Jesaja 44:14 - O Debleskro Lab 2024 (Sinte-Manouche)

¹⁴ Yob čivas rouka an i phoub, oun o brishin moukas len bares te vell. Oun yob djal koy, te dell lo i cedertikro rouk trouyel, oder rodell vavar rouka vin, hoy van baro oun zorelo an o veesh.

O Debleskro Drom 2021 (Sinte)

¹⁴ Job tchiwas ruka an i phub, un o brishin mukas len bares te well. Un job djal koi, te dell lo i zedertikro ruk trujel, oder rodell wawar ruka win, hoi wan baro un sorelo an o weesh.

Jesaja 44:14 Referans Kwoze

Jesaja 40:20

Yek, kay hi čorvelo, rodell peske i kasht, hoy zorelo ačell, oun anell les pash i morsheste, kay hayvell mishto o kashteha te boudrell, te krell lo leske i figura, hoy gar trouyel perell.

Habakuk 2:19

Djungeles djal koleske, kay penell ap i kotar kasht: “Ste pre!”, oun penell ap ko moulo bar: “Ab djido!” Har nay penell i moulo devel touke, hoy te kress? Ninna te hi roup oun sonakay pral leste maklo, hi kek dourho an leste.

Hosea 4:12

Mire menshe poučenn pengre deblen oun vavar kashta, te penenn yon lenge, hoy te krenn le. Lengre djia nashenn i rhorhene deblenge palla. Har i loubni moukell peskro romes, nashan le mandar, pengro Deblestar, krik.

Jesaja 44:13

Oun ko boudepaskro, kay o kashteha boudrell, lell i kotar kasht, dikell pal, har baro kova hi, oun činell glan, hoy lo i čouryeha palle vin činell. Oun yob krell dran ko kasht i figura, te vell li tardo an i kheer. Koy figura dikell vin har i mensho, ava, har i shoukar mensho.

Jesaja 44:15

Ko kasht lell i mensho rhačepaske, oun yob lell les oun krell i yag, te vell leske tato, oun pekell maro koy pre. Oun ninna lell lo kava kasht oun krell i devel lestar, glan koleste vitsrell lo pes ap i phoub tele oun mangell les an.