova hi yaake, har te rivenn t'mer zorele kirrha.

Jesaja 40:9

Tou, koy berga Sion, hal har i čay, kay anell i lačo lab. Tou, o foro Yerusalem, hal bičedo te aness barht. Dja pre ap i bari berga! De zoryah gole, oun ma dare! Dja pre ap i bari berga! Pen ap i forya an o them Youda: “Ake, t'maro Devel!”

Debleskri gili 93:1

O baro Devel hi o baro ray. Raylepen oun zoor hi troul leste har i ripen. Yob kras i phoub yaake te hi li zoreles tardo.

Mateo 28:18

Oun o Yezous djas pash lende oun penas ap lende: “O baro Devel das man i zoor pral o bolepen oun pral i phoub.

Jesaja 24:23

Oun o čon vell lolo i ladjatar, oun o kham ladjell pes oun khatrell pes. O baro Devel, ko ray pral o bolepen oun i phoub, vell o baro ray ap i berga Sion an o foro Yerusalem. Oun i phoureder dikenn leskro raylepen.

Debleskri gili 68:11

te djivan nay tire menshe kote. Tou, maro Devel, hal yaake lačo, te moukal kol čorvelen kote khere te vell.

Louka 2:10

Oun o bolepaskro penas ap lende: “Ma darenn! I bari barht vell ap t'mende, oun ap i tsele menshende.

Markus 13:10

Glan ko tsiro, kay i phoub paash djala, hounte vell o lačo lab mandar penlo an i tsele themma.

Debleskro tsiro 14:6

Oun me dikom i vavar bolepaskres dour pral ap o bolepen. Kova hounte penas i menshenge o lačo lab, hoy ačella oun gar pre-herella. Yob penas les i tsele menshenge, hoy ap i phoub djivenna, haki natsyona, haki harmenatsyona, hako rakepen, oun an hake themma.

Zakarie 9:9

Ab barhtelo, tou foro Sion! Denn gole i barhtyatar, t'mer menshe an Yerusalem! Dikenn, t'maro baro ray vella pash t'mende! Yob anell o čačepen, oun vell ap t'mari rig. Yob krell pes gar bares, oun klissell ap i bourika, ava, ap i terni bourika.

Louka 24:47

Oun an peskro lab hounte vell i menshenge an hake themma penlo, te moukenn le pengro čilačo drom, oun djan ap o Debleskro drom, yaake kay lell o Devel lengri doosh lendar krik. Penenn kova i menshenge an o foro Yerusalem, oun palle an i vavar themma!

Kamlepaskri gili 2:8

Miro pirno dell gole pal mande! Dik, oke vell lo, oun stell pral i bare oun tikne berge.

Debleskri gili 99:1

O baro Devel hi o baro ray. Yob hi beshdo pral i Keroubim. Lestar darella i phoub, oun hake themma trissenna.

Debleskro tsiro 11:15

Oun ko eftato bolepaskro phourdas an peskri phourdepaskri. Koy his i rakepen an o bolepen, oun boud dan bari gole, oun penan: “Kanna hi o Devel oun leskro čavo, o Yezous Kristo, i raya pral i tsele menshende ap i phoub hako tsireske.”

Micha 4:7

Oun me krau, te venn lendar boud menshe. Ava, kolendar, kay krik tradedo his oun pale khere anlo van, vell i baro natsyona. Oun palle hom me, o baro Devel, o baro ray pral lende ap i berga Sion hako tsireske.

Debleskri gili 96:10

Penenn i tsele menshenge: O baro Devel hi o baro ray. Yob kras i phoub, te vell li zoreles tardo. Yob hi o čačepaskro ray pral i tsele themma oun djal pal o čačepen.

Mateo 25:34

Oun palle penell o baro ray ap kolende, kay ap leskri čači rig tardo hi: Ap t'mende vell i barht miro dadestar an o bolepen. Avenn oun djivenn mantsa khetne an miri harmenatsyona. Kova kamas o Devel yaake rah har o bolepen oun i phoub koy hi.

Debleskri gili 59:13

Yon praasenna oun rhorhenna. Hako labeha, hoy yon penenn, doukrenn le tout. Mouk lengro pre-phourdepen i shello lenge te vell, yaake te hounte perenn le, oun venn kokres dren pandlo.

Debleskri gili 97:1

O baro Devel hi o baro ray! Doleske te givell i phoub oun sal! Ninna kol boud panyengre themma te venn le barhtelo!

Jesaja 41:27

Me homs o glanstouno, kay penom ap i menshende ap i berga Sion: Dikenn, kote venn le. Oun me bičrom i bičepaskres an o foro Yerusalem, te penell lo lenge kal laba.

Jesaja 42:11

Givenn i bari golyah, t'mer an i forya an i moule tate themma, oun t'mer menshe dran Kedar, kay an i gaba djivenn! Givenn bari golyah, t'mer, kay an o foro Sela djivenn! Denn gole i barhtyatar, t'mer, kay pral ap i berge djivenn!

Debleskri gili 98:2

Yob moukell i menshenge an i tsele themma te penell, te lell lo len vin dran o čilačepen. Glan lende moukell lo peskro čačepen te dikell.

Debleskri gili 98:3

Yob bistras gar peskro lačepen o khereske Israel, oun rikrell peskro lab, hoy das lo lende. I tseli phoub dikas, har las lo len vin dran o čilačepen.

Nahum 2:1

T'mer menshe an Youda, dikenn: Pral i berge vell i morsh, kay anell i lačo lab. Yob penell: O kourepaskro tsiro hi trouyel! Rikrenn pale t'mare bare divessa oun avenn barhtelo koy dren! Denn o Debleske kova, koleske t'men sovel dan. Ko čilačo, kay halauter paash das, vell bouder gar an t'maro them. Yob hi bouder gar koy.