Jesaja 34:11 - O Debleskro Lab 2024 (Sinte-Manouche)

¹¹ I ratsyakre čirkle oun i moulengre čirkle djivenn kote. Oun massengre čirkle oun korake hi kote khere. Oun o baro Devel dell o themeske peskre rigya, mashkral lende ačell o them moulo oun mouklo.

O Debleskro Drom 2021 (Sinte)

¹¹ I ratsjakre tchirkle un i mulengre tchirkle djiwenn kote. Un massengre tchirkle un korake hi kote khere. Un o baro Dewel dell o themeske peskre rigja, mashkral lende atchell o them mulo un muklo.

Jesaja 34:11 Referans Kwoze

Ropaskre gilja 2:8

O baro Devel las peske zoreles glan, te phagell lo i massurya o forestar Yerusalem tele, oun tserdas i dori pral lende, te dikell lo pal, har boud tele phagedo vella, oun las peskro vast gar krik, bis kek bar ap o vavar ačas. I massurya oun turme hi ropah čiddo ap i phoub, oun len hi bouder kek zoor.

2. Rajengro liil 21:13

Oun me kamau ko emligo koova ap o foro Yerusalem te krell, har krom ap o foro Samaria. Oun dau o fores savi phagi har čivom ap o kheer Ahab. Oun kamau i menshen dran o foro Yerusalem vin thovell, yaake har čare vin thode venna, oun ap o shero čiddo venn.

Zefanja 2:14

Boud firhe djivenn koy dren, ninna divye firhe hi kote khere. Ratsyakre čirkle djivenn mank i tele phagede turme. O mouleskro čirklo dell gole dran i vorhni. Oun o korako dell gole glan o voudar. Ko shoukar kasht i kherendar hi tele phagedo.

Debleskro tsiro 18:2

Oun yob das zoreles oun bares gole: “O foro peras khetne! O baro foro Babilon peras khetne! Kanna djivenn kote i benga. Kote khatrenn pen kol čirkle oun vavar firhe, kay pale-čiddo hi, oun i menshe darenn lendar.

Jesaja 14:23

Me krau dran o foro i sapeni platsa, kay i starhelengre djivenn. Oun khossau o tselo foro krik, har yek i besa lell oun o kheer vin khossell. Kova penau me, o baro Devel, ko ray pral o bolepen oun i phoub.

2. Samuel 8:2

Yob das ninna kol Moabarya oun penas, te čivenn le pen ap i phoub. Oun douy i trinendar kras lo moulo, oun yek i trinendar moukas lo djido. Yaake vas o Davides penepaske pral kol Moabende. Oun yon hounte dan les roup oun sonakay.

Jesaja 24:10

Tele phagedo oun khetne stakedo hi o foro, hako kheer hi tele pandlo, te nay vell kek dren.

Debleskri gili 102:6

Me hom yaake sano, kay nay dikeh i kokale, yaake boud rovau oun dau gole.

Jesaja 34:17

Oun yob das len ko them, hakenes peskro kotar; oun hakenes hi peskri platsa, kay lo khere hi, te djivenn yon oun pengre čave an ko them hako tsireske, yaake rah, har save lendar koy hi.

Amos 7:8

Oun o baro Devel poučas mandar: “Hoy dikeh, Amos?” Me penom: “I dori, kay i blayo pre-pandlo hi.” Koy penas lo: “Dik, me čivau i dori, kay i blayo pre-pandlo hi, mank mire menshende Israel, te sikrap, kay hi le har i bangi massouri. Yon khaytenn man kanna bouder gar.

3. Mose 11:16

ninna i straussetikre karhya oun i moulengre čirkle, panyeskre meve, oun o habichto oun hake čirkle dran leskri familya;