Jesaja 38:13 - O Debleskro Lab 2024 (Sinte-Manouche)

¹³ I tseli rati rovau i doukatar, hoy yaake hi, har te phagals i levo mire kokale. Dives oun rati moukeh tou man te hayvell, te hi mantsa trouyel.

O Debleskro Drom 2021 (Sinte)

¹³ I tseli rati rowau i dukatar, hoi jaake hi, har te phagals i lewo mire kokale. Diwes un rati mukeh tu man te haiwell, te hi mantsa trujel.

Jesaja 38:13 Referans Kwoze

Daniel 6:24

Kote stas o baro rayeskro dji i barhtyatar. Oun yob penas, te lenn le o Danieles vin dran koy grouba. Oun o Daniel vas vin lino, oun kek doukepen vas ap leste hatslo, doleske kay rikras yob zoreles ap peskro Debleste.

Debleskri gili 51:8

Tou rodeh o čačepen an o mensheskro dji. An miro dji sikreh tou, har te vap gosevo.

Hosea 5:14

Me hom o themeske Efrayim har i levo, oun o khereske Youda har i terno levo. Me dandrau len an kotya, oun djau mange. Me hidjrau len krik, oun kek nay lell len dran miro vast vin.

Debleskri gili 50:22

T'mer, kay kamenn či mandar te djinell, hayvenn, hoy penom, te vap gar oun dap t'men, oun kek hi koy, kay lell t'men vin dran miro vast.

Debleskri gili 39:10

Me penau bouder či. Miro mouy ačell pandlo. Toutar vell kova, hoy pral mande vas.

1. Rajengro liil 20:36

Kote penas o ersto ap leste: “Tou kral gar, hoy o baro Devel penas, doleske djin, yaake sik har djah mandar, vell i levo oun marell tout.” Oun yob djas lestar krik, oun i levo vas oun maras les.

Debleskri gili 7:2

Baro Devel, tou hal miro Devel, pash toute khatrau man. Le man vin dran i vasta kolendar, kay man palla lenna! Te veh tou gar ap miri rig,

Debleskri gili 32:4

Miro Devel, dives oun rati his tiro vast phares ap mande čiddo, oun miri djipaskri zoor djas yaake peske mandar, har o zenlepen peskri zoor nashrella an o tato niyal.

Ropaskre gilja 3:4

Yob kras miro mass oun miri hauta phoures, oun mire kokale phagas lo an mande khetne.

Hiob 7:6

Mire divessa djan trouyel yaake sik har i soub, hoy pre oun tele djal. Oun kova hoy gomme glan mande hi, nay vell či, hoy shoukar hi.

Debleskri gili 90:5

Har i lengsto pani sik doureder nashell, yaake moukeh mare divessa doureder te nashell. Maro djipen hi tikno har i sopen. Mer ham har i zenlepen, hoy taysarlakro dran i phoub vell,