Jesaja 34:1 - O Debleskro Lab 2024 (Sinte-Manouche)

¹ Avenn kay, t'mer menshe dran vavar themma, oun shounenn! Denn yak ap hako lab! I tseli phoub oun lauter, hoy ap late djivell, mou shounell, hoy penau.

O Debleskro Drom 2021 (Sinte)

¹ Awenn kai, tumer menshe dran wawar themma, un shunenn! Denn jak ap hako lab! I tseli phub un lauter, hoi ap late djiwell, mu shunell, hoi penau.

Jesaja 34:1 Referans Kwoze

1. Korintarja 10:26

Djinenn, i phoub oun lauter, hoy koy pre hi, hi o Debleskro.

Jesaja 43:9

I menshe dran i tsele themma van khetne. Kek kolendar penas glan-vi, hoy an o phouro tsiro vas. Kek kolendar penas menge glan-vi, hoy kanna vell. Mou sikrenn le men, koon lendar čomone glan-vi penas, hoy čačepah yaake vas, te shounas mer kova oun nay penah: Kava hi čačo!

Jesaja 41:1

O Devel penell ap i menshende an dour themma: Ačenn, oun shounenn ap mande! Ava, ap kolende an vavar themma penell lo: Lenn t'men khetne oun avenn pash mande! Palle nay rakrenn. Moukenn men khetne o čačepen vin te krell!

Jesaja 1:2

Tou, o bolepen, oun tou, i phoub, shounenn, hoy me, o baro Devel, penau: Me tserdom čaven bares. Oun har yon baro van, phagan le mantsa.

Jeremia 22:29

T'mer menshe an kava them, shounenn! Shounenn mishto! Shounenn o baro Debleskro rakepen:

Jesaja 33:13

T'mer, kay dour krik han, oun t'mer kay gar yaake dour han, shounenn, hoy me krom oun hayvenn havi zoor man hi!

5. Mose 32:1

Tou bolepen, shoun, hoy penau! Tou phoub, de yak ap i laba, hoy venna dran miro mouy!

Debleskro tsiro 2:7

Shounenn halauter mishto, hoy o Debleskro Dourho penella ap i patslende! Kova, kay zoreles an o patsepen ačas, oun gar pre das, koles dau te rhal ko roukestar, hoy o djipen della, kova, hoy tardo hi an o Debleskri shoukar baar.”

Jesaja 49:1

Shounenn ap mande, t'mer kay pash o baro pani djivenn! Denn yak ap miro rakepen, t'mer an i themma, hoy dour krik hi! Har gomme gar boldo vom, das man o baro Devel gole, oun das man miro lab.

Jesaja 18:3

Denn yak, t'mer menshe, kay ap i phoub djivenn, te rikrell yek o themeskri plarhta pre pral ap i berge, palle denn yak! Oun te phourdell yek an i phourdepaskri, palle shounenn koy!

Debleskri gili 96:10

Penenn i tsele menshenge: O baro Devel hi o baro ray. Yob kras i phoub, te vell li zoreles tardo. Yob hi o čačepaskro ray pral i tsele themma oun djal pal o čačepen.

Debleskri gili 50:1

I gili o Asafestar. O Devel rakrell, o baro oun zorelo Devel dell i menshen ap i tseli phoub gole, kotar, kay o kham pre djas bis kote, kay lo tele djal.

Debleskri gili 24:1

I gili o Davidestar. O baro Debleske hi i phoub oun lauter, hoy koy pre hi, ava, i tseli phoub oun kolla, kay kote djivenna.

Čačepangre 5:31

Maro baro Devel, yaake hounte merenn lauter, hoy tout gar kamenna. Kolla, kay kamenn tout o tselo djiyestar, yon te venna raylo har o kham, har djal lo pre an peskri zoor! Oun pal kova his an o them 40 (star-deesh) bersha kek kourepen.

Čačepangre 5:3

Shounenn, t'mer bare raya! Denn yak, t'mer pralstoune, me givau oun bashrau o baro Debleske, – o Debleske pral o Israel.

5. Mose 4:26

Kava dives dau man sovel glan o bolepen oun i phoub, te krenn t'mer savo koova, djivenn gar rah an o them, hoy t'mer dren lenna vergel o pani Yordan. Kokres i tikno tsiro ačenn t'mer koy. Palle venn t'mer lauter krik tradedo.

1. Mose 6:13

Doleske penas o Devel ap o Noah: “Kolla, kay djivenn ap i phoub, kran, te vas i phoub pherdo čilačepen oun midjak koova. Kamau gar, te djivenn le doureder. Ava, me krau, te merenn i tsele menshe oun halauter, hoy ap i phoub hi.

Jesaja 48:16

Stakrenn glan mande, oun shounenn kava! Glan i rah tsiro penom t'menge, hoy vella. Kova penom gar an i khatepen. Har kova vas, homs koy. Oun kanna bičras man o baro Devel, maro ray, oun das man peskro dourho.

Ezekiel 38:17

Kava penell o baro Devel, maro ray, ap toute: Tou hal ko morsh, kolestar moukom mire rakepangren glan i rah tsiro te rakrell, kolla, kay kran, hoy lenge penom. An lengro tsiro penan le i Israelenge glan-vi, te moukau tout pral lende te vell.

Obadja 1:1

Kova hi, hoy o Obadya dikas. Kava penell o baro Devel, maro ray, pral o them Edom: O baro Devel bičras peskro bičepaskres pash i menshende an vavar themma. Oun mer shounam, har yob penas: Stenn pre! Mer djas an o kourepen oun kouras men i menshentsa an o them Edom!

Jesaja 63:1

Koon hi kova, kay vell dran o them Edom dran o foro Bozra, rido an lole koola? Koon hi kova, kay hi yaake rayles rido, oun kay nashell rayles an peskri bari zoor. Kova hom me, o baro Devel, kay rakrell an o čačepen: Man hi i zoor, te lap t'men dran o merepen vin.

Jeremia 49:7

Laba pral i Edomarya. Kava penell o baro Devel, ko ray pral o bolepen oun i phoub: Hi kanna bouder kek gosvepen an o foro Teman? Djinenn i goseve bouder gar, hoy te krenn le? Tserdas pes o gosvepen lendar krik?