Biblia Todo Logo
Bib sou entènèt

- Piblisite -




Jesaja 32:13 - O Debleskro Lab 2024 (Sinte-Manouche)

13 Ap i harhetikri phoub mire menshendar venn soubyengre bourra oun soubyengro zenlepen baro. Rovenn ninna troul i khera, kay pherdo sapen his an ko barhtelo foro.

Gade chapit la Kopi

O Debleskro Drom 2021 (Sinte)

13 Ap i hachetikri phub mire menshendar wenn subjengre burra un subjengro senlepen baro. Rowenn ninna trul i khera, kai pherdo sapen his an ko bachtelo foro.

Gade chapit la Kopi




Jesaja 32:13
20 Referans Kwoze  

O foro hi pherdi gole oun pherde barhtele menshe, kay divyes trouyel nashenn. Kek t'mare lourdendar, kay moules ap o drom čiddo hi, vas moulo dino o rhareha. Yon meran gar an o kourepen.


Dran t'maro them, hoy paash kerdo hi, hounte djan t'menge krik. O them Egiptia lell t'men pash peste pre, oun an o foro Memfis venn t'mer paskedo. Kote, kay kanna t'maro kouč roup hi, vell soubyengro zenlepen baro, oun soubyengre bourra venn baro an t'mare khera.


Oun an i rayengre khera djan i soubyengre bourra pre, oun ap i barrengre massourya vell soubyengro zenlepen baro. I divye djoukle djivenn kote, oun bare divye čirkle hi kote khere.


Oun an ko tsiro vell yaake: Kote, kay kanna i seri drakengre rouka tardo hi, hoy khetne yek zero roupene beme moldo hi, kote hi palle soubyengre bourra oun soubyengro zenlepen tardo.


Khetne dine venn i moulne platse, kay i Israelitarya i rhorhene deblen an-mangan, oun o baro Deblestar tele peran. Soubyengro zenlepen oun soubyengre bourra venn bares ap lengre altare. Oun yon penenna: T'mer bare oun tikne berge, perenn pral mende, oun čakrenn men!


Kol lourde dran Babilonia rhačran o baro rayeskro kheer oun kol tsele menshengre khera an o foro Yerusalem, oun dan o foreskre massurya tele.


Oun me poučom: “Har rah, ray?” Oun yob penas: “Bis te bouder kek menshe an i forya djivenn, vitar kek mensho an i khera, oun ko harhetikri phoub har i moulo them vas.”


Oun me moukau ko them čiddo, har lo hi. I rouka venn gar pale činlo, oun i phoub gar trouyel vitsedo. Palle venna soubyengre bourra oun soubyengro zenlepen bares koy pre. Oun me penau o brishineske, te perell lo gar koy tele.


Yaake vas i phoub, kay boud djob oun zenlepen baro vas, i moulo londo them. Kova kras lo dran o čilačepen kol menshendar, kay kote djivenn.


Ap deesh hektarya drakengro them venn drake bares, hoy denn gar boudeder har orhta litarya mool. Oun sheel kilogramme djob, hoy vi-vitsedo van an i phoub, anenn gar boudeder har deesh kilogramme djob.


Hi kava t'maro foro, kay sapen oun khelepen dren his, ko foro, hoy an i phoure tsirya kerdo vas? Kolengre parepangre an dour themma djan oun kote pen tele moukan?


O baro Devel, ko ray pral o bolepen oun i phoub penas, te vell kova yaake. Yob kamas lenge ko tselo raylepen krik te lell, koleha yon pen yaake bares kran, oun kamas i an-dikle morshen ap i phoub tiknes te krell.


Ap i dromma denn le gole pal mool, kolatar kek bouder koy hi. Kek sapen vell shounlo, kek khelepen dell bouder.


I zorelo foro hi mouklo. Kek djivell bouder an i shoukar khera. O foro hi har i divyo mouklo them, kay i groumya rhan oun pen tele čivenn, oun o zenlepen ap i bourra rhan.


Kote, kay soubyengre bourra oun soubyengro zenlepen bares van, djan kanna bare zenele rouka pre. Doleske vell o baro Debleskro lab sharedo. Oun kova hi ninna i sikepen, te bistrell kek, te his o baro Devel kova, kay sau koova kras.


O baro Devel, kay o Israeleskro Devel hi, penell pral i khera an kava foro oun pral kol khera i bare rayendar pral o them Youda, hoy phagan le tele, te krenn le o foreskre massurya lentsa zorleder oun bareder, te nay venn gar i Babilonarya pral pengre pre-čidde dromma an o foro dren.


Oun o baro ray pral o them Babilonia moukas len temerl te dell an o foro Ribla, hoy an o them Hamat čiddo hi. Yaake hounte djan i menshe dran o them Youda an o pandepen.


Penenn t'mare phralenge, te hi le mire menshe, oun ap t'mare phenya, te krau me miro dji lenge pre.


Swiv nou:

Piblisite


Piblisite