Jesaja 40:18 - O Debleskro Lab 2024 (Sinte-Manouche)

¹⁸ Koon hi har o Devel? Hi čomone yaake har yob?

O Debleskro Drom 2021 (Sinte)

¹⁸ Koon hi har o Dewel? Hi tchomone jaake har job?

Jesaja 40:18 Referans Kwoze

Jesaja 46:5

Konestar nay penenn t'mer: “Kova hi yaake har o Devel?” Kek hi yaake har me! Ap koneste nay penenn: “Tou oun o baro Devel, t'mer han yek har o vavar?” Kekestar nay penenn kova.

1. Samuel 2:2

Kek hi yaake baro oun čačo har o baro Devel. Dell kek vavar Devel har yob. Ap kekeste nay rikrah men har ap maro Debleste.

2. Mose 15:11

Kek hi yaake har tou, o baro Devel. Kek hi yaake har tou mank lauterende, kay kharenn pen Devel! Tou hal o čačo Devel, oun kek vavar hi yaake zorelo har tou! Tou kral dareno koova, hoy kek vavar nay krella.

Bičepangre 17:29

Mer te vah o Deblestar, palle hi kova dinlepen, te patsenn t'mer, kay hatsenn o Debles an kova, hoy t'mer t'mare vastentsa kran dran sonakay, roup oun barra.

Jesaja 40:25

“Koon hi yaake har me”, poučell o čačo Devel, te nay penenn t'mer: “O baro Devel hi yaake har kova?”

Jeremia 10:6

Baro Devel, kek hi har tou hal! Tou hal baro oun zorelo! Oun tiri bari zoor dikan i menshe.

Debleskri gili 89:6

Baro Devel, o bolepen sharell, hoy tou an tiri zoor lauter kral, I bolepangre sharenn, har hako tsiro pash tire menshende rikral.

Hiob 40:9

Hi tout savi bari zoor har man? Nay rakreh tou savi zoryah har me?

Micha 7:18

Kek Devel hi har tou, kay lell o čilačepen krik, hoy mer kram, oun kay bistrell koy doosh, hoy anam ap mende – mer, kay tire menshendar pral ačam. Tou ačeh gar rhoyedo pral mende hako tsiro, oun kreh tiro dji pre menge.

Debleskri gili 89:8

Kote, kay i bolepangre khetne venn, o Deblestar yon darenn. Kolla lauter, kay hi troul leste, hi dareno tardo glan o baro Debleste.

2. Mose 9:14

Te shouneh tou kava kopo pale gar, palle kamau me i djoungleder bibarht pral toute oun tire pralstunende oun pral tire tsele menshende te bičrell, te dikess oun hayvess, te hi kek ap kay phoub yaake har me.

2. Mose 8:10

Oun yon čoran kol boud djambe khetne. Oun o tselo them khandas lendar.

5. Mose 33:26

Israel, kek devel hi har tiro Devel. Pherdo raylepen hi lo beshdo ap volke oun djal pral o bolepen, te vell lo ap tiri rig.

2. Mose 20:4

Oun tou kress touke kek devel, hoy vi-dikell har čomone an o bolepen, vitar gar har čomone ap i phoub oun vitar gar har čomone an o baro pani.

Jesaja 46:9

Moukenn t'menge an o shero te djal, har an o phouro tsiro his: Me hom o Devel, oun dell kek vavar har man. Kek hi yaake har me!

Debleskri gili 113:5

Koon an o bolepen oun ap i phoub hi yaake har maro baro Devel?

Hebrearja 1:3

O Debleskro čavo hi raylo oun baro har o Devel. Oun kova, hoy hi o Debles an o dji, hi ninna o čaves an o dji. Dran leskro zorelo lab rikrell lo lauter khetne, hoy yob kras. O Debleskro čavo las mari doosh oun maro čilačepen mendar, oun yob beshas pes ap i čači rig o baro Deblestar an o bolepen.

Kolossarja 1:15

Kek nay dikell o Debles. Har leskro čavo ap i phoub vas, sikras yob har o Devel hi. O Yezous Kristo hi yaake har peskro dad. Oun yob hi bareder har lauter, hoy kerdo vas.

Jeremia 10:16

Har vavarčandes hi ko Devel, koles o Yakobeskre čave an-mangenna! Yob hi kova, kay kras halauter. Oun i Israelitarya hi leskre menshe. Yob kharell: o baro Devel, ko ray pral o bolepen oun i phoub.

5. Mose 4:15

Yaake denn yak, te bistrenn gar: Ap ko dives, har o baro Devel pash i berga Horeb, dran i yag vin t'mentsa rakras, dikan t'mer les gar.

Debleskri gili 89:7

Koon an o bolepen hi yaake har tou, maro baro Devel? Havo Devel nay vell yaake har maro baro Devel?

Jesaja 44:6

O baro Devel, ko ray pral o Israel, kay ginas les vin dran i čilače vasta, – yob, kay hi o ray pral o bolepen oun i phoub, penell: Me hom o glanstouno oun me hom o palstouno, oun dell kek vavar debles har man kokres.

Jeremia 10:1

T'mer Israelitarya, shounenn, hoy o baro Devel t'menge penella!