Jesaja 38:14 - O Debleskro Lab 2024 (Sinte-Manouche)

¹⁴ An miri gole hi kek zoor. Har i čirklengri gole shounell pes miri gole an, oun har te rovals i tauba. Mire yaka hi khino, yaake rah dikom ap toute pre. Miro ray, hom an o merepen! Ab tou ap miri rig!

O Debleskro Drom 2021 (Sinte)

¹⁴ An miri gole hi kek soor. Har i tchirklengri gole shunell pes miri gole an, un har te rowals i tauba. Mire jaka hi khino, jaake rah dikom ap tute pre. Miro rai, hom an o merepen! Ab tu ap miri rig!

Jesaja 38:14 Referans Kwoze

Jesaja 59:11

Har pandle divye firhe dah gole i doukatar, oun rovah har i taube. Mare djia nashenn pal ko dives, kay vell menge o Devel ap i rig, oun lell men vin dran i čilače vasta. Yob vell gar, oun či djala.

Debleskri gili 69:3

Me tassau an sapeni čik, mire herya hatsenn kek phoub, kay yon nay tardo ačans. Hom an pani, hoy dour tele djal. Oun zorele panya kamenn man tele te tserdell.

Nahum 2:7

Kol voudya pash i panya venn pre kerdo. Oun i daar taprell halauteren an o baro rayeskro kheer.

Ezekiel 7:16

Oun kolla, kay nay nashenn penge, djivenn ap i berge har darene taube mank i bare barra, oun rovenn pral pengri doosh.

Hiob 30:29

Miri gole hi har i gole i divye djouklendar oun kol bare čirklendar, kay kharenn autruches.

Ropaskre gilja 4:17

Pale te pale dikan mare yaka pen trouyel pal yekeste, kay menge ap i rig vell. Oun kek vas. Ko them, ap koleste dikam, nay las men gar dran i bibarht vin.

Debleskri gili 143:7

Baro Devel, shoun man sik! Man hi bouder kek zoor. Ma khate tout mandar, te vap gar har kolla, kay hounte merenn.

Debleskri gili 119:82

Me dikau mange i yaka vin pal kova, hoy tou mange penal. Kaana veh tou, oun khosseh mange i sva tele?

Hiob 17:3

Hi yaake, har te voms an o stilepen. Mangau tout, playse tou kol love, te vap vin lino! Man hi kek vavar, kay mange mishto rakrell.

Hebrearja 7:22

Yaake vas o Yezous kova, kay nay anell men čačepah pash o Debleste. Kova nay kras o Mose gar.

Debleskri gili 55:2

Miro Devel, shoun miro mangepen! Me rovau ap toute. Ma khate tout mandar!

Nahum 2:8

Koy rani vell pandles krik anlo. Lakre djouvyengre boudepangre rovenn har i taube, oun denn penge ap pengro beč.