Jesaja 41:8 - O Debleskro Lab 2024 (Sinte-Manouche)

⁸ Tou, Israel, hal miro boudepaskro, tou hal o Yakob, koles mange vin rodom, tou veh o Abrahamestar, kay miro maal hi.

O Debleskro Drom 2021 (Sinte)

⁸ Tu, Israel, hal miro budepaskro, tu hal o Jakob, koles mange win rodom, tu weh o Abrahamestar, kai miro maal hi.

Jesaja 41:8 Referans Kwoze

Jakobo 2:23

Kote vas čačo, hoy an o Debleskro lab činlo hi: O Abraham patsas o Debles. Doleske čivas les o Devel an o čačepen glan peste. Ninna i menshe penan lestar, kay hi yob o Debleskro maal.

2. Familjakro liil 20:7

Maro Devel hal tou, oun tradal kol tsele vavar menshen an kava them vin glan mende, tire menshende Israel. Oun dal kava them hako tsireske kol menshenge, kay van o Abrahamestar, kay tiro maal his.

5. Mose 14:2

T'mer han o baro Debleskre menshe. Yob hi t'maro Devel. T'men rodas lo vin dran i tsele themma ap i phoub, te venn i natsyona, hoy leske hi.

Jesaja 51:2

ap o Abraham, t'maro phouro dad oun ap i Sara, t'mari phouri day! Len his kek čave, har dom o Abrahames gole. Oun me čivom miri barht oun zoor ap lende oun dom len boud čaven.

Jesaja 44:21

Ma biste kova, Yakob! Tou, Israel, hal miro boudepaskro. Me krom tout, tou hal miro boudepaskro. Israel, me bistrau tout gar.

Jesaja 29:22

O baro Devel, kay o Abrahames vin las dran peskro phouro djipen, kova penell pral o Yakobeskro kheer: Kanna hounte ladjell pes o Yakob bouder gar, oun leskro mouy hounte vell gar bouder parno.

Debleskri gili 33:12

Barhtele hi kol menshe, kolengro Devel o baro Devel hi, kol menshe, kay yob peske vi-rodas, te venn le leskre menshe.

Jesaja 43:1

Kanna penell o baro Devel, kova, kay t'menge, o Yakobeskre čavenge, o djipen das, oun toutar, Israel, i natsyona kras: Ma dare! Me ginom tout vin! Me dom tout pash tiro lab gole, te vess mange.

Debleskri gili 135:4

O baro Devel rodas peske o Yakobeskre menshen vin, ava, o Israel las lo, te vell lo leskro.

Jeremia 33:24

Shounal tou, hoy kal menshe rakran: “I menshe dran kol douy khera, dran o kheer Youda oun dran o kheer Israel, kolen o baro Devel peske vin rodas, kolendar kamell lo bouder či te djinell.” Oun yon dikenn tele ap mire menshende. An lengre yaka hi yon bouder kek natsyona.

Jesaja 48:12

Shoun ap mande, Yakob, tou, kay kharedo veh Israel! Tou hal kova, koles gole dom! Me kokres hom o Devel, oun ačau kova, kay homs oun hom.

Mateo 3:9

Ma penenn: O Abraham hi maro dad! Me penau t'menge: O Devel nay krell dran kal barra o Abrahameskre čaven.

Jesaja 63:16

Tou hal maro dad. O Abraham djinell či mendar, oun o Yakob prindjrell men gar. Tou, baro Devel, hal maro dad, kova kay men vin las dran o them Egiptia. Glan rah tsiro kral tou touke koleha i baro lab.

Jesaja 49:3

Oun yob penas ap mande: Miro boudepaskro hal tou, Israel, ap toute sikrau miro raylepen.

5. Mose 10:15

T'mare phouren kamas lo o djiyestar. Oun t'mer, kay lendar van, rodas lo peske vin mank i menshende dran an i tsele vavar themma. Oun ninna kava dives han t'mer leskre vi-rodede menshe.

3. Mose 25:42

I tsele Israelitarya hi mire boudepangre, kolen me dran o them Egiptia vin anom. Yon nay venn gar bikedo, te venn le ginle boudepangre.

Galatarja 3:19

Hoske hi o Moseskre laba koy? O Devel das len mende, te dikas mer, har baro maro čilačepen hi. O Moseskre laba ačan tardo yaake rah, bis te vas o Abrahameskro čavo, ko yek, konestar o Devel penas, te vell yob. I bolepangre anan kol laba o Moseske. Kova his tardo mank i menshende oun o Debleste. Oun o Mose das kol laba i menshende.

Debleskri gili 136:22

Te vell les i Israelenge, kay leskre boudepangre hi. Leskro lačepen ačella hako tsireske!

Jesaja 14:1

O baro Devel krell peskro dji peskre menshenge pre. Oun pale rodell lo peske i Israelitaryen vin, oun moukell len an pengro them te djivell. Oun vi-themarya venna oun djivenna khetne lentsa.

Jesaja 42:1

O baro Devel penell: Ake, miro boudepaskro; les hi miro vast. Me rikrau les, oun rodom les mange vin, oun hom barhtelo pral leste. Miro dourho čivom ap leste, te anell lo miro čačepen pash i menshende an i tsele themma.

Jesaja 42:19

Kek hi yaake korelo har tou, miro boudepaskro Israel, kek yaake kashteno har tou, miro bičepaskro, oun kek yaake korelo har tou, miro vi-rodedo boudepaskro, kay mange koy hounte vals.

Jesaja 43:5

Ma dare! Me hom touha! Me anau kolen, kay toutar hi, khere dran i themma, kay kote hi, kay o kham pre djal, oun kay o kham tele djal.

Jesaja 43:10

O baro Devel penell: Mire menshe, t'mer han kolla, kay djinenn, hoy me krom; oun t'mer han kolla, kay mange vi-rodom, te venn mange koy. Kanna djinenn t'mer oun patsenn oun hayvenn, te hom me o čačo Devel. Glan mande vas kek vavar devel, oun pal mande vell vitar kek vavar devel.

Jesaja 45:4

Me krom tiro lab bares, ninna te prindjral man gar, oun dom tout gole tiro labeha. Kova krom o Yakobeske, kay mange koy hi, ava, o Israeleske, koles mange vin rodom.

Maleachi 1:2

“Me kamau t'men o djiyestar”, penell o baro Devel. T'mer penenn mange koy pre pale: “Har dikah mer kova, kay tou kameh men?” “Hi gar o Esau oun o Yakob phrala?” penell o baro Devel. “Oun me kamau o Yakobes,

Debleskri gili 136:21

Oun das lengro them peskre menshende. Leskro lačepen ačella hako tsireske!