Jesaja 33:11 - O Debleskro Lab 2024 (Sinte-Manouche)

¹¹ Hoy t'menge an o shero trouyel djal, hi phouss. Hoy koy pashel vin vell, hi khass. T'mari rholi hi har i yag, hoy t'men kokres pre rhal.

O Debleskro Drom 2021 (Sinte)

¹¹ Hoi tumenge an o shero trujel djal, hi phuss. Hoi koi pashel win well, hi khass. Tumari choli hi har i jag, hoi tumen kokres pre chal.

Jesaja 33:11 Referans Kwoze

Jesaja 59:4

Kekeske t'mendar, kay djal glan o čačepaskro morsheste, djal troul o čačepen. Oun kek, kay anell čomone ap i vavareste pre, penell o čačepen. Pash t'mende hi yaake: Ap kova, hoy či moldo hi, rikrenn t'men, oun rakrenn o rhorhepen. Kova, hoy an t'mare sherya trouyel djal, hi har nay rhorhenn oun doukrenn i vavaren. Ko čilačo koova, hoy vin vell, anell o merepen,

Debleskri gili 7:14

Dik, peskro merepaskro rharo oun i fayle, hoy rhačenna, hadas lo pre, te dell lo karye!

Jakobo 1:15

Te shounah ap maro shero, krah mer ko čilačo koova. Oun te vas ko čilačo koova baro, anell kova menge o merepen.

Bičepangre 5:4

Tou nay rikrals tiro kotar phoub. Oun har bikral les, nay rikrals kol love ninna. Har nay kral tou savo koova? Tou rhorhral gar i menshen. Tou rhorhral o Debles.”

Jesaja 26:18

Har savi djouvel hams an bari douk. Mare douka his čičeske oun anan menge či. Maro them nay lam gar vin dran i vasta i čilačendar. Mer vam gar i zorleder pral lende.

Jesaja 17:13

Ava, har bare divye panya venn le sik. Koy čingrell o Devel ap lende, oun yon nashenn penge, oun venn tradedo har o phouss, hoy phourdell i zorelo dourho pral o them, oun har patria, hoy phourdell lo trouyel.

Jesaja 5:24

Doleske merenn le tele har o zenlepen, koleskre draba nasselo hi, oun koleskri blouma tele perell, oun har o khass, pral koleste i yag djal oun les pre rhačrell. Yon kaman gar te djal o drom o baro Deblestar, kay hi o ray pral o bolepen oun i phoub. Oun i labendar lengro lačo Deblestar kaman le či te djinell.

Jesaja 1:31

Oun ko morsh, hoy zorelo his har i rouk, vell har moulo kasht. Oun ko zorelo koova, hoy lo kras, vell har i yag, hoy ko moulo kasht pre rhačell. Yaake djal lauter an i yag pre, oun kek nay krell koy yag vin.

Debleskri gili 2:1

I menshe an i vavar themma hi divyo. Hoy kamenn le? Yon hadenn pen pral o baro Debleste! Hoske? Hoy le krenn, hi čičeske!

Hiob 15:35

An lengre sherya hi midjak koova. Pral pende oun i vavarende anenn le bibarht. Oun lengre djia hi pherdo phoukepen.

Debleskri gili 7:15

Les hi čilačepen an o shero, oun midjak koova an o dji. Oun dran leste vell rhorhepen.

Jesaja 9:17

O menshengro čilačepen hi har i yag, hoy rhal troul peste, oun rhačrell soubyengre bourra oun soubyengro zenlepen, oun ninna o tselo veesh. Oun pesso kalo yagakro dourho djal kote pre.