Jesaja 49:4 - O Debleskro Lab 2024 (Sinte-Manouche)

⁴ Mange vas kova vavarčandes glan. Oun me penom: Čačepah, his čičeske koy phari boudi, hoy ap mande lom. Dom čičeske miri tseli zoor kolake. Djinau, miro čačepen hi pash o baro Debleste, oun kova, hoy lau koleske, hoy krom, vell miro Deblestar.

O Debleskro Drom 2021 (Sinte)

⁴ Mange was kowa wawartchandes glan. Un me penom: Tchatchepah, his tchitcheske koi phari budi, hoi ap mande lom. Dom tchitcheske miri tseli soor kolake. Djinau, miro tchatchepen hi pash o baro Debleste, un kowa, hoi lau koleske, hoi krom, well miro Deblestar.

Jesaja 49:4 Referans Kwoze

Jesaja 35:4

Penenn ap kolende, kolen i dareno dji hi: Avenn zorelo! Oun ma darenn! Dikenn, kote hi t'maro Devel! Yob vell, te dell lo t'men t'maro čačepen oun i phagi kolende, kay kran t'menge čilačepen. Yob vell oun lell t'men dran lengre vasta vin.

Galatarja 4:11

Me trashau t'menge, kay miri boudi pash t'mende čičeske his.

2. Korintarja 12:15

T'menge doms me lauter, hoy man hi, ninna miro djipen. Miro dji hi baro t'menge. Hi t'men doleske kek kamlepen mange?

2. Korintarja 2:15

Te rakrah o lačo lab o Yezous Kristestar, hi o Devel barhtelo pral kova. Kova hi leske har i shoukar soungepen, hoy djal pash kolende, kay lenn o Debleskro djipen oun ninna pash kolende, kay djan nashedo.

Mateo 23:37

T'mer menshe an o foro Yerusalem! T'mer maran o Debleskre rakepangren, oun dan kolen i barrentsa moulo, kay o Devel pash t'mende bičras. Boud kope kamom t'men pash mande te lell, te dap garda ap t'mende, har i karhni ap peskre terne garda della, oun lell len tel peskre phora. Oun t'mer kaman gar.

Mateo 17:17

Koy penas o Yezous: “T'mer čilače menshe, t'men hi kek patsepen! Har rah hounte ačap pash t'mende? Har rah marap man t'mentsa tele? Anenn les pash mande!”

Ezekiel 3:19

Tou te dal les trad, oun yob djal gar tele peskro čilačo dromestar, oun djivell doureder an o čilačepen, palle lell lo peskri phagi, oun hounte merell. Tiro djipen lal tou dran o merepen vin.

Jesaja 65:23

Yon boudrenn gar čičeske, oun lengre čave venn gar boldo, te merenn le sik. Yon hi menshe, ap kolende o baro Debleskri barht čiddo hi, – ap lende, ninna ap lengre čavende.

Jesaja 62:11

Dikenn, o baro Devel moukell kal laba te shounell ap i tseli phoub: Penenn i menshenge an o foro Yerusalem: Kova, kay lell t'men vin dran o čilačepen, hi ap o drom. Kolen yob peske khetne anas, kolla hi pash leste. Ava, kolen yob peske ginas, kolla djan glan leste.

Jesaja 40:10

Dikenn, o baro Devel, maro ray, vell bari zoryah. Oun yob hi o ray pral halauter. Kolen, kay yob vin las dran o pandepen, hi pash leste. Ava, kolen, kay yob peske ginas, djan leske glan vin.

Hebrearja 12:2

Te dikas ap o Yezous Kristeste! Kova anas men ap o Debleskro drom, oun djal glan mende, bis te vah pash leste. O Yezous Kristo meras ap o troushel. Ninna te his kova i ladj leske, las lo kava merepen ap peste. Yob djinas, pal kova vell i bari barht ap leste. Oun kanna hi lo beshdo ap o Debleskri čači rig.

Remarja 10:21

Pral i Israeleskre menshende penas o Devel: O tselo dives homs lačo ap lende, oun yon kamenn gar ap mande te shounell oun kamenn gar te krell, hoy me lenge penau.

Johanni 1:11

Yob vas an peskro them, oun leskre menshe lan les gar pre.

Louka 24:26

Kolla penan: O Kristo, ko baro ray, kones o Devel bičras, hounte las douka ap peste, te djas lo an peskro raylepen.”

Jesaja 65:2

Me rikrom o tselo dives mire vasta vin kol menshenge, kay kaman gar ap mande te shounell, oun djan i drom, hoy gar mishto hi, oun djivenn pal pengro shero.

3. Mose 26:20

T'mari phari boudi hi čičeske. Ap t'mari harhetikri phoub vell či bares. Oun i rouka an o them hidjrenn kek roukengre.

Filiparja 2:16

te rikrenn t'mer ap o Debleskro lačo lab, hoy o djipen della. Te krenn t'mer kova lauter, palle hom me barhtelo ap ko dives, kay o Yezous Kristo pale vella. Yaake his miri boudi pash t'mende gar čičeske.

Gosewe laba 29:26

Boud rodenn i rayes pre, te rakrenn le leha. Kova, kay dell o menshes peskro čačepen, hi kokres o baro Devel.

Jesaja 25:1

Baro Devel, tou hal miro Devel. Tout sharau, oun touke givau. Tou kral baro koova, hoy kek vavar nay krella. Hoy tou penal i glan rah tsiro, ap kova rikral tout oun kral kova.

Jesaja 40:27

Hoske penenn t'mer Israelitarya, t'mer, kay venna pal o Yakob: “O baro Devel prindjrell men bouder gar. Maro Devel dikell gar koy pre, te vell men maro čačepen.”

Jesaja 57:21

Kek lačo koova hi i čilačenge, penell miro Devel.

Jesaja 59:18

Kolen dell lo pale pal kova, hoy yon kran. Bari rholyah djal lo ap lende. Ninna kolen dell yob pengri phagi, kay djivenn dour krik vergel o baro pani.

Jesaja 61:10

Me hom barhtelo pral o baro Debleste, oun miro dji givell miro Debleske. Yob hi troul mende har i ripen, te vell kek čilačepen ap mende, oun čivas čačepen ap mende har i plaashka, yaake har hidjrell i biyabeskro i shoukar stadi, oun leskri pirni shoukar verklia oun goustria.

1. Rajengro liil 19:10

Oun yob penas: “Tou, baro Devel oun ray pral o bolepen oun i phoub, me boudrom touke miro tselo djiyeha. Tire menshe Israel krenn bouder gar, hoy tou lentsa vin kral. I pre-čidde barra, kay touke firhe rhačedo van, dan le khetne, oun tire rakepangren maran le o rhareha. Oun me kokres ačom djido. Oun yon kamenn man ninna te marell.”