Jesaja 42:8 - O Debleskro Lab 2024 (Sinte-Manouche)

⁸ Me hom o baro Devel, kova hi miro lab. Oun ko raylepen, hoy mange hi, dau me kek vavares, vitar gar dau i rhorhene deblen ko sharepen, hoy mange hi.

O Debleskro Drom 2021 (Sinte)

⁸ Me hom o baro Dewel, kowa hi miro lab. Un ko railepen, hoi mange hi, dau me kek wawares, witar gar dau i chochene deblen ko sharepen, hoi mange hi.

Jesaja 42:8 Referans Kwoze

Jesaja 48:11

Te rikrau man kanna pale, te dap t'men boudeder dava, palle krau les mange, ava miro labeske. Kamau gar, te vell miro lab praasedo. Kamau gar, te lell i vavar o sharepen, hoy mange hi.

Jesaja 43:11

Me kokres hom o baro Devel, oun dell kek vavar har me, kay nay lell t'men vin dran o merepen.

2. Mose 34:14

Mangenn kek vavar Debles an! Me, o baro Devel, kamau, te kamenn man kokres. Me kamau kokres te vap t'maro Devel.

Debleskri gili 83:18

An ladj oun traash ap lende hako tsireske, te merenn le an i ladj.

2. Mose 4:5

Oun o baro Devel penas: “Mose, kre kava glan i Israelitarya! Palle patsenn le ap toute, te moukom man me, o baro Devel, glan toute te dikell. Palle djinenn le, te hom me o Devel, koles lengre phoure, o Abraham, o Isaak oun o Yakob an-mangan.”

Johanni 5:23

te sharenn le halauter o čaves, yaake har sharenn le o dades. Koon o čaves gar sharella, kova sharella vitar gar o dades, kay bičras o čaves.

Johanni 8:58

Penas o Yezous ap lende: “Čačepah, me penau t'menge: O Abraham his gomme gar boldo, koy homs me koy.”

5. Mose 28:58

Oun o Mose penas doureder: Doleske denn yak, te djan ap o drom t'maro baro Deblestar! Oun rikrenn leskre tsele laba, hoy an kava liil dren činlo hi! Oun dikenn ap leste pre, ap t'maro rayeste, kay yaake baro koova krell, kay darenn i menshe lestar.

Debleskri gili 66:2

Givenn leske, te vell leskro lab hadedo! Rakrenn vin, har raylo yob hi!

Jesaja 43:3

Me, o baro Devel, hom tiro Devel. Me, o Israeleskro Devel lau tout vin dran o merepen. Me dau lenge o them Egiptia, te ginap tout vin. I themma Etiopia oun Seba dau koy pashel.

Daniel 5:4

Koy pashel sharan le i deblen dran sonakay, roup, lolo saster, vavar saster, kasht oun bar.

Jesaja 48:5

Doleske penom me kova t'menge glan i rah tsiro. Oun glan kova vas, moukom me les t'men te shounell, te nay penenn gar: “Miri debleskri figura kras kova, oun koy figura dran kasht oun saster, hoy an-mangom, kaya penas, te vell kova yaake.”

Jesaja 48:6

Kova lauter shounan t'mer, oun dikan, kova vas yaake har penom. Kamenn t'mer kova gar dren te dikell oun doureder te penell? Kanna moukau t'men nevo koova te shounell, čomone, hoy khatedo his, oun t'mer gar prindjrenn.

Jeremia 33:2

Kova penell o baro Devel, kay halauter krell oun moukell lauter te vell, hoy lo peske glan las. Baro Devel hi leskro lab.