Jesaja 36:22 - O Debleskro Lab 2024 (Sinte-Manouche)

²² Oun kol triin pralstoune, kolen o Hiskiya bičras, o Elyakim, ko pralstouno pral leskro kheer, koleskro dad o Hilkiya hi, oun o Shebna, kay činas i lila, oun o moskro Yoa, koleskro dad o Asaf hi, yon kran pengre koola paash i doukatar oun djan pash o Hiskiya oun penan leske kol laba, kay ko pralstouno dran o them Assour ap lende penas.

O Debleskro Drom 2021 (Sinte)

²² Un kol triin pralstune, kolen o Hiskija bitchras, o Eljakim, ko pralstuno pral leskro kheer, koleskro dad o Hilkija hi, un o Shebna, kai tchinas i lila, un o moskro Joach, koleskro dad o Asaf hi, jon kran pengre koola paash i dukatar un djan pash o Hiskija un penan leske kol laba, kai ko pralstuno dran o them Assur ap lende penas.

Jesaja 36:22 Referans Kwoze

Jesaja 36:3

Koy van pash leste kol triin morsha: o pralstouno pral o rayeskro kheer, o Elyakim, leskro dad hi o Hilkiya, oun o Shebna, kova kay činell i lila, oun o moskro Yoa, koleskro dad o Asaf hi.

Jesaja 33:7

Shounenn, zorele morsha denn bari gole, oun kol bičepangre, kay bičedo van, te penenn le, te hi o kourepen vin, kolla rovenn zoreles.

Mateo 26:65

Koy kras o baro rashay peskro ripen paash, te sikrell lo peskri rholi, oun penas ap i vavar pralstunende: “Yob krell pes har o Devel. T'mer shounan les. Kek hounte penell menge boudeder.

Jesaja 36:11

Kote penas o Elyakim oun o Shebna oun o Yoa ap ko pralstuneste, kay pash lende bičedo vas: “Mo ray, rake mentsa aramtikes! Mer nay hayvah ko rakepen. Oun ma rake mentsa hebretikes, te shounenn kova i menshe gar, kay kate ap i massouri tarde hi.”

Esra 9:3

Har kova shounom, krom miri baya oun miro gad paash, oun tserdom mange miro baal dran o shero oun dran o čor, oun beshom man koy, oun homs beshdo har moulo i doukatar.

2. Rajengro liil 5:7

Oun har o baro ray pral Israel ko liil draveras, tserdas yob i koola pestar tele oun penas: “Hom me o Devel, kay nay marau oun krau djido? O baro ray pral Syria bičrell kava morshes pash mande, te krap les sasto oun lap ko nasslepen ap leskro mass lestar krik. T'mer dikenn, har rodell yob čingepen mantsa!”

2. Rajengro liil 18:18

Kote moukan le o baro rayes te kharell. Oun o Hiskiya bičras pash lende triin morshen: o pralstounes pral peskro kheer, o Elyakim, leskro dad hi o Hilkiya, oun o Shebna, kova kay činell i lila, oun o moskro Yoa, koleskro dad o Asaf hi.

Jesaja 22:15

Yaake rakras o baro Devel, o ray pral o bolepen oun i phoub, ap mande: Dja pash ko pralstouno boudepaskro pral o baro rayeskro kheer, pash o Shebna, oun pen ap leste:

Jesaja 22:20

An ko tsiro dau miro boudepaskres, o Elyakimes gole, koleskro dad o Hilkiya hi.

Jeremia 36:24

Kek kolendar, kay shounan kol laba, las traash oun sikras, kay kol laba leske an o dji djan, gar o baro ray oun vitar gar kol pralstoune pash leste.

Jesaja 29:2

Me anau yaake boud traash ap o foro Ariel, te denn t'mer bari gole, oun denn i vasta khetne pral o shero. Oun palle vell o foro i čačo rhačepaskro bob mange.