Jesaja 50:8 - O Debleskro Lab 2024 (Sinte-Manouche)

⁸ O Devel hi pash mande oun dell man miro čačepen. Koon kamell mantsa an o čingepen te djal? Mou vell lo, te stakras mer khetne glan o čačepaskro ray! Koon hi kova, kay anell čomone pre ap mande? Kova stakrell glan, te dikap les.

O Debleskro Drom 2021 (Sinte)

⁸ O Dewel hi pash mande un dell man miro tchatchepen. Koon kamell mantsa an o tchingepen te djal? Mu well lo, te stakras mer khetne glan o tchatchepaskro rai! Koon hi kowa, kai anell tchomone pre ap mande? Kowa stakrell glan, te dikap les.

Jesaja 50:8 Referans Kwoze

Debleskro tsiro 12:10

Oun me shounom i zorelo rakepen an o bolepen, hoy penas: Kanna las men maro Devel dran o bengeskro vast vin. Maro Devel sikras peskri zoor, oun vas o ray pral i tsele menshende ap i phoub. Oun yob das peskri tseli zoor koles, kay yob vin rodas, te vell lo o baro ray pral halauter. Tele vitsedo hi ko phoukepaskro, kay anas i doosh ap mare phralende glan o Debleste o dives oun i rati.

Jesaja 41:1

O Devel penell ap i menshende an dour themma: Ačenn, oun shounenn ap mande! Ava, ap kolende an vavar themma penell lo: Lenn t'men khetne oun avenn pash mande! Palle nay rakrenn. Moukenn men khetne o čačepen vin te krell!

Jesaja 43:26

Pen mange, hoy krom, hoy kamal tou gar! Dikas khetne ap kova, hoy t'mer kran! Rake tou, te dikap, te hal an o čačepen!

Jesaja 41:21

O baro Devel, ko ray pral o Israel, penell ap i menshende an vavar themma: Avenn glan oun anenn t'maro koova glan, pral koleste kamenn mantsa te čingrell. Anenn kova glan, koleha t'mer kamenn te sikrell, te hi t'men čačo!

1. Timoteo 3:16

Čačepah, an maro patsepen hi i baro čačepen: O Debleskro čavo vas i mensho. Hoy yob kras, hi čačo. Ko sikras men o Debleskro Dourho. I bolepangre dikan ap leste. An i tsele themma rakran le lestar. Ap i tseli phoub patsan le ap leste. An o bolepen las les o Devel pash peste.

Mateo 5:25

Te hi tout siyaan pash yekeste, oun hal leha ap o drom pash o čačepaskro, palle playse tiri siyaan yaake rah, har hal tou leha ap o drom, te nay dell yob tout gar an o čačepaskro vast! Oun kova dell tout an o klisteskro vast. Oun kova vitsrell tout an o stilepen!

5. Mose 19:17

palle venn kol douy, kolen čingepen pentsa hi, pash o baro Debleskro kheer, glan i rashayende oun glan i čačepangre morshende, kolla an kol divessa koy hi.

2. Mose 22:9

Te dell yek o vavares i bourika, i groumni, i bakro, ninna i vavar firho, te dell lo yak ap leste, oun ko firho merell, doukrell pes, oder vell krik tradedo oun kek dikas čomone,

Hiob 13:19

Koon hi, kay nay sikrell, te hi i doosh ap mande? Palle kamaus miro mouy te rikrell, oun te merell.

Debleskri gili 119:151

Baro Devel, tou hal pash mande. Oun tire tsele laba hi o čačepen.

Jesaja 1:18

“Avenn”, penell o baro Devel, “te kras men tel mende o čačepen vin! Te hi i doosh, hoy t'mer ap t'mende anan yaake lolo har o rat, palle vell li parno, yaake parno har gib. Oun te hi li lolo har i jag, palle vell li yaake parno har o bakrengro bal.

Jesaja 45:25

O baro Devel čivell o tselo Israel an o čačepen. Oun yon venn barhtelo pral kova, hoy me, o baro Devel, krom.

Jesaja 54:17

Kek rharo, hoy kerdo vas, te dell lo tout moulo, nay doukrell tout. Oun hako kopo, kay yek čomone ap toute pre anell, nay sikreh tou, kay yob rhorhras. Kova krau kolenge, kay mange boudrenn. Oun me sikrau, te hi yon an o čačepen, penell o baro Devel.