Jesaja 32:3 - O Debleskro Lab 2024 (Sinte-Manouche)

³ Palle nay dikenn halauter pale mishto. Oun kolla, kay nay shounenn, krenn pengre kanda pre.

O Debleskro Drom 2021 (Sinte)

³ Palle nai dikenn halauter pale mishto. Un kolla, kai nai shunenn, krenn pengre kanda pre.

Jesaja 32:3 Referans Kwoze

Jesaja 29:18

Ap ko dives shounenn kolla, kay nay shounenn gar, i laba dran i liil. Oun i korele nay dikenn oun djivenn bouder gar an o kalepen oun an i rat.

2. Korintarja 4:6

An o phouro tsiro, kay his halauter kali rat, penas o Devel, te vell dives. Oun koy vas dives. Yaake kras lo ninna mare djia pre, te ačas gar tamlo an mare djia, te hayvas mer o Debleskro raylepen. Kova dikah, te dikah ap o Yezous Kristeste.

Bičepangre 26:18

Tou kress lenge i yaka pre, te venn yon dran o tamlepen pash i momeli, te less len dran o bengeskro vast vin, oun te aness len pash o Debleste. Te patsenn le ap mande, palle lell o Devel lengri doosh lendar krik. Oun yon venn o Debleskre čave, oun djivenn leha an o bolepen khetne lauterentsa, kay Debleskre čave hi.

Markus 7:37

Oun kolenge, kay kova shounan, ačas o rakepen krik, oun yon penan: “O Yezous kras lauter mishto. Kolen, kay nashte shounenn gar, krell lo, te shounenn le. Oun kolen, kay rakrenn nashte gar, krell lo, te rakrenn le.”

Jesaja 54:13

O baro Devel sikrell peskro drom tire tsele čavende, oun lenge djal mishto.

Jesaja 29:24

Oun kolla, hoy či hayvan, hayvenn palle, hoy mishto oun gar mishto hi. Oun kolla, kay moukenn pen či te penell, lenn kova an, hoy lenge siklo vell.

Mateo 13:11

Penas lo ap lende: O Devel moukell t'men te hayvell, har kote djal, kay dell lo menshen pash peste gole, te djan le ap leskro drom. I vavar menshe hayvenn kova gar.

Jeremia 31:34

Kek hounte penell ap o vavareste: Tou prindjress o baro Debles. Halauter djinenn, koon me hom, i tikne oun i bare. Kova penau me, o baro Devel. Me bistrau koy doosh, hoy le ap pende anan, oun lengro čilačepen vell bouder gar an miro shero.

Jesaja 30:26

An ko tsiro, kay pandell o baro Devel i pandepen troul o doukepen peskre menshendar, hoy yob len das, oun krell lengro nasselo oun ratlo mass pale sasto, hi o čon yaake zorelo har o kham. Oun o kham hi efta kope zorleder har kanna.

Jesaja 42:16

Mire menshen, kay hi har korele, sikrau i drom, kolestar yon či djinenn. Oun anau len ap dromma, kolendar yon či shounan. Yon djivenn har an kali rat, oun me lau o tamlepen glan lende krik. Oun kol barra, hoy ap lengro drom čiddo hi, lau krik. Kava krau lenge, oun moukau len gar.